Македонскиот клупски шах забележа значаен меѓународен успех на Европскиот клупски куп 2026 во Будва, со пласман на две екипи меѓу шесте најдобри во Европа. ШК Алкалоид во отворената конкуренција и ШК Гамбит АСЕЕ во женската конкуренција ги освоија шестите места, потврдувајќи го квалитетот и конкурентноста на македонскиот шах на највисоко европско клупско ниво. Позитивната слика за македонскиот настап ја надополнија и ШК Мулти Есенс и ШК Гостивар.

Европскиот клупски куп се одржа од 17 до 23 октомври во Будва, Црна Гора, со учество на силни клубови и врвни шахисти од цела Европа. Македонија беше претставена со четири клуба – Алкалоид и Мулти Есенс во отворената конкуренција, како и Гамбит АСЕЕ и Гостивар во женската конкуренција.

ШК Алкалоид го освои високото шесто место, со освоени 11 меч-бодови од седум кола, забележувајќи пет победи, едно реми и еден пораз. Како втор носител на турнирот, Алкалоид до самиот крај беше во конкуренција за највисок пласман, а конечниот распоред го одредија дополнителните критериуми. Европската титула ја освои турскиот Бајеган Пендик, пред чешкиот Нови Бор и израелскиот Ришон Лецион.

ШК Мулти Есенс го освои 37. место, со осум меч-бодови, остварени преку четири победи и три порази. Екипата, која го започна натпреварувањето како 43. носител, го подобри својот почетен пласман за шест позиции и го заврши турнирот во горната половина од конечната табела.

Во женската конкуренција, Гамбит АСЕЕ го освои одличното шесто место, со осум меч-бодови од три победи, две ремија и два пораза. Како шести носител, македонскиот клуб го потврди својот квалитет во силна меѓународна конкуренција, задржувајќи го местото меѓу водечките европски екипи.

Вториот македонски претставник кај жените, ШК Гостивар, го освои 16. место со шест меч-бодови, односно три победи и четири порази. Европската титула ја освои Монте Карло, пред Гамбит Боневоа од Луксембург и српскиот Сирмиум од Сремска Митровица.

Двата пласмана меѓу најдобрите шест европски клуба претставуваат вреден резултат за македонскиот шах, а настапите на сите четири македонски екипи се дополнителна потврда за континуитетот, квалитетот и потенцијалот на домашниот клупски шах на меѓународната сцена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јотова / Валчев добија 34,8% од гласовите, додека на второ место се Ѓуров / Кандев со 32% добиени гласови.

Катастрофално ниската избирачка активност– една од најниските досега во Бугарија, кризата со нападите од дронови врз бугарските бродови во Црното море после која Јотова одлучи да не го свика Безбедносниот совет, но и внатрешно-политичките скандали како убиството на бизнисменот Слави Бинев и нападот врз новинарката од член на обезбедувањето на претседателката на парламентот, според бугарските аналитичари, се причините за овој резултат кој е на прагот на статистичка грешка. Дополнително, како што велат аналитичарите, доколку Јотова загуби во вториот круг, во Бугарија би можело сериозно да започне дискусија и за оставка на кабинетот на Румен Радев.

-Илјана Јотова не е Румен Радев. Не може да биде. Секако, кредибилитетот на владата и ова огромно мнозинство дојде со довербата што ја обедини околу себе. И според мене, она што доведе до овој резултат е комбинација од надворешни фактори што се случија во меѓународната ситуација и бугарската политичка ситуација. Од друга страна, постојат работи што влијаат на односот меѓу оние на власт и Илјана Јотова, и сегашниот претседател. И од трета страна, грешките и настаните во самата кампања.- Мила Мошелова, политолог

По завршувањето на изборниот ден, ниту Јотова ниту Ѓуров не побараа конкретна политичка поддршка од партиите и нивните лидери. Сепак, бугарските аналитичари оценуваат дека за вториот круг Јотова ќе ја побара поддршката од гласачите на Преродба, додека пак, Ѓуров ќе се обиде да ги собере гласовите од ГЕРБ и останатите антивладини гласови. Јотова и Ѓуров ќе се соочат во одлучувачкиот втор круг на 1 ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Само на Клиниката за неврологија секоја година има по околу 5000 нови случаи, а ова е доволно за вклучување на алармот за превенција, вели д-р Арсовска. Навременото препознавање на симптомите и брзата медицинска интервенција кога ќе се забелжи симптом како што е парализа на едната страна на телото, се клучни за намалување на ризикот од смрт и тешки последици. Сепак, во околу 90 проценти мозочниот удар може да се спречи, а треба да се започне со утврдување на факторите на ризик што ги имаме, како што се маснотии во крвта, висок крвен притисок, шеќер, вели д-р Арсовска.

Мозочен удар не може да се превенира преку ноќ, но клучни се медицинските проверки на нашиот организам, но и ако се прават напори во секојдневниот живот да ги промениме навиките, или модифирачките ризик-фактори.

Според официјалните податоци на Институтот за јавно здравје во Македонија годишно околу 3.000 луѓе доживуваат мозочен удар. Кај 30 до 40 проценти од пациентите остануваат трајни последици, меѓу кои парализа, нарушен говор, проблеми со памтењето и физичка инвалидност. По повод светскиот ден на мозочниот удар, на Плоштадот Македонија од 10 часот ќе се спроведуваат бесплатни превентивни мерења на крвниот притисок, шеќерот и холестеролот во крвта, како и проценка на ризикот од мозочен удар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.