Давкова: Американското катче е еден од симболите на македонско-американското пријателство

Сиљановска-Давкова: Американското катче е еден од симболите на македонско-американското пријателство и партнерство

Американското катче е можност, пред сè, младите луѓе да бидат во контакт со американската култура, но и американските вредности, да го изучуваат англискиот јазик, да го знаат значењето на волонтерството, медиумската писменост, па и безбедноста, изјави претседателката Гордана Сиљановска-Давкова во своето обраќањет на 20-годишнината од отворањето на првото Американско катче во Скопје.

Настанот го отвори американската амбасадорка во земјава Анџела Агелер, посочувајќи ја важната улога на американското катче во развојот на граѓанското општество и промовирањето на демократските вредности во државата.

Во своето обраќање, претседателката Сиљановска-Давкова рече дека американското катче е еден од симболите или центри на македонско-американското пријателство и партнерство, значаен показател за заемно разбирање и почитување, соработка која во фокусот ги има младите лидери во сите области како идни двигатели на општествените односи и промени.

Таа истакна дека отворањето на првото Американско катче се случи пред 20 години во Скопје, посочувајќи дека „оваа мала, но важна точка потоа како една културолошка зараза ќе се прошири и во други градови низ Републиката на најдобар начин оправдувајќи ја идејата за еден ваков истурен ракавец на Американската амбасада во земјава“.

-Ќе цитирам еден стих од големиот Волт Витман чијашто поетска величина е позната глобално: „Соединетите Американски Држави, вели тој, самите по себе во суштина се најголемата песна“ (“The United States themselves are essentially the greatest poem“), така вели поетот и нагласува дека и поезијата и демократијата ја црпат својата моќ од нивната способност да создадат обединета целина од различни делови. Тие различни делови, различни култури и традиции можат да се сретнат и тука во Американското катче каде што, пред сè, младите луѓе разменуваат мислења, идеи, учат за другите, навлегуваат во суштината на мултикултурализмот или глобализмот. Ние сме благодарни што преку овој центар можеме да се запознаеме со повеќеслојноста на една голема култура каква што е американската, посочи Сиљановска-Давкова.

Нашата земја, додаде таа, ја препознава таа важност и затоа уште од почеток активно се вклучи во поддршката на овој значаен проект.

-Не е случајно што успешно опстојува веќе 20 години и има простор и натаму да живее и да се развива. Би рекла мисијата е успешна, но не е завршена, оти кога ќе се навратиме на сè што се случувало во тие мали простории од каде што се пренесувала широката и благородна идеја за споделување на вредностите, нашите погледи се насочени кон иднината. Тие што доаѓаат тука имаат што да слушнат, но секако дека имаат и што да кажат. Таа интеракција е движечка сила и од неа ќе произлезат нови идеи коишто, уверена сум, ќе се вградат во темелите на Американското катче, рече претседателката.

Истакна дека една нација не е голема само затоа што е голема или богата или моќна, туку во колкава мера успеала да ги ослободи луѓето и нивната креативност да ја вградат во општеството.

-Ние се стремиме кон тоа и оваа сила којашто ја истакна во еден говор претседателот Линдон Џонсон, ја препознавам и во активностите на Американското катче. На крајот ќе истакнам дека ако сакаме да издвоиме симболи или центри на македонско-американско пријателство и партнерство, секако, дека Американското катче е еден од нив, еден значаен показател за заемно разбирање и почитување, и потреба од соработка во која фокусот ги има младите лидери во сите области како идни двигатели на општествените односи и промени. Ви го честитам јубилејот и ви посакувам натамошна успешна работа. Успешната приказна нека продолжи да се развива!, посочи Сиљановска Давкова.

Јаневска: Од септември средношколците ќе добијат образовни асистенти, законот е во Собрание

Иако на средношколците им беше ветено дека на почетокот на второто полугодие, со измени на Законот за средно образование ќе добијат образовни асистенти, дел од родителите се пожалија дека тоа се уште не е случај.

Министерката за образование Весна Јаневска откако законот вчера помина на Влада и е во собраниска процедура, овојпат уверува дека со сигурност образовни асистенти низ средните училишта ќе има од септември , а во моментов ќе се обезбедат онаму каде би имало сериозна потреба.

- Претходниот Закон не предвидуваше образовни асистенти во средните училишта. Овој закон го предвидува тоа. Она што е сигурно дека тие од септември оваа година ќе имаат образовни асистенти, а во моментов доколку има сериозна потреба и непополнето место за образовен асистен ќе се потрудиме да обезбедиме и за овие ученици.

Јаневска на прес конферецнијата кажа дека околу 400 студенти што се финансирани од државата за да студираат на топ рангираните универзитети на Шангајската листа, од сега ќе имаат обврска да се пријават на новиот регистар на МОН преку кој ќе се следи текот на нивните студии и работниот статус.

Оние студенти кои во рок од три месеци по дипломирањето ќе се вработат во странска компанија ќе можат да останат во странство најмногу до три години, но по враќањето во државата имаат обврска да работат двојно повеќе од времето на студирање. Оние студенти пак кои ќе одлучат да не се вратат во државата, ќе мораат да ги вратат средствата од стипендијата, најдоцна две години од завршувањето на студиите.

- По враќањето стипендистите треба да се пријават во МОН и за прв пат, да се регистрираат на посебен дигитален регистар (e- registar.mon.gov.mk), што го воведуваме оваа година, а кој ќе биде споделен со државните органи, универзитетите и стопанските комори, во насока на полесно наоѓање соодветен работен ангажман. Ако на студентот не му биде понуден ангажман во рок од шест месеци, не му престанува обврската да работи во државата.

Истите услови ќе важат и за новите студенти, за кои во тек е и конкурсот за финансирање на додипломски,постдипломски и докторски студии за учебната 2025/26 година. Финансирањето на студентите чини и до 40.000 долари само за уписнината, објаснува Јаневска, па целта е инвестицијата во образованието на студентите да се врати во државата.

Какви реформи се потребни во правосудството?

Дали со извесното разрешување на републичкиот обвинител Љупчо Коцевски ќе се поправи угледот и довербата во обвинителството?

Универзитетскиот професор Гордан Калајџиев смета дека покрај првиот човек, треба да има промени и на други раководни позиции за да има реални резултати. Со заминувањето на Коцевски од позицијата, кое вчера Владата го усвои и на седница, Калајџиев оценува дека се отвора пат за реформа во врвот на правосудниот систем.

„ Треба на некој начин да се тргнат барем од раководни позиции сите инволвирани освен државниот обвинител. Он во тој конфликт и да не е директно одговорен, ние никогаш нема да дознаеме кој нависина бил причина за конфликтот или колку придонел, меѓутоа он е тој шефот и не смеел да дозволи да настане таква ситуација. “-Гордан Калајџиев – универзитетски професор.

Кој ќе го наследи Коцевски, според професорот најмногу зависи од политичката поддршка. Во Македонија има пракса кандидатите прво да бараат партиска помош пред да се пријават на огласите, вели Калајџиев.

„ Властите кај нас е општопознато дека имаат желба да си донесат по можност свој обвинител и тоа не би било добро. Би било добро навистина да дојде еден ден човек со интегритет. Во крајна линија тоа нема да зависи само од властите, ќе зависи од тоа кој ќе се јави. Во обвинителството сигурно може да се најде човек со интегритет. “-Гордан Калајџиев – универзитетски професор.

Вчера Владата ја прифати иницијативата за разрешување на Коцевски, со наводите дека постапувал пристрасно имал судир на интереси, а под негово раководство обвинителството има нарушен углед и функционалност...

Следен чекор во процедурата за Коцевски е комплетниот предлог да биде испратен до Советот на јавни обвинители кои треба да дадат мислење, кое сепак нема да влијае врз крајниот исход од гласањето во Собрание.

Прашана за овој случај, американската амбасадорка Агелер денеска накусо изјави дека нема коментар и дека одблизу го следат процесот, со очекување дека ќе се испочитуваат законите.

Стопанската комора на трговци со реакција на владините одлуки за ограничување на маржите

Стопанската комора на трговците на големо и мало изразува загриженост од вчерашната одлука да ги ограничи маржите, односно заработката на трговците за 5, 10 и 15% на прехранбени и непрехранбени производи и браат итна нова средба со премиерот.

Стопанската комора на трговците на големо и мало изразува загриженост од вчерашната одлука да ги ограничи маржите, односно заработката на трговците за 5, 10 и 15% на прехранбени и непрехранбени производи и браат итна нова средба со премиерот Христијан Мицкоски

Тие се жалат дека со ова им се нанесува значителна штета на стопанските субјекти, а целта нема да биде постигната.. Велат дека иако Владата најави дека оваа мерка ќе опфати 1000 производи, во реалноста се работи за многу поширока листа од 3000-4000 производи, вклучувајќи ги сите видови млеко со различни маслености, како и производи како што се детергенти и сапуни.

-Од една страна, се наведува дека основните производи се маржираат од 20-25%, што е причината за ограничувањето на маржата на 5%, но од друга страна се тврди дека нема да има значително намалување на цените. Логично е, цените да се намалат за 15-20%, доколку се намали маржата на овој начин. Дополнително, овие одлуки не ги заштитуваат социјално загрозените граѓани, туку најголемата финансиска корист ќе ја имаат потрошувачите со повисоки приходи. На пример, во групата на месни производи ќе треба да се намалат цените и на луксузни производи, што значи дека не се води сметка за приоритетите на граѓаните со пониски примања. – Стопанска комора на трговци на големо и мало.

Сепак, овој пат тешко дека ќе има премислување за одлуката, бидејќи од министерството за економија за Канал 5 потврдуваат дека набргу истата ќе заврши во службен весник, по што и официјално ќе стапи на сила. А, трговците со одлуката се задолжени и да имаат најмалку 70% од предвидените производи на полиците...

Дел од граѓаните сметаат дека е добро што се направило нешто во оваа насока, но сепак ќе почекаат да видат како реален ефект ќе има оваа одлука врз нивниот џеб..

Со одлуката, со 5% се ограничуваат 8 производи, белиот и полубелиот леб, брашната тип 400 и 500, киселото млеко, јогуртот, јајцата, маслото за јадење. На 10% се ограничуваат 37 производи, меѓу кои оризот, пекарските производи, месото од разно животинско потекло, рибата, млечни производи и уште многу други. Со 15% пак се ограничени поголем дел од овошјата и зеленчукот, пелени, бебешка и детска храна, хемикалии како и дел од алкохолните и безалкохолни пијалаци.

Одлуката ќе трае до 30 април со што во овој период ќе бидат опфатени и два од најголемите верски празници кај христијаните и муслиманите, Велигден и Рамазан Бајрам на кои традиционално се полнат трпезите, а се празнат маркетите.

притисни ентер