Децата на спортски настан кај претседателката, промоција на физичката активност и здравите навики - Канал 5

Македонија

Децата на спортски настан кај претседателката, промоција на физичката активност и здравите навики

Преку активности за зголемена физичката активност и прифаќање здрави навики да се намали процентот на дебелина кај учениците во државата. 

Децата на спортски настан кај претседателката, промоција на физичката активност и здравите навики

Тоа е клучната цел на проект, кој на иницијатива на Факултетот за физичко образование, спорт и здравје беше промовиран денеска на настан кај претседателката на државата, на кој учествуваа дечиња од предучилишна возраст и ученици од основно и средно образование.

Станува збор за развоен проект за примена на национален модел за промоција на физичка активност, здрави навики и ментално здравје кај децата од 6 до 14 години врз основа на постојните национални податоци за физичкиот фитнес и нутритивниот статус. Со намалување на гојазноста, како што беше речено, ќе се превенираат огромен број деформитети, идни отсуства од учлиште, ќе се зголемат ефикасноста и работоспособноста во иднина, како и бруто-домашниот производ.

Претседателката Сиљановска-Давкова им порача на децата да се движат, да вежбаат, да јадат здрава храна, да ја одржуваат хигиената, да бидат во храмонија со природата. Им укажа на придобивките од физичката активност и правилната исхрана.

- Вежбајте ги телото и умот. Ако не го употребувате умот, ќе згасне. Ако не го вежбате телото, ќе се деформира. Ако ги вежбате двете, тогаш резултатот ќе биде видлив. Од деца да се учите да спортувате, да ја чувате природата, да вежбате, здрава храна да употребувате, конзервираните нешта да ги заборавите, оти што поубаво изгледаат, мирисаат, толку поштетни се - порача Сиљановска-Давкова.

Кога се движиме, укажа таа, не само што топиме калории, тоа е здраво и за нашето тело и за умот, кој работи подобро кога се движиме. Нашиот народ опстојувал низ историјата поради евтината здрава храна, најчесто овошје и зеленчук, а јаделе месо кога треба, во зима - рече претседателката и истакна дека физичкото образование е еден од најважите предмети и се усовршува во сите можни правци на Факултетот за физичко образование, култура и здравје.

Им порача на децата да се угледуваат на оние што, рече, не не навредуваат и ги избираат зборовите, на оние што вежбаат, што значи дека телото си го почитуваат, и на оние што помагаат за заштитата на животната средина.

- Тоа е денеска моделот што ќе нѐ направи нас вистински европејци, со здрави навики. А тоа со мобилните, со лошите зборови, со алкохолот, со цигарите – да им помогнеме на оние кои сѐ уште живеат во тој свет подобро да живеат, да се ослободат од нив, нагласи претседатлеката Сиљановска Давкова.

Деканот на Факултетот за физичко образование, спорт и здравје, Влатко Неделковски, посочи дека проектот произлегува од собрани податоци од претходите години од деканати, општини, државни проекти и резултати од Институтот за јавно здравје.

- Не треба да бидеме задоволни што се наоѓаме во просекот на Европа по однос на она што е посебна таргет на овој проект за намалување на телесната тежина на нашите ученици. Не треба да се задоволуваме со просекот, треба да направиме исчекор и да се обидеме да ја намалиме процентуално дебелината на нашата школска популација. Проектот е замислен како зголемување на физичката активност и здравјето на учениците во училиштата во Македонија. Сигурен сум дека можеме да направиме многу заедно со Министерството за здравство, Министерството за образование и наука, со Институтот за јавно здравје, Фондот за здравствено осигурување, ЗЕЛС, сите кои можат и сигурен сум дека ќе помогнат во оваа наша цел, рече Неделковски.

Треба, порача, да го дадеме нашиот максимум затоа што децата ни се по цел ден на училиште, - Интенцијата на Министерството е целодневна настава од осум часа до пет попладне. Голем број земји околу нас, особено предничат Хрватска, Словенија, Унгарија,... веќе спроведуваат слични вакви проекти. Да се симнеме на 30 проценти гојазност ќе превенираме огромен број деформитети, идни отсуства од учлиште, ќе ја зголемиме ефикаснота и работоспособноста во иднина, а според некои и Брутодомашниот производ за 0,3 проценти, што не се малку средства, Пари никогаш доволно, меѓутоа и здравје никогаш доволно. Ги имаме сите алатки, го имаме целиот систем, помали сме, се познаваме, многу полесно можеме да ги спроведуваме работите за разлика од поголемите од нас. Само ни треба добра мотивираност и институционална соработка и сигурен сум дека резултатите ќе дојдат. Основа за физичка активност и понатака за врвен спорт секако е здрава нација којашто не му треба само на спортот туку и на општество за да можеме да се развиваме во правецот што сме го зацртале, рече Неделковски.

Идните фази на проектот ќе се спроведат со експертска група од Хрватска и Словенија, заедно со Бирото за развој на образованието, Министерството за образование и наука и Владата, а поставените цели се очекува да бидат постигнати за три до четири години.

Тагови: спортски настан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пронашле змија меѓу лебот во супермаркет, експертите со предупредување: Луѓето не се свесни...

Бројот на напуштени влекачи и други егзотични домашни миленици во Велика Британија е во пораст, според организацијата за спасување животни „Pet Encounter“.

Пронашле змија меѓу лебот во супермаркет, експертите со предупредување: Луѓето не се свесни...

Експертите открија дека змија била пронајдена на полица за леб во супермаркет, а потоа била пренесена во ветеринарна клиника на преглед.

Сопствениците во финансиска криза

Не е познато дали змијата, со прекар „Трошка“, била напуштена или избегала, но „Pet Encounter“ вели дека кризата со трошоците за живот придонела за зголемување на бројот на сопственици кои предаваат змии за кои повеќе не можат да се грижат.

Организацијата спасила 21 змија од почетокот на годината, а 14 биле спасени во целата 2025 година.

Бен Николсон од организацијата истакнува дека грижата за змиите вклучува трошоци за опрема, грејни влошки и светилки, што е дополнителен финансиски товар во време на криза со трошоците за живот.

Недостаток на свест

„Бевме создадени за едукација, но сега размислуваме за промена на нашиот бизнис модел и за да станеме добротворна организација за да можеме да добиеме финансиска поддршка“, рече Николсон.

Тој рече дека недостатокот на свест за егзотичните животни и актуелните трендови, исто така, придонеле за зголемувањето на напуштањето на домашните миленици.

Николсон предупредува дека луѓето често купуваат змии без да бидат свесни за количината на грижа и внимание што му е потребна на таквото животно.

Тагови: змија леб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тунижанец во авион сексуално нападнал онесвестена девојка, која седела до него

Маж е обвинет за сексуален напад откако 22-годишна жена изјави дека маж што седел до неа ја допирал додека била во несвест на лет на „Рајанер“.

Тунижанец во авион сексуално нападнал онесвестена девојка, која седела до него

Девојката летала од Малта до Нант на 19 јули кога изјавила дека 39-годишен Тунижанец што седел до неа наводно сексуално ја нападнал откако се онесвестила, објави Дејли Меил.

Мажот бил уапсен на аеродромот Нант на 31 август откако слегол од лет од Тунис и бил обвинет пред судија во средата. Девојката, која имала главоболка, се онесвестила кратко по полетувањето и паднала напред на масата, а потоа на рамото на сопатникот.

Кога се освестила, таа тврдела дека патникот што седел до неа ја бакнувал по вратот. Тој наводно продолжил да ја напаѓа со тоа што ја превртел на седиштето до прозорецот и ја притиснал со грбот кон себе, додека ги допирал нејзините гради под кошулата.

Жената тврдела дека конечно успеала да се оддалечи кога тој ги ставил рацете под нејзините шорцеви и ја допрел по долната облека. По слетувањето, таа му кажала на своето семејство за наводниот напад, а потоа ја известила граничната полиција, според францускиот весник „Пари мач“.

„Ранлива жена се смета за плен, дури и во авион“, наводно изјавила адвокатката на наводната жртва, Ан Бујон.

Полицајците ја испитуваат облеката на 22-годишната девојка, а таа е подложена на преглед во одделот за судска медицина на Универзитетската болница во Нант.

Според извештаите, „Рајанер“ е контактиран за детали за осомничениот, а „Дејли меил“ ја контактирал авиокомпанијата за коментар.

Осомничениот, за кој се вели дека е бездомник, потоа бил додаден на листата на барани лица, што довело до негово апсење кога повторно влегол во Франција преку Нант по летот од Тунис.

39-годишниот маж се појавил пред судија во средата и бил обвинет за сексуален напад врз ранливо лице. Според јавниот обвинител на Нант, тој „потврдил дека бил патник што седел до жртвата“, според јавниот обвинител на Нант, Антоан Лерој, но ги негирал обвиненијата. Тој ќе биде подложен на психијатриска проценка, а судењето ќе продолжи на 28 октомври.

Тагови: авион девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија со осуда на ВИ снимката на израелски министер: Ова е ужасно и недозволиво (ВИДЕО)

Германија остро ги осуди генерираните видеа од израелскиот министер за национална безбедност Итамар Бен-Гвир, на кои се прикажани палестински затвореници на транспортна лента. 

Германија со осуда на ВИ снимката на израелски министер: Ова е ужасно и недозволиво (ВИДЕО)

Критичарите ги споредија сцените со сцени од концентрациони логори, пренесува Анадолија.

Портпаролот на германското Министерство за надворешни работи, Мартин Гизе, им изјави на новинарите во Берлин дека го видел контроверзното видео. „Колку што знам, во меѓувреме е избришано, но тоа не го прави помалку ужасно. Секако, ова е целосно неприфатливо. Ужасно е“, рече Гизе. Тој нагласи дека Германија „јасно ги отфрла“ политиките и начинот на изразување на Итамар Бен-Гвир. „Нашиот став за ова е целосно јасен“, додаде тој.

Отстранети видеа

Бен-Гвир отстрани две видеа од своите профили на социјалните мрежи кои предизвикаа силни реакции поради начинот на кој го прикажуваат третманот на палестинските затвореници. Едно од видеата, објавено минатата недела, предизвика критики дека сцените потсетуваат на концентрациони логори.

Видеото прикажува заканувачки палестински затвореници во судница, со графички меурчиња за говор што сугерираат дека размислуваат за образование, храна или наргиле. Потоа, анимираниот лик на Бен-Гвир ги пробива тие меурчиња и притиска црвено копче, кое активира транспортерска лента што ги води затворениците низ вратата. Зад вратата, истите затвореници се прикажани како гладуваат, плачат и со наведнати глави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер