Давчевски: Ветуваше чист град за 72 часа а сликата на Скопје со Орце денеска е одвратна, преполни контејнери и смрдеа - Канал 5

Македонија

Давчевски: Ветуваше чист град за 72 часа а сликата на Скопје со Орце денеска е одвратна, преполни контејнери и смрдеа

Сликата на нашето Скопје денес не бара никакви политички анализи. 

Давчевски: Ветуваше чист град за 72 часа а сликата на Скопје со Орце денеска е одвратна, преполни контејнери и смрдеа

Сликата на Скопје денес е одвратна, смрди на распаѓање, на неспособност и на евтин предизборен популизам. Скопје е претворено во депонија, контејнерите претекуваат, ѓубрето е расфрлано по улиците и тротоарите, а скопјани се принудени да се движат низ еколошка и здравствена бомба.

Затоа денес имаме едно директно прашање до градоначалникот на Скопје. Прашање на кое скопјани заслужуваат одговор.

Градоначалник, каде ви исчезнаа оние фамозни 72 часа? Човекот кој ја доби довербата на скопјани на едно клучно и арогантно ветување дека само за 72 часа ќе го исчисти Скопје.

Ветуваше дека проблемот со комуналната хигиена ќе стане минато и дека градот никогаш повеќе нема да се најде во ваква ситуација. Што добивме од неговите ветувања?

Добивме спектакуларен PR и сликање со лопати и метли за социјалните мрежи, додека реалноста ни е сосема поинаква. Системот целосно колабираше. наместо реорганизација, ЈП комунална хигиена е во хаос, а градот е оставен на милост и немилост.

Со покачувањето на температурите, неспособноста на градоначалникот нема да е само естетски проблем, туку ќе биде директна закана на скопјани од ширење на болести во град со над половина милион жители.

Градоначалник, поминаа вашите 72 часа, поминаа и 172 дена и многу повеќе од тоа. Очигледно парадата што ни ја приредивте пред салата Борис Трајковски во првите 72 часа не беше ништо повеќе од гол популизам и скап PR. Кога чистењето трае 72 часа тоа е акција, но кога ѓубрето се враќа по 72 часа тоа е неспособност. Скопјани не плаќаат даноци за вие да терате PR, туку за да добијат, замислете, основна, елементарна и цивилизациска услуга, чист град.

YouTube video

Прес конференција на претседтаелот на ГО СДСМ, Александар Давчевски

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почина Бразилка која скокнала банџи од мост висок 40 метри, заборавиле да и го прицврстат јажето

Дваесет и едногодишната манекенка Марија Едуарда Родригес де Фреитас почина откако паднала од мост висок 40 метри во Бразил, откако персоналот не успеал да прицврсти јаже за банџи на нејзиниот појас.

Почина Бразилка која скокнала банџи од мост висок 40 метри, заборавиле да и го прицврстат јажето

Трагедијата се случила на мостот Понте до Ескелето во Лимеира, во државата Сао Паоло, а девојката објавувала возбудени пораки на социјалните мрежи непосредно пред скокот, објави Unilad.

Застрашувачко видео кое стана вирално го прикажува моментот кога тројца инструктори ја креваат девојката, која стои со раширени раце, и ја фрлаат од работ на мостот. Додека таа паѓа, ужаснатите сведоци почнуваат да викаат на португалски. „Јаже, луѓе, јаже!“, извикаа тие. Јажето за банџи, сепак, не било врзано за неа, туку било оставено да лежи на мостот.

Само неколку минути пред фаталниот пад, девојката сподели фотографии од своите нараквици за скокање на својот Инстаграм профил. „Кој е овој луд човек што ме убеди да скокнам од мостот?“, напиша таа на шега во еден од своите постови.

Шест лица уапсени

Итна помош беше повикана на местото на настанот, но за жал, тие можеа само да ја прогласат Марија Едуарда Родригес де Фреитас за мртва. Нејзиното тело беше однесено во Институтот за судска медицина, а локалните власти започнаа истрага за да утврдат дали постојат основи за поднесување кривични пријави.

Локалните медиуми објавија дека шест лица се уапсени на местото на настанот, од кои две се обиделе да избегаат по несреќата. Полицијата истражува дали небрежноста придонела за трагедијата. Според „CNN Brasil“, Инстаграм профилот на компанијата што ги организираше скоковите оттогаш е избришан, како и „WhatsApp“ групата преку која беа споделени информации за настанот.

Трагедијата, исто така, покрена прашања за јавниот пристап до самиот мост, што доведе до спор меѓу градот Лимеира и федералната влада на Бразил. Градскиот совет на Лимеира најави тужба против федералната влада за дозволување јавен пристап до опасниот мост. Таа тврди дека мостот е под федерална надлежност и дека со месеци предупредува за ризикот од слободен пристап.

Извор: Индекс.хр

Тагови: Бразилка банџи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер