Европа

Де Вевер: ЕУ не може да бара од Белгија да го направи невозможното

- Ние не поставуваме неразумни барања. Белгија никогаш нема да се согласи сама да ги сноси ризиците од таквата постапка, изјави Де Вевер, поздравен со аплауз од белгиските пратеници.

Подготвени сме да направиме жртви, но не може од оваа земја да се бара да го направи невозможното, порача белгискиот премиер Барт де Вевер во обраќањето пред Федералниот парламент во Брисел за време на дебатата за предлогот на Еврокомисијата за користење на замрзнатите руски средства за исплата на финансиска помош на Украина, на што се противи Белгија.

- Ние не поставуваме неразумни барања. Белгија никогаш нема да се согласи сама да ги сноси ризиците од таквата постапка, изјави Де Вевер, поздравен со аплауз од белгиските пратеници.

Де Вевер нагласи дека, иако новите предлози на Европската комисија „еволуираа во корист на Белгија“ во однос на првичниот план, сепак тие сè уште не ги исполнуваат „ниту минималните услови“ на кои инсистира белгиската Влада.

Белгискиот премиер во обраќањето се наврати на, како што рече, ризиците што планот за „конфискација на руските средства“ би ги претставува не само за Белгија, туку и за целата Европска Унија.

Планот на ЕК за т.н. „заем за репарации“ предвидува користење на замрзнатите руски средства за исплата на 140 милијарди евра на Украина за покривање на нејзините финансиски потреби за 2026 и 2027 година.

Белгија, каде се наоѓаат најголемиот дел од замрзнатите руски средства, односно речиси 180 милијарди евра, се противи на ваквиот план, тврдејќи дека нивното користење би можело да го наруши нејзиниот углед како сигурен депозитар и да резултира со повлекување на депонираните странски средства. Дополнително, Белгија изразува загриженост и околу легалноста на таквата постапка и бара цврсти гаранции од други земји членки на ЕУ дека ќе ја споделат одговорноста доколку некогаш се дојде во ситуацијата искористените пари од сега замрзнатите средства да треба да ѝ се вратат на Русија.

Де Вевер во обраќањето изрази загриженост и дека е можно евентуалниот надомест за, како што ја нарече, „нелегалната експропријација“ на руските средства, да ја надмине нивната вкупна вредност.

Тој ги отфрли сугестиите дека е помалку проевропски или проукраински настроен поради тоа што „изразува загриженост“ во врска со планот, потенцирајќи дека Белгија го манифестирала својот „конструктивен“ пристап и со алтернативните предлози што ги изнесе за обезбедување на средствата за помош на Украина.

- Ние сме лојални Европејци. Лојално ја поддржуваме Украина. Секогаш ќе избираме мир, слобода и демократија, порача Де Вевер.

Тагови: Белгија ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Официјално: Мечот на Ѓоковиќ е одложен!

Организаторите на Вимблдон во текот на ноќта потврдија дека четвртфиналниот меч на Новак Ѓоковиќ ќе биде одложен.

Според распоредот, Ѓоковиќ требаше да игра втор на Централниот терен во вторник, но сепак ќе настапи трет.

Пегула и Коф ќе излезат први на теренот, како што претходно беше планирано, а по нив ќе продолжи дуелот меѓу Зверев и Лехечка, кој претходната вечер беше прекинат поради „полицискиот час“ при резултат 2-0 во сетови и 3:3 во гемови.

Тоа значи дека дуелот меѓу Ѓоковиќ и Оже-Алијасим ќе започне веднаш потоа; почетокот може да доцни околу половина час, но и многу повеќе доколку Чехот го освои третиот сет и ја искомплицира ситуацијата.

Претходно се очекуваше мечот да се одигра околу 16:00 или 16:30 часот... Ситуацијата на Теренот 1 останува непроменета – први ќе играат Синер и Штруф со почеток во 14:00 часот, а по нив ќе настапат Осака и Мухова.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пронајдено тело во близина на Киев; Дали станува збор за атентаторката?

Во близина на Киев е пронајдено безживотното тело на жена. Се претпоставува дека таа е осомничената за обидот за атентат врз украинскиот бизнисмен Вадим Јермолаев во Монако.

Според украинските медиуми, телото е пронајдено во понеделник, а според неофицијални информации, починатото лице е застрелано. Инаку, на 3 јули Интерпол издаде црвена потерница по Анастасија Березовски, 39-годишна државјанка на Украина, која е назначена за главен осомничен за експлозијата во Монако во која беше ранет украинскиот бизнисмен Вадим Јермолаев вечерта на 29 јуни.

Update: Vadim Ermolaev is no longer in life-threatening condition, while his partner Anna Nasibina remains in serious condition, having partially lost both legs. His 13-year-old child is out of danger after surgery. #Ukraine #Update pic.twitter.com/CRyqSjMWWZ
— NEWS.MC (@monacodailynews) July 6, 2026

Интерпол исто така објави две фотографии од осомничената, придружени со известување дека таа има тетоважа на десната рака – од рамото до лактот – за која се верува дека прикажува змија.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аморим: Милан е поголем предизвик од Јунајтед

Рубен Аморим призна дека преземањето на Милан претставува уште поголем предизвик од оној со кој се соочи кога го презеде Манчестер Јунајтед.

Португалскиот тренер официјално ја презеде функцијата шеф на стручниот штаб на италијанскиот гигант на 6 јули; по пристигнувањето во Италија, тој разговараше со медиумите и објасни зошто ја прифатил новата работа, иако претходно изјавуваше дека би избрал помалку захтевен проект.

„Ако погледнете некое мое старо интервју, ќе видите дека ова е клуб што навистина ми значи многу. Тоа е огромен предизвик. По претходниот (Манчестер Јунајтед), си ветив дека ќе изберам помал предизвик. Но, еве ме тука – а предизвикот е уште поголем“, изјави Аморим.

Поранешниот тренер на Спортинг потпиша двегодишен договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.