Дебата за состојбата со црквата „Свети Ѓорѓи" во Курбиново - Канал 5

Дебата за состојбата со црквата „Свети Ѓорѓи" во Курбиново

Да се обезбедат повеќе финансиски средства за заштита на црквата „Свети Ѓорѓи" во село Курбиново за наредната година, како и инфраструктурни услови за пристап до објектот.

Дебата за состојбата со црквата „Свети Ѓорѓи" во Курбиново

Ова беше заклучокот од денешната трибина „Актуелната состојба со црквата Св. Ѓорѓи во Курбиново, репрезент на светското културно наследство од Република Македонија" што се одржа во општина Ресен во организација на локалната самоуправа и Завод и музеј – Битола.

Храмот, како што појасни за МИА Ристо Палигора советник конзерватор во НУ Завод и музеј – Битола, е ставен под времен заштитен кров, бидејќи прокиснувала, а влагата го уништила фрескоживописот.

-Црквата е ставена под времен заштитен кров, бидејќи силно интензивно прокиснуваше имаше голема концентрација на влага во ѕидните платна и структурата на ѕидовите и тоа негативно се одразуваше врз фрескосликарството со голема концентрација на соли, кои ја уништуваа структурата на пигментите од кои е создадено сликарството, истакна Палигора.

Со поставување на времениот кров, додаде, спречено е интензивното влажнење на ѕидовите. Сушењето на ѕидовите е процес, кој трае неколку години за да се обезбедат оптимални услови за егзистирање на фреските.

-Најголемите оштетувања на фрескосликарството настануваат од капиларната влага која доаѓа од земјата и од атмосферката која е резултат на лошиот кров и директно продира врз вреските. Од тие причини изминатите години изигубено е околу 40 отсто од сликарството на црквата, вели конзерваторот.

Во блиска иднина, смета дека, црквата треба конструктивно да се зајакне, бидејќи низ годините со земјотресите попуштил објектот, кој е стар над 800 години. Поради недоволно финансиски средства годинава имало стагнација на работите.

– Имавме предвидено дополнителни истражувачки работи, кои требаше да ги завршиме и да го комплетираме проектот за конструктивна консолидација и конзервација на црквата. Во текот на наредната година да се обезбедат услови пред се финансиски и да се почне со работите на почетокот на градежната сезона, за да имаме успешни резултати, рече Палигора.

Присутните ги поздрави градоначалникот на општина Ресен Живко Гошаревски, кој забележа дека црквата „Свети Ѓорѓи" претставува светско културно наследство, своевидно ремек дело, кое е суштинската спона во развојот на европското ликовно, архитектонско творештво.

-Уметничките пораки, духовното зрачење на светилникот во ова единствено беспрекорно цивилизациско острово, е еден од поистакнатите и препознатливи наши патокази, светлина, насока кон вистинската смисла на опстојувањето, своевиден фокус што ги спојува минатото, сегашноста и иднината во единствената точка на бесмртноста и бескрајот на нашето опстојување, на нашата мисија кон идејата, идеализмот, надежта, кон равноправното постоење во духовните трезори на светот, рече Гошаревски.

Учесниците на дебатата сметаат дека потребно е да се обезбеди и инфраструктура до црквата, каде немало струја, вода, санитарен јазол, ниту пристапен пат.

Храмот „Свети Ѓорѓи" во Курбиново е карактеристична по своето светски познато сликарство направено на многу високо и естетско ниво. Таму се наоѓа еден од најубавите сликани ансамбли од крајот на 12 век во цела Европа. Има насликано неколку ангели, а еден од нив е насликан на 50 денарката.

Во рамките на трибината беше прикажан и филмот „Црквата Св. Ѓорѓи во Курбиново – историјат, културно значење и конзервација" финансиран од Европската комисија, дел од активностите на здружението „Македонида" од Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рубио: „Не сме нападнати“

Американскиот државен секретар Марко Рубио изјави дека нема докази оти неодамнешните технолошки дефекти кај американските авиокомпании, банки и технолошки фирми се поврзани или се резултат на сајбер-напад.

Рубио: „Не сме нападнати“

„Не сме изложени на систематски напад. Овие настани немаат никаква меѓусебна поврзаност“, изјави Рубио, откако зачестените технички проблеми поттикнаа шпекулации за можна координирана акција, пренесува Би-Би-Си.

Прекините во функционирањето ги зафатија услугите на „Мајкрософт“ и „Епл“, банката „Џеј Пи Морган Чејс“ и компанијата „Јунајтед ерлајнс“, а поради технички дефект, сите летови во САД беа запрени во траење од повеќе од четири часа.

Привремено недостапна беше и внатрешната комуникациска мрежа на Агенцијата за национална безбедност на САД.

Американски претставници и експерти за сајбер безбедност изјавија дека нема докази оти инцидентите се поврзани, како и дека проблемите настанале поради технички дефекти и ажурирање на застарени системи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ен Хатавеј го роди своето трето дете: Беше обвинета дека ја лажира бременоста, сега е видена со бебето во Њујорк

Холивудската ѕвезда, актерката Ен Хатавеј го доби своето трето дете со сопругот, филмскиот продуцент Адам Шулман.

Ен Хатавеј го роди своето трето дете: Беше обвинета дека ја лажира бременоста, сега е видена со бебето во Њујорк

Мегапопуларната актерка е забележана на прошетка во Њујорк, а фотографиите на кои се гледа како носи новороденче во носилка открија дека во нивното семејство пристигнал нов член.

43-годишната актерка беше сама за време на прошетката, со постојана насмевка на лицето додека внимателно се грижеше за бебето. Фотографиите беа објавени од медиумот TMZ.

Ѕвездата од филмовите „Дневниците на принцезата“ и „Клетници“ сè уште нема дадено јавна изјава во врска со раѓањето на нејзиното трето дете, затоа, засега не се познати ниту името, ниту полот на бебето.

Ен и нејзиниот сопруг Адам веќе имаат два сина. Нивниот постар син, Џонатан, има десет години, додека помладиот, Џек, овој месец ќе го прослави својот седми роденден.

Актерката уште во јуни ја сподели веста дека повторно е бремена, објавувајќи фотографија на Инстаграм на која се гледаше нејзиниот труднички стомак.

На фотографијата таа е прикажана во бело здолниште и краток топ, со опис: „x Бебе, јас сум твоја x“.

Два месеца подоцна, Ен гордо го покажа својот труднички стомак на црвениот тепих, на премиерата на филмот „Крајот на улицата Оук“ (The End of Oak Street).

За таа пригода, таа се одлучи за фармерки со низок струк и лелеава блуза; споделувајќи снимки од подготовките за настанот, таа истовремено одговори на шпекулациите дека ангажирала сурогат-мајка и дека носи вештачки труднички стомак.

„Лажна коса, вистински стомак“, изјави тогаш актерката.

Ен Хатавеј и Адам Шулман стапија во брак во Калифорнија во септември 2012 година. Тие го добија својот прв син, Џонатан, во март 2016 година, додека нивниот втор син, Џек, се роди во ноември 2019 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си отстапи од протоколот поради Трамп – лично го пречека на аеродромот (ВИДЕО)

Кинескиот претседател Си Џинпинг лично го пречека американскиот претседател Доналд Трамп на аеродромот во Шенжен, по повод неговото пристигнување на самитот на Азиско-пацифичката економска соработка (APEC).

Си отстапи од протоколот поради Трамп – лично го пречека на аеродромот (ВИДЕО)

Со овој гест, Си отстапи од вообичаената практика.

Откако стана шеф на државата, Си никогаш претходно нема пречекано американски претседател на аеродром. Во Кина, каде што протоколот се сфаќа исклучително сериозно, појавувањето на Си на пистата претставува јасен сигнал за важноста што Пекинг им ја придава на односите со Соединетите Држави.

Според кинескиот дипломатски протокол во последните години, шефот на државата вообичаено не ги пречекува гостите при нивното пристигнување на аеродромот. За споредба, рускиот претседател Владимир Путин, кој пристигна во Шенжен претходно денес, беше пречекан од Цаи Ќи, шефот на кабинетот на Си – што, само по себе, се сметаше за невообичаено високо ниво на почест.

Овој потег уследи по настанот од претходно оваа година, кога Трамп лично го пречека Си при неговото пристигнување во воената база „Џоинт бејс Ендрјус“ во Соединетите Држави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер