Де Вевер по блокадата на планот на ЕК за замрзнатите руски средства: Не сум лошото момче на Европа - Канал 5

Свет

Де Вевер по блокадата на планот на ЕК за замрзнатите руски средства: Не сум лошото момче на Европа

Белгија не сака ниту едно евро од „имобилизираните“ руски средства да и се врати во Русија, но со планот за нивно користење за поддршка на Украина, Европската Унија се осмелува да навлезе во „неистражени води“, изјави белгискиот премиер Барт де Вевер.

Де Вевер по блокадата на планот на ЕК за замрзнатите руски средства: Не сум лошото момче на Европа

- Не сум лошото момче на Европа, изјави Де Вивер, откако поради неговото противење лидерите на ЕУ синоќа не го усвоија предлогот на Европската комисија за користење на замрзнатите руски средства за исплата на т.н. заем за репарација за финансиска поддршка на Украина за 2026 и 2027 година.

Според него, за време на Самиот од другите лидери не добил јасни одговори на неговите загрижености и барања.

- Не видов никаков конкретен одговор. Ги прашав моите колеги: кој е подготвен? На ова прашање не добив цунами од ентузијазам околу масата, изјави Де Вевер.

Дополнително, според белгискиот премиер, се уште е нејасно и дали предлогот на Еврокомисијата за користење на овие средства е „воопшто легален“.

Вчера при пристигнувањето на Самитот на ЕУ во Брисел, Де Вевер истакна дека бара да добие „правна основа“ за таквата одлука, потенцирајќи дека дури и во текот на Втората светска војна имобилизираните средства не биле „чепнати“, па затоа треба да се регулира преземањето на ваков важен чекор.

Де Вевер рече дека ќе бара „мултилатеризација на ризикот“ со што одговорноста за преземањето на таквиот чекор би била заедничка, потоа ако биде побарано враќање на тие пари во тоа да учествуваат сите на земјите членки, како и за исплата на заемот да се користат руските средства кои се замрзни во сите држави од ЕУ, а не само во Белгија.

- Треба да се покаже солидарност. Ако овие три барања бидат исполнети би можеле да се согласиме. Во спротивно ќе направам се што е во моја моќ, и на европско, и на национално ниво, политички и правно, да ја спречам оваа одлука, додаде Де Вевер.

На заедничката прес-конференција по завршувањето на Самитот на ЕУ доцна синоќа, претседателот на Европскиот совет, Антонио Кошта и претседателката на Европската комисија, Урсула фон дер Лајен изјавија дека добиле уверувања од првите луѓе на Европската централна банка и Еврогрупата, Кристин Лагард и Паскал Донохју дека предлогот на ЕК за користење на руските средства е во согласност со европското и меѓународното право.

- Претседателот на Еврогрупата изјави дека ова е најдобриот начин за решавање и спроведување на нашата политичка одлука за обезбедување вистинска финансиска поддршка за Украина за 2026 и 2027 година, рече Кошта.

Фон дер Лајен, пак, нагласи дека Лагард и Донохју биле многу јасни околу легалноста на предлогот, но дека „има елементи што треба да се решат и тие можат да се решат“.

Лидерите на ЕУ синоќа се договорија да и наложат на Европската комисија ги реши „технички прашања“ што биле покренати од нивна страна и што е можно поскоро да изнајде „опции“ за обезбедување на потребните средства за поддршка на Украина.

- Побаравме од Комисијата да презентира опции, Советот да ги анализира и потоа заедно да можеме повторно да се собереме на Европскиот совет во декември и да ја донесеме конечната одлука, нагласи Кошта.

Де Вевер, пак, изјави дека за обезбедување на средствата за Украина би можело да се организира задолжување на европско ниво, како за време на Ковид пандемијата, иако не е оптимист дека би можел да се постигне конснезус меѓу земјите членки за ваквата идеја. Друга можност, според него, е тие средства да ги обезбеди т.н. „Коалиција на подготвените“ за поддршка на Украина.

- За нив 45 милијарди евра годишно и не се толку многу, со оглед на големината на таа група земји, рече Де Вевер.

Најголемиот дел од замрзнатите руски суверени средства или околу 175 милијарди евра се депонирани во клириншката куќа „Еуроклир“ со седиште во Брисел. Белгиската Влада стравува дека користењето на овие средства би можело да го нарушил угледот на Белгија како сигурен депозитар и да резултира со повлекување на депонираните странски средства во земјата.

Но, од друга страна, замрзнатите руски средства во Белгија на белгискиот државен буџет му носат годишен приход од околу 1,25 милијарди евра по основа на корпоративен данок. Со искористување на дел од замрзнатите средства, Белгија би останала со помал приход од наплатата на данокот за нив.

Тагови: Де Вевер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Холандскиот премиер се обидува да го спречи распаѓањето на владата поради спорниот данок на богатство

Холандскиот премиер Роб Јетен се обидува да ја спаси својата малцинска влада во понеделник откако коалицискиот партнер VVD гласаше против даночниот план на неговата сопствена влада.

Холандскиот премиер се обидува да го спречи распаѓањето на владата поради спорниот данок на богатство

Холандскиот премиер Роб Јетен се обидува да ја спаси својата малцинска влада откако коалицискиот партнер VVD гласаше против даночниот план на неговата сопствена влада, а спорот околу зголемувањето на данокот на богатство ја доведе коалицијата на работ на колапс, објави Ројтерс.

Јетен ќе разговара со лидерите на VVD и Христијанско-демократската партија. По гласањето, тој рече дека ќе направи сè што може за да ја спаси коалицијата и најави дека ќе се обиде да постигне „нов почеток“.

Кризата избувна поради договорот со левичарската опозиција за поддршка на даночниот план за 2027 година во замена за мало зголемување на даноците на богатство. Коалицијата од три партии, формирана пред помалку од девет месеци, е поделена околу предлогот.

Десничарската, бизнис-ориентирана Народна партија за слобода и демократија (VVD) остро се спротивстави на амандманот, додека центристичката партија D66 на Јетен и Христијанско-демократската партија го поддржаа предлогот. Сепак, планот беше усвоен со тесно мнозинство, благодарение на гласовите на опозициските партии.

Лидерот на VVD, Рубен Брекелманс, го опиша гласањето како „разочарувачко“ и рече дека неговата партија сериозно ќе го преиспита својот став. Излегувањето на VVD од коалицијата веројатно би значело крај на малцинската влада на Јетен.

Кризата би можела да доведе до нови избори, четврти во Холандија за пет години. Сепак, гласањето не е единствената опција: партиите би можеле да се обидат да формираат нова влада врз основа на постојната распределба на места во Долниот дом на парламентот.

Таквиот договор веројатно би довел повторно до малцинска влада, нешто што главната левичарска опозициска партија Про веќе го отфрли.

Јетен стана најмладиот премиер во холандската историја во февруари. Неговата партија Д66 неочекувано ги доби изборите пред една година, со кампања која ветуваше раскинување со претходната влада, во која доминираше националистот Герт Вилдерс.

Новата влада се соочи со тешкотии од самиот почеток, бидејќи нема мнозинство во ниту еден дом на парламентот и мора да ја обезбеди поддршката од опозицијата за да ги усвои своите предлози. Холандија традиционално е управувана од коалициски влади со парламентарно мнозинство, но нивното формирање е сè потешко поради политичката фрагментација и промените во поддршката на гласачите.

Тагови: данок на богатство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Во Србија итно се повлечени неколку модели на Шкода- имало опасност за возачите

Патничките возила Škoda Octavia, Superb, Kodiaq и Karoq се повлекуваат од српскиот пазар поради ризик од повреди, беше објавено во системот за брза размена на информации NEPRO за опасни производи.

Во Србија итно се повлечени неколку модели на Шкода- имало опасност за возачите

Повлекувањето се однесува на моделот или моделите Octavia, Superb, Kodiaq и Karoq на Шкода, а видот на ризикот е: Ризик од повреди, објави Телеграф.

Овој случај е регистриран под број на повлекување 134/2026, од 13.11.2026 година. Категоријата на случајот е повлекување на потрошувачки производи.

На засегнатите возила, навлегување на влага може да предизвика корозија на завртката за монтирање на управувачот. Доколку оваа корозија напредува, монтирањето на управувачот може да биде компромитирано. Ова може да доведе до губење на контролата врз возилото (губење на способноста за управување) и да го зголеми ризикот од повреди на учесниците во сообраќајот.

На потрошувачите кои го поседуваат овој производ им се препорачува да проверат дали нивниот модел е засегнат од повлекувањето и да ги следат упатствата на производителот, дистрибутерот или надлежните институции.

Кај возилата опфатени со повлекувањето на моделот „48LS“, завртката за монтирање на механизмот за управување ќе биде заменета со нова, поотпорна на корозија. На веб-страницата www.skoda-auto.rs/ е можно да се провери, со користење на VIN бројот (број на шасија на возилото), дали возилото е опфатено со повлекувањето.

Тагови: Шкода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле.

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Зборувајќи на погребната церемонија за 110 лица убиени во војната меѓу Иран и Ирак во 1980-тите, позната таму како „Света одбрана“, денеска во Техеран, заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле откако сфатил дека неговите агенти и платеници не се способни да се соочат со Исламската револуција, објави Тасним њуз.

Тој рече дека агресорите се обиделе да го распарчат Иран, да го соборат неговиот политички систем, да го лишат од неговите нуклеарни и ракетни капацитети, да го ослабат Фронтот на отпорот и да ги ограбат неговите нафтени ресурси, како што направија во Венецуела, во обид да го понижат иранскиот народ.

Генерал-мајор Езади истакна дека воените капацитети и одвраќањето на Иран достигнале ниво каде што командантите на ракетните линии на фронтот лансираат ракети со боеви глави тешки два тона на растојание од 1.500 километри, со што ги попречуваат непријателските планови насочени кон безбедноста и моќта на земјата.

Тој додаде дека непријателските бази на копно и море биле подложени на разорни напади од страна на иранските борци, истакнувајќи дека стравот од воените капацитети на Иран ги навел самите противници да признаат дека нивните ракетни залихи и ресурси се значително исцрпени.

Заменик-командантот на ИРГК нагласи дека иранските вооружени сили ќе одговорат веднаш и ефикасно на агресијата и ќе ги натераат напаѓачите да се покаат за своите постапки, во случај на каква било закана, без оглед на нејзиниот интензитет или природа. Тие исто така ќе дејствуваат „без никакви географски ограничувања“ за да ги уништат корените на угнетувањето и ароганцијата, додаде тој.

Изјавите дојдоа откако Врховниот лидер на Исламската револуција, ајатолахот Сејед Моџтаба Хосеини Хамнеи, ја нагласи важноста на одржувањето висока борбена готовност и максималното ниво на одвраќање од потенцијални закани. На неодамнешниот состанок со високи воени команданти, Врховниот лидер нареди итен и силен одговор на каква било закана, без географски ограничувања, нагласувајќи дека ако непријателите обноват воени или терористички напади, иранските вооружени сили и народот ќе одлучат кога ќе завршат и под кои услови.

Тагови: Иран боеви глави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер