Дејан Пројковски добитник на Награда за најдобра режија, „Брачно советувалиште“ најдобра претстава на 12. фестивал „Гола месечина“ - Канал 5

Култура

Дејан Пројковски добитник на Награда за најдобра режија, „Брачно советувалиште“ најдобра претстава на 12. фестивал „Гола месечина“

Претставите годинава ги избра Роберт Ристов, а наградите беа доделени на последната фестивалска вечер, за кои одлучи жири во состав Кристина Ласовска, Оливер Јосифовски и Мирјана Поповска Ристов.

Дејан Пројковски добитник на Награда за најдобра режија, „Брачно советувалиште“ најдобра претстава на 12. фестивал „Гола месечина“

Македонскиот режисер Дејан Пројковски за претставата „За нас почнува живот“ доби Награда за најдобра режија, а „Брачно советувалиште“ на Театар Јазавац од Бања Лука е добитник на Награда за најдобра претстава на 12. Меѓународен фестивал на комедијата „Гола месечина“, што од 10 до 13 овој месец се одржуваше во паркот „Авионче“ во Општина Аеродром.

Претставите годинава ги избра Роберт Ристов, а наградите беа доделени на последната фестивалска вечер, за кои одлучи жири во состав Кристина Ласовска, Оливер Јосифовски и Мирјана Поповска Ристов.

Награда за најдобра машка улога жирито му ја додели на актерот Иван Томашевиќ за улогата на Данило Сречковиќ во претставата „Вонбрачна комедија“ на Сцена Маска - Србија. Томашевиќ, како што се наведува, со совршена избалансираност на енергичност, емоцијоналност и луциден хумор, изгради комплексен и слоевит лик, кој и покрај сложеноста, го изведе со завидна леснотија и артистичка прецизност, од самиот почеток па се до крајот на претставата.

Оваа година жири-комисијата одлучи за Најдобра женска улога да ја додели на актерките Глориа Дубељ и Ива Шимиќ Шакороња, од претставата „Ива и Глориа“ на Театар Керекеш - Хрватска кои, како што се наведува, со неверојатна брзина на трансформации и неизмерна сценска енергија, оживеаа повеќе препознатливи типизирани ликови од нашето секојдневие, оставајќи впечаток на убедливост во секој момент од претставата.

Наградата за најдобра режија ја доби македонскиот режисер Дејан Пројковски за претставата „За нас почнува живот“.

- Пројковски маестрално креира еден кохерентен и комплексен сценски свет, каде секој елемент е внимателно избалансиран помеѓу трагичното, комичното, радоста, болката, зависта, стравот од непознатото, трансформирајќи ја претставата во уметничко доживување со длабочина, се вели во одлуката на жири-комисијата.

Награда за споредна улога се доделува на актерот Душан Симиќ за улогите на Миша, Чеде и Мите во претставата „Вонбрачна комедија“ на Сцена Маска - Шабан, Р. Србија. Симиќ, според жири-комисијата, преку извонредното актерско мајсторство, оживеа три сосем различни лика, трансформирајќи се со силна, експресивна и многу прецизна актерската игра, која внесе во сцените дополнителна живост и комични моменти.

- Наградата за најдобра претстава на фестивалот се доделува на претставата „Брачно советувалиште“ на Театар Јазавац - Бања Лука заради исклучителната уметничка целина, каде режисерската прецизност во јасно заокружениот концепт, колективна актерска игра и впечатливото визуелно обликување, создадоа незаборавно уметничко доживување во целост, посочува жири-комисијата.

Тагови: Дејан Пројковски Гола месечина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер