Дејан Дуковски - Автор во фокус на 60. МТФ „Војдан Чернодрински“ - Прилеп идната година - Канал 5

Култура

Дејан Дуковски - Автор во фокус на 60. МТФ „Војдан Чернодрински“ - Прилеп идната година

Автор во фокус на јубилејното 60-то издание на Македонскиот театарски фестивал „Војдан Чернодрински“ во Прилеп  идната година  ќе биде драмскиот писател  Дејан Дуковски. МТФ ќе се одржува од 12 до 19 јуни 2026 година. 

Дејан Дуковски - Автор во фокус на 60. МТФ „Војдан Чернодрински“ - Прилеп идната година

-Дејан Дуковски е еден од највлијателните и најизведувани македонски драмски автори. Фестивалот ќе му посвети ден на авторот во кој со различни содржини ќе биде потенцирана важноста на Дуковски за македонската театарска меморија и култура, воопшто. Името на Дуковски е синоним за постмодерната драма во Македонија, а неговите текстови се препознаени како дел од поширокиот европски тренд на „нова драма“ или „in-yer-face theatre“. Со повеќе од сто и педесет евидентирани премиерни изведби на своите драми на сцените низ светот, Дуковски е најизведуваниот македонски автор надвор од Македонија. Освен драмски текстови, Дуковски е автор и на сценарија и драматург, соопшти МТФ „Војдан Чернодрински“ најавувајќи ја програмата „Автор во фокус“ за следното фестивалско издание.

Дејан Дуковски дипломирал драматургија на Факултетот за драмски уметности во Скопје во 1990 година, во класата на Горан Стефановски. Во раните 1990-ти години работи како драматург во Македонската радио-телевизија, од 1993 година е дел од наставниот кадар на Факултетот за драмски уметности – Скопје, како асистент по предметот Филмско и телевизиско сценарио, а од 1996 година е доцент на Катедрата за драматургија на истиот факултет. Од 2015 година е драматург во Македонскиот народен театар. Престојувал на резиденција како писател во Дојче шаушпилхаус во Хамбург, Германија.

-Неговото творештво се развива во период на политички и културни потреси: распадот на Југославија, транзицијата кон независна држава и потребата за нови уметнички јазици што ќе го изразат искуството во времето на постсоцијализмот. Во тој контекст, Дуковски се појавува кон крајот на 1980-тите со драми како „Балканска гротеска“ (1988), „Последниот балкански вампир“ (1989), а веднаш потоа и со „Силјан Штркот шанца“ (1991), кои го најавуваат неговиот специфичен авторски ракопис: ироничен, фрагментиран, со ликови на работ на општеството. Во 1992 ја пишува „Балканот не е мртов“, драма која станува симбол на новата македонска постмодерна драма, поставувана во повеќе земји во Европа. Неговиот најпоставуван текст е „Буре барут“ (1994) кој, покрај праизведбата во МНТ (1994), изведен е и на повеќе од педесет сцени и преведен на многу јазици во Европа и светот. „Буре барут“ доживува премиера неколку месеци пред „Разнесени“ на Сара Кејн и често се наведува како претходник на „in-yer-face“ драмата. Филмската адаптација на текстот, во режија на Горан Паскаљевиќ, добива меѓународни награди, меѓу кои ФИПРЕСЦИ награда за најдобар филм (Венеција, 1998), Гран-при на фестивалите во Анталија, Хаифа и Скопје, и награда од Европската асоцијација на критичари (Лондон, 1998), наведува МТФ.

Во соопштението посочува и дека текстовите на Дуковски „се карактеризираат со фрагментарна структура, директен јазик, ликови во апсурдни ситуации и тематизација на Балканот“.

-Користи постмодернистички пристап и рециклира познати македонски драмски наративи. Таков е случајот во „Балканот не е мртов“, каде што ја реинтерпретира „Македонска крвава свадба“ на Војдан Чернодрински, и во „Силјан Штркот шанца“, каде што основниот мотив е приказната на Марко Цепенков. Дуковски е автор чиј театарски јазик ги надминува локалните рамки и се вмрежува во пошироката европска драмска сцена. Неговите дела се преведени на осумнаесет јазици и поставувани на повеќе од сто и педесет сцени низ светот. Со своето творештво тој придонесува за редефинирање на македонскиот театар по осамостојувањето и за неговото меѓународно позиционирање, наведува МТФ „Водан Чернодрински“-Прилеп.

Дејан Дуковски е награден и на БИТЕФ – Белград (1997) за „Маме му ебам кој прв почна“, добитник е на наградата „Војдан Чернодрински“ (1993, 1995), како и на „Бронзена камера 300“ на ИФФК „Браќа Манаки“ (1998).

Во изминатите три изданија, МТФ „Војдан Чернодрински“ им посвети внимание на творештвата на прилепски театарски уметници со програмата „Прилеп во фокус“ (2024), на Горан Стефановски (2023) и на Коле Чашуле (2022).

фото: Димитар Атанасоски

Тагови: Дејан Дуковски МТФ „Војдан Чернодрински“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриени плановите на Пентагон: Се разгледува повлекување на 25.000 американски војници од Европа

Пентагон размислува за значително намалување на американското воено присуство во Европа, што би можело да опфати повлекување на десетици илјади војници.

Откриени плановите на Пентагон: Се разгледува повлекување на 25.000 американски војници од Европа

Пентагон размислува за значително намалување на американското воено присуство во Европа, што би можело да опфати повлекување на десетици илјади војници, како и на одредени авиони, бродови и друга воена опрема, објави „Ен-Би-Си Њуз“ (NBC News), повикувајќи се на американски и европски претставници запознаени со разговорите.

Според опциите што моментално се разгледуваат, од Европа би можеле да бидат повлечени околу 25.000 американски војници, што претставува речиси една третина од вкупните американски сили распоредени на континентот.

Сепак, некои сценарија одат значително подалеку, предвидувајќи намалување од дури 40.000 припадници на војската.

Соединетите Држави моментално имаат околу 80.000 војници во Европа. Доколку администрацијата на претседателот Доналд Трамп усвои една од порадикалните опции, тоа би претставувало едно од најголемите намалувања на американското воено присуство на европско тло од крајот на Студената војна.

Изгледите за толку значително повлекување предизвикаа загриженост кај европските сојузници, како и кај некои американски законодавци од двете партии.

Критичарите на ваквиот потег предупредуваат дека драстичното намалување на американските капацитети би можело да ја ослаби способноста на НАТО да ја одврати Русија, особено додека трае војната во Украина.

Германија, Италија и Шпанија – каде што се стационирани значителен дел од американските сили и воената инфраструктура – ​​се посочуваат како земји што би можеле најмногу да бидат погодени од евентуално намалување.

Разгледувањето на можноста за повлекување е дел од пошироката ревизија на американското воено присуство во Европа, иницирана од Пентагон во јуни.

Се очекува генералот Алексус Гринкевич, командант на американските сили во Европа и Врховен сојузнички командант на НАТО, да му претстави првична анализа на можните опции на секретарот за одбрана Пит Хегсет.

Според опциите што моментално се разгледуваат, од Европа би можеле да се повлечат околу 25.000 американски војници, што претставува речиси една третина од вкупните американски сили распоредени на континентот. Сепак, некои сценарија одат значително подалеку, предвидувајќи намалување од дури 40.000 припадници на војската.

Соединетите Држави моментално имаат околу 80.000 војници во Европа.

Доколку администрацијата на претседателот Доналд Трамп усвои една од порадикалните опции, тоа би претставувало едно од најголемите намалувања на американското воено присуство на европско тло од крајот на Студената војна.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Арина Сабаленка казнета поради своето однесување во финалето на УС Опен

Втората светска тенисерка Арина Сабаленка ќе мора да плати 7.500 долари поради своето однесување за време и по финалето на Грен слемот во Њујорк, Ју Ес Опен против Елена Рибакина. 

Арина Сабаленка казнета поради своето однесување во финалето на УС Опен

Белоруската тенисерка претрпе болен пораз во Њујорк, каде што ја пропушти можноста да ја освои третата последователна титула на УС Опен.

Рибакина победи со 6-4, 5-7, 6-2, а Сабаленка тешко се справуваше со емоциите по натпреварот.

Во текот на првиот сет, откако загуби поен, Сабаленка луто ја удри топчето кон трибините, поради што доби казна за неспортско однесување. Подоцна во мечот, таа повторно во гнев го удри топчето кон задниот дел од теренот, за малку погодувајќи еден снимател.

По последниот поен уследи вистински излив на гнев. Додека седеше на клупата, Сабаленка неколкупати силно го удри рекетот од земја, а потоа вербално го нападна снимателот што ѝ пријде по завршувањето на мечот.

Организаторите на УС Опен ѝ изрекоа парична казна од вкупно 7.500 долари на Сабаленка поради прекршување на правилата за однесување. Казната ќе биде одбиена од нејзината заработка на турнирот. Сабаленка пристигна во Њујорк како двократна бранителка на титулата и имаше можност да стане само третата тенисерка во „Опен ерата“ што освоила три последователни титули на УС Опен.

Сепак, Рибакина победи во три сета и го освои својот прв трофеј на овој турнир. Поразот имаше уште една последица за Сабаленка. Со оваа победа, Рибакина го презеде првото место на ВТА-листата, ставајќи крај на 99-неделното владеење на Сабаленка на врвот.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хари Кејн зборува отворено за „Златната топка“, Меси и Роналдо: „73 гола зборуваат сами за себе“

Напаѓачот на Баерн Минхен, капитенот на англиската репрезентација, Хари Кејн, разговараше со шпанскиот весник „Марка“ за трката за „Златната топка“, за своите амбиции во Лигата на шампионите, за Жозе Мурињо и за Лионел Меси.

Хари Кејн зборува отворено за „Златната топка“, Меси и Роналдо: „73 гола зборуваат сами за себе“

Напаѓачот на Баерн Минхен, капитенот на англиската репрезентација, Хари Кејн, разговараше со шпанскиот весник „Марка“ за трката за „Златната топка“, за своите амбиции во Лигата на шампионите, за Жозе Мурињо и за Лионел Меси, како и за факторите што му овозможуваат да напредува и покрај годините.

Иако зад себе ја има сезоната од соништата во која постигна 73 гола на 65 натпревари, Кејн останува скромен кога станува збор за индивидуалните признанија.

„Никогаш не сум сакал премногу да зборувам за себе. Можам само да кажам дека минатата сезона беше неверојатна, како на личен план, така и за тимот. Тоа несомнено беше најдобрата сезона во мојот живот. Фактот е дека 73 гола – втор најголем број во историјата – зборуваат сами за себе. Исклучително сум горд на тоа, но ’Златната топка‘ не зависи од мене; таа зависи од луѓето што гласаат“, изјави англискиот напаѓач, додавајќи дека евентуална церемонија за доделување на наградата во неговиот роден Лондон би имала посебно значење.

Кога станува збор за европската елита, Кејн отворено призна дека трофејот во Лигата на шампионите претставува најголем преостанат предизвик за Баварците по болната елиминација минатата сезона.

„Минатата сезона беше навистина добра за нас. Завршивме како втори во лигашката фаза и одигравме одлични натпревари против Аталанта, Реал Мадрид и ПСЖ. Бевме многу блиску; имаме самодоверба и вистински тренер. Се работи за тоа да се направи тој последен чекор“, изјави Кејн, кој во елитното натпреварување ќе се соочи со Атлетико Мадрид токму на стадионот каде што го загуби финалето со Тотенхем.

Зборувајќи за својата форма и физичка подготвеност во најдобрите играчки години, тој особено ја истакна соработката со спортскиот лекар Алехандро Елоријага – со кого соработува веќе шест и пол години – посочувајќи го како клучен фактор за одржување на неговите настапи на највисоко ниво.

Кејн со голема почит се наврати на периодот кога соработуваше со португалскиот тренер Жозе Мурињо во Тотенхем, истакнувајќи дека Мурињо му давал целосна слобода на теренот и совршено го разбирал секој детал од играта.

Тој исто така се осврна на можноста да ја освои својата трета „Златна копачка“ – успех со кој би им се придружил на Лионел Меси и Кристијано Роналдо – и се присети на емотивната средба со Аргентинецот по елиминацијата од Светското првенство.

„Меси и Роналдо доминираа во фудбалот цела една генерација. Да се ​​биде дел од тој разговор е нешто посебно. Чувствувам огромна почит кон Меси; тој е неверојатен играч и многу скромен човек кој секогаш го ставаше тимот пред себе“, изјави Англичанецот.

На крајот, напаѓачот истакна дека најважниот столб на неговата кариера е семејната стабилност што ја има со сопругата, родителите и најблиските, нагласувајќи дека среќата надвор од теренот директно се одразува на неговите настапи за Баерн и за националниот тим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер