Данска одговори на објавата на Трамп дека испратил медицински брод на Гренланд: Нема потреба од здравствена помош од страна - Канал 5

Свет

Данска одговори на објавата на Трамп дека испратил медицински брод на Гренланд: Нема потреба од здравствена помош од страна

Официјален Копенхаген тврди дека нема информации оти некој брод е на пат кон Гренланд. Ј

Данска одговори на објавата на Трамп дека испратил медицински брод на Гренланд: Нема потреба од здравствена помош од страна

Населението на Гренланд нема потреба од медицинска помош од страна, а доколу им притреба посебен здравствен третман, го добиваат во Данска, изјави данскиот министер за одбрана Троелс Лунд Поулсен, по објавата на американскиот претседател Доналд Трамп одека испратил медицински брод на автономната данска територија кон која отворено искажува аспирации.

И данската премиерка Мете Фредериксен, без директно да ја спомне објавата на Трамп, на Фејсбук објави дека е „среќна што живее во земја каде што пристапот до здравствена заштита е бесплатен и еднаков за сите. Каде што осигурувањето или богатството не одредуваат дали некој ќе добие достоинствен третман. Тоа е ист пристап како вна Гренланд.“

Претседателот на САД, Доналд Трамп, претходно на Truth Social објави дека испратил медицински брод во Гренланд, како што рече, „за да се грижи за многуте луѓе кои се болни и не се лекуваат таму“.

Тој во објавата со слика од вештачка интелигенција на американскиот медициснки брод „Мерси“, посочува дека го испраќа бродот во соработка со гувернерот на Луизијана, Џеф Ландри, кој е и специјален претставник на САД за Гренланд.

Џеф Ландри, пак, во коментар ја сподели сликата, му се заблагодари на Трамп и напиша: „На пат е!!!“.

Официјален Копенхаген тврди дека нема информации оти некој брод е на пат кон Гренланд. Јавно достапните информации исто така говорат дека двата медицински брода во сопственост на Соединетите Американски Држави сè уште се во земјата.

Според „Марин Трафик“, „УСНС Мерси“ моментално се наоѓа во бродоградилиштето во американскиот град Мобил. Според „Веселфајндер“, „УСНС Комфорт“ исто така бил стациониран во истиот град пред 17 дена.

На 23 јануари, бродоградилиштето „Алабама“ во Мобил објави фотографија на која се прикажани двата брода, еден до друг, со информација дека се на ремонт.

Тагови: Гренланд Данска Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ова се последиците од разорното торнадо во САД: Застрашувачки снимки го обиколија светот

Стотици илјади луѓе останаа без струја откако торнада и бури го погодија средниот запад на Соединетите Американски Држави, а најмалку едно лице загина во бурата, објавија денес американските медиуми.

Ова се последиците од разорното торнадо во САД: Застрашувачки снимки го обиколија светот

Бурата оштети неколку згради и доведе до откажување на летови, објави „CBS News“.

Неколку торнада ја погодија областа во близина на Чикаго синоќа, а вкупно 11 градови во државите Илиноис и Висконсин ги пријавија.

Според службата за следење на комуналните услуги, „PowerOutage.us“, повеќе од 221.000 клиенти беа без струја во Илиноис до петок наутро.

Во градот Де Мојн, Ајова, 54-годишен маж почина во среда во камп за бездомници откако беше удрен од дрво кое се скрши и падна за време на бурата, соопшти полицијата.

Мажот беше пронајден тешко повреден во четврток наутро и почина на местото на настанот, соопштија властите.

Пред да удрат торнадата, Центарот за предвидување на бури на Националната метеоролошка служба го зголеми предупредувањето за силна бура на ниво 4 од 5.

Според „CBS News“, ова е прв пат Чикаго да се соочи со такво ниво на ризик од 15 јули 2024 година, кога областа беше погодена од рекордна серија од 32 торнада. Ова ниво на ризик обично се случува еднаш на секои две години.

Силните бури, исто така, ги заземјија летовите

Силните бури ги заземјија летовите на меѓународните аеродроми О'Хара и Мидвеј во Чикаго во среда и четврток.

Повеќе од 1.000 летови беа одложени или откажани, според веб-страницата за следење на летови „FlightAware“.

Летовите беа одложени или откажани и на аеродромите во други градови, вклучувајќи ги Филаделфија, Њујорк и Њуарк, Њу Џерси.

Националната метеоролошка служба доби повеќе од десетина пријави за торнада низ северниот дел