Дарен Флечер привремено решение на клупата на Манчестер Јунајтед - Канал 5

Фудбал

Дарен Флечер привремено решение на клупата на Манчестер Јунајтед

Нов тренер на „Црвените ѓаволи“ од Манчестер  до носење на нов менаџер на Олд Трафорд ќе биде поранешниот фудбалер Дарен Флечер. 

Дарен Флечер привремено решение на клупата на Манчестер Јунајтед

Раководните луѓе на Манчестер Јунајтед денеска му врачија отказ на досегашниот менаџер на клубот, Португалецот Аморим која на клупата на гигантот од Олд Трафорд се задржа само 14 месеци на клупата.

Вчерашното реми против Лидс на Јунајтед од 1-1 најверојатно ја прелеа чашата кај раководството на Јунајтед .

Односите меѓу Аморим и раководството на клубот беа затегнати веќе некое време, бидејќи неговиот систем со тројца бекови предизвикуваше критики, а само трите победи во последните 11 натпревари во Премиер лигата исто така беа премалку за еден екс европски шампион.

Флечер ќе дебитира на клупата на Јунајтед веќе в среда против Барнли во среда, а одлуката за нов менаџер најверојатно ќе биде одложена до летото.

Поранешниот играч од средниот ред на Јунајтед досега беше задолжен за екипата до 18 години на „Олд Трафорд“ и за него ќе биде приоритет брзо да ги покаже своите способности.

Инаку, Флечер се врати во клубот во октомври 2020 година како тренер на тимот до 16 години, пред да се пресели во тренерскиот штаб на првиот тим во јануари 2021 година.

Роден во Далкит, Шкотска, Флечер одигра 342 натпревари за Манчестер Јунајтед од 2002 до 2015 година, освои пет титули во Премиер лигата, ФА Купот, Лига Купот и Лигата на шампионите, а има и 80 настапи за Шкотска.

Интересен за медиумите е и фактот што токму Флечер беше еден од омилените фудбалери на славниот менаџер на Јунајтед, Сер Алекс Флечер, фудбалер кој секогаш ја имаше неговата доверба и ја оправдуваше таа доверба со својата сигурност на теренот, честопати играјќи надвор од својата природна позиција.

Дарен Флечер како прв тренер во иднина ќе ги тренира и неговите два сина, Џек и Тајлер, двајцата на 18 годишна возраст, кои неодамна тренираа со првиот тим .

Тагови: Манчестер Јунајтед

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Едвард Нортон и Бред Пит навиваат на стадионот во Калифорнија- вирален хит на СП (ВИДЕО)

Иако првото правило на „Боречки клуб“ вели да не се зборува за тоа, повторното обединување на Бред Пит и Едвард Нортон едноставно не можеше да се игнорира. 

Едвард Нортон и Бред Пит навиваат на стадионот во Калифорнија- вирален хит на СП (ВИДЕО)

Речиси триесет години по иконскиот филм од 1999 година, актерите се најдоа заедно на трибините на Светското првенство.

Поранешните соиграчи беа забележани за време на натпреварот САД-Турција на стадионот СоФи во Калифорнија во четврток. Пит (62) носеше дрес и очила на американската репрезентација, додека Нортон (56) избра опуштена маица од Radiohead. За време на натпреварот, тие не ги тргнаа очите од теренот и разговараа во живо, коментирајќи го секој момент.

Интернетот експлодираше од реакции

Нивното повторно обединување веднаш предизвика лавина од коментари на социјалните мрежи.

Еден се пошегува: „Едвард Нортон изгледа како да зборува сам со себе на натпреварот“, додека други забележаа: „Погледнете како девојката носи пијалоци, прво на Едвард, а потоа на Бред. Класична филмска илузија.“

Потсетник за Боречки клуб

Овој момент го потсети на култниот филм од 1999 година во режија на Дејвид Финчер. Нортон го играше Наратор во него, додека Пит го играше Тајлер Дарден.

Филмот го следи основањето на таен боречки клуб кој излегува од контрола, а иконскиот пресврт открива дека Тајлер Дарден е всушност алтер егото на раскажувачот. Во филмот глумеа и Хелена Бонам Картер, Џаред Лето, Холт МекКалани и Мит Лоф.

YouTube video

Ѕвезди на трибините и драматичен крај

Пит дојде на натпреварот со својата девојка Инес де Рамон, а нивното појавување во дресовите на американската репрезентација ги поттикна гласините за можна венчавка.

Меѓу познатите луѓе кои го придружуваа американскиот тим беа Леонардо Дикаприо, Колин Фарел, Ештон Качер, Парис Хилтон со нејзиниот сопруг Картер Реума, Џесика Алба со нејзините ќерки и кошаркарската легенда Скоти Пипен.

И покрај поддршката од трибините, САД загубија со 3-2 од Турција откако Кан Ајхан го постигна победничкиот гол во последните секунди. Сепак, Американците продолжуваат во нокаут фазата и на 1 јули во Санта Клара ќе играат против Босна и Херцеговина.

