Фудбал

Данската фудбалска федерација се огласи за Ериксен: Кристијан се чувствува добро, сам го напушти теренот

Позната состојбата на данскиот фудбалер Ериксен во синоќешното колабирање на пријателската со Украина.

Данската федерација издаде итно соопштение Кристијан се чувствува добро, сам го напушти теренот, пејсмејкерот работи правилно. Отсуствуваше кратко време, но брзо се освести, изјави Мортен Боесен.

Пријателскиот натпревар меѓу Данска и Украина во Одензе беше прекинат на средина од второто полувреме откако Кристијан Ериксен доживеа уште еден срцев удар.

Искусниот фудбалер од средниот ред се онесвести во 65-тата минута, а бидејќи истиот проблем го имаше пред пет години на Европското првенство, селекторите и играчите на натпреварот решија веднаш да го завршат натпреварот.

Во 65-тата минута, по лесно трчање, Ериксен се фати за градите и падна на тревата.

Медицинскиот тим веднаш се упати на теренот, публиката и сите фудбалери воздивнаа по неколку минути кога Данецот се разбуди и стана на нозе. Данскиот „ТВ2“ објави дека Ериксен веднаш бил префрлен во најблиската болница, но дека е свесен.

Веднаш по прекинот на натпреварот, пристигна кратко соопштение од Фудбалската асоцијација на Данска.

Најважно од сè - искусниот фудбалер е во стабилна состојба, но ќе остане хоспитализиран, така што медицинскиот тим ќе го следи неговото здравје во текот на вечерта.

„Ериксен е свесен и во добра состојба со оглед на сите околности“, се вели во краткото соопштение од Асоцијацијата, додавајќи дека натпреварот е официјално прекинат и дека нема да има продолжение.

Потоа се огласи и главниот лекар на данската фудбалска репрезентација - Мортен Бозен - Ериксен е во стабилна состојба и неговиот дефибрилатор работи.

- Кристијан се чувствува добро, сам го напушти теренот, пејсмејкерот работи правилно. Беше отсутен кратко време, но брзо дојде да се смири и да стапи во контакт со нас. Сега ќе биде дополнително прегледан во болница за да се утврди што го предизвикало инцидентот. Во постојан контакт сме со лекарите, Ериксен ме замоли да ги поздравам сите и да кажам дека е добро - рече Бозен.

Според последните информации искусниот Ериксен ја напуштил болницата и е на домашно лекување.

Данскиот репрезентативец и фудбалер на германски Волфсбург (Волфсбург) Кристијан Ериксен (Кристијан Ериксен) е отпуштен од болница на домашна нега откако му беа извршени детални кардиолошки тестови откако се онесвести на пријателскиот натпревар против Украина, објави во понеделник наутро Данската фудбалска асоцијација (DBU).

Медицинскиот тим на болницата во Оденсе, во координација со докторот на данската репрезентација, Мортен Боесен, потврди дека состојбата на Ериксен е целосно стабилна и дека неговото срце го претрпело инцидентот без трајно оштетување, најмногу благодарение на фактот дека имплантираниот дефибрилатор (ICD) реагирал за дел од секундата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Награди и признанија за првенците на генерација

Награди и признанија за првенците на генерација, по 20.000 денари за најуспешните ученици од Општина Центар.

Градоначалникот на Општина Центар, Горан Герасимовски, им додели пофалници и парични награди во износ од 20.000 денари на првенците на генерацијата од сите осум општински училишта. Вкупно се издвоени 160.000 денари за најуспешните ученици.

Наградените ученици во текот на своето деветгодишно образование покажале континуиран одличен успех, освоиле бројни признанија на државни и меѓународни натпревари и активно учествувале во вонучилишни активности, достојно претставувајќи ги своите училишта и Општина Центар.

„Ова е личен успех за вас, но и за вашите наставници, родители и за сите нас како локална самоуправа. Ви посакувам многу успеси во натамошното школување и да се изградите во професионални личности. На општината и државата ѝ се потребни квалитетни млади луѓе кои ќе останат тука, ќе вложуваат и ќе придонесуваат за подобра иднина“, истакна Герасимовски.

Тој посочи дека Општина Центар континуирано ги наградува и мотивира талентираните ученици за вложениот труд, знаење и посветеност, со цел да им даде силна поддршка за нивното образовно и лично усовршување.

Македонија

Студентарија реагира: Повторно стотици студенти неосновано го изгубија правото на субвенциониран студентски оброк

Овој месец, на стотици студенти во државата неосновано им беше прекинато правото на субвенциониран студентски оброк, при што најголем дел од погодените студенти овој пат се од Факултетот за безбедност при Универзитетот „Св. Климент Охридски“-Битола..

Во известувањата што студентите ги добиле како причина за прекинот е наведено дека „не се редовни студенти“, иако тие уредно го имаат овој статус и ги исполнуваат законските услови за користење на правото. Според информациите со кои располагаме, причината за настанатиот проблем е тоа што факултетот не доставил навремено ажурирани податоци за редовните студенти до Министерството за образование и наука - обврска која високообразовните установи ја имаат секој месец.

Како последица на тоа, на студентите автоматски им е прекинато правото на субвенциониран студентски оброк. Дополнително загрижува фактот што, и покрај тоа што факултетот подоцна доставил ажурирани листи со студенти кои ги исполнуваат условите, Министерството не прифаќа ажурирање на податоците за тековниот месец. Со тоа, студентите остануваат без финансиски средства кои законски им следуваат, без притоа да имаат каква било вина за настанатата состојба.

На секој од засегнатите студенти овој месец му се одземени по 3.640 денари (26 дена по 140 денари) – средства кои за многу од нив претставуваат значајна поддршка за покривање на секојдневните трошоци за исхрана. Ова не е првпат студентите да го изгубат правото на субвенциониран студентски оброк поради административни пропусти.

Речиси секој месец од почетокот на академската година, студенти од различни факултети се соочуваат со истата ситуација - факултетите не ги доставуваат податоците навреме, а Министерството не дозволува нивно дополнително ажурирање. На крајот, последиците секогаш ги трпат студентите.

Наместо системот да ги заштити оние на кои им следува ова право, студентите остануваат без финансиска поддршка поради административни пропусти врз кои немаат никакво влијание. Го повикуваме Министерството за образование и наука итно да ја преиспита одлуката за прекин на правото на субвенциониран студентски оброк и да изнајде начин за исплата на средствата на студентите од Факултетот за безбедност кои ги исполнуваат законските услови за користење на ова право.

Сметаме дека студентите не смеат да бидат оштетени поради пропусти за кои не сносат никаква одговорност. Во текот на оваа академска година, поради ваквите случаи, на студентите им беа одземени милиони денари кои останаа во државниот буџет, иако станува збор за средства кои законски им следуваат на младите.

Поради тоа, повикуваме и Министерството за образование и наука и високообразовните установи итно да изнајдат соодветно системско решение кое ќе овозможи навремена размена и корекција на податоците, со цел од почетокот на следната академска година да се спречат вакви ситуации.

Студентите не смеат да бидат казнувани за административни пропусти на институциите. Правото на субвенциониран студентски оброк мора да биде гарантирано за сите студенти кои ги исполнуваат законските услови, без исклучок и без ризик да го изгубат поради туѓи грешки.

Култура

Драмски театар со претставата „Кармен“ вечерва учествува на фестивал во Романија

Претставата „Кармен“ вечерва се игра во официјалната програма на 14. Меѓународен фестивал за изведувачки уметности БАБЕЛ, кој се одржува во градот Т’рговиште во Романија.

Фестивалот е основан во 2007 година од Театарот „Тони Буландра“ со идеја да создаде простор за средба на различни култури, театарска естетика и современа сценска практика.

Монодрамата „Кармен“ е работена по мотив од романот „Пет часа со Марио“ од шпанскиот писател Мигел Делибес. Актерката Биљана Драгиќевиќ-Пројковска за улогата Кармен има добиено неколку меѓународни награди и признанија. Режијата и драматизацијата се на Дејан Пројковски, сценографијата на Валентин Светозарев, сценските движења на Олга Панго, костимографијата на Раде Василев, а музиката на Горан Трајкоски.

Гостувањето во Романија ќе биде 51. изведба по премиерата што претставата ја имаше во мај 2021 година.

Она што БАБЕЛ го издвојува од другите фестивали е неговата програма во која се вклучени: драмски претстави, современ танц, уличен театар, циркуски претстави и перформанси, музички настани, работилници и мастер-класови, изложби и мултимедијални проекти. Целиот град Т’рговиште за време на фестивалот се претвора во голема сцена со настани во театри, на плоштади, на историски локалитети и во алтернативни простори, велат организаторите.

Името БАБЕЛ се поврзува со библиската Вавилонска кула и симболизира дијалог меѓу различни јазици, култури и уметнички изрази. Главната мисија на фестивалот е преку сценските уметности да создаде меѓукултурна комуникација и размена на идеи.

На фестивалот учествуваат ансамбли и уметници од Европа и од Азија. Тоа се театарски куќи од Полска, Грузија, Португалија, Франција, Чешка, Јужна Кореја и од други земји. Фестивалот е член и партнер на европски фестивалски мрежи, препознат од Европската асоцијација на фестивали.

За меѓународната соработка на Драмскиот театар ваквите гостувања се од особена важност поради можноста да се видат современите сценски форми и различната театарска естетика на другите театарски куќи, да се реализираат средби и да се воспостави соработка со меѓународната мрежа на директори на театри, фестивали и селектори.