Врска што трае и по снимањето

Пит и Нортон не работеле заедно уште од „Боречки клуб“, но Пит неодамна повторно се соедини со каскадерот и режисер Дејвид Лич. Лич го режираше филмот на Пит од 2022 година „Bullet Train“, а претходно призна дека не е одлучен дали Пит ќе ја прифати улогата: „За мене како режисер, беше посебно да го видам како го потврдува материјалот и сака да работи со тебе. Се познаваме 20 години и овој момент се затвори.“

Тагови: Бред Пит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Навивачите на СП не им оставале бакшиш на келнерите, Американците најдоа решение

Светското првенство донесе полни кафулиња, ресторани и големи сметки за угостителите во САД, но некои келнери и шанкери се жалат на проблем што не го очекувале.

Навивачите на СП не им оставале бакшиш на келнерите, Американците најдоа решение

Многу навивачи од други земји не оставаат бакшиш бидејќи не се навикнати на американскиот систем, во кој тие се голем дел од платата на вработениот.

„Њујорк пост“ пишува дека областа на Њујорк е преплавена со навивачи од целиот свет за време на турнирот. Баровите и рестораните се полни од натпреварите рано наутро до доцните ноќни прослави, но персоналот предупредува дека сообраќајот не мора нужно да се претвори во повисоки плати за работниците. Посетителите често не знаат дека бакшишот се очекува во САД, а некои дури и не го разбираат процесот на плаќање со картичка и потпишување на сметката.

Сметките достигнуваат до 700 долари, бакшишот недостасува

Келнерката Луиз Дагет од пабот „Мекарти“ на Менхетен изјави дека странските навивачи се генерално пријателски расположени, оптимисти и возбудени за турнирот, но дека многумина едноставно не оставаат бакшиш. Таа рече дека некои групи потрошиле речиси 700 долари за време на повеќечасовен престој без да остават дополнителни пари за персоналот.

Таа вели дека некои гости прашуваат како функционира бакшишот, а персоналот објаснува дека тоа е вообичаено во Њујорк. И покрај ова, Дагет не им замерува премногу на навивачите. Таа верува дека повеќето од нив не сакаат да бидат груби, туку едноставно доаѓаат од средини каде што бакшишот не е дел од секојдневниот живот.

Слична ситуација преовладува и во другите барови во Њујорк. Ан Калимано, сопственичката на „Харлис Салун“, вели дека Светското првенство го претворило инаку мирниот дел од годината во непрекината врева и возбуда, но додава дека странските гости „не даваат бакшиш како локалното население“. Таа објаснува дека во многу европски земји, вработените не се толку зависни од бакшишот и дека гостите претпоставуваат дека услугата е веќе вклучена во цената.

Во некои градови, бакшишот е веќе на сметката

Поради ваквите ситуации, некои ресторани во градовите домаќини, вклучувајќи ги Канзас Сити, Атланта и Филаделфија, почнаа автоматски да додаваат бакшиш од 20 проценти на сметката. Угостителите го оправдуваат овој потег со желбата да ги заштитат вработените кои заработуваат значителен дел од своите приходи преку бакшиш и да избегнат недоразбирања со туристите кои не се запознаени со американските обичаи.

Сепак, некои вработени се обидуваат прагматично да ја погледнат целата приказна. Шанкерот Катал Рејнолдс од „Гарвис Ириш Паб“ вели дека ги разбира гостите кои веќе потрошиле многу пари за патување, билети и сместување. Тој додава дека посетителите сепак треба да се прилагодат на локалните навики, но истакнува дека бакшишот не е негова најголема грижа бидејќи баровите се полни, а сообраќајот е голем.

Покрај фудбалските натпревари, Светското првенство го отвори и прашањето за културните разлики, кои најточно се чувствуваат на масите и баровите. Додека американските работници сметаат на бакшишот како составен дел од нивните плати, голем дел од странските навивачи ја доживуваат таквата практика како необичен дополнителен трошок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го претстави новиот „патриотски пасош“ со неговиот лик

Американскиот претседател Доналд Трамп го претстави новиот изглед на специјалниот комеморативен американски пасош со неговиот лик, промовирајќи ограничено издание по повод 250-годишнината од основањето на САД оваа година.

Трамп го претстави новиот „патриотски пасош“ со неговиот лик

„Новиот пасош на Соединетите Американски Држави, кој порачува ‘Добредојдовте, но однесувајте се пристојно!’, напиша Трамп на својата социјална мрежа „Трут Соушл“.

На објавената фотографија претседателот е прикажан со сериозен израз, потпрен на работната маса, додека во заднина се гледа текстот на декларацијата за независност.

Белата куќа исто така ја објави фотографијата, нарекувајќи го документот „патриотски пасош“.

Ова е најнов во серијата потези со кои ликот на Трамп се појавува на државни симболи и институции, што неговите критичари го оценуваат како поттикнување култ на личноста.

Според најавите, потписот на Трамп ќе се најде и на идните американски банкноти, што исто така претставува преседан за актуелен претседател.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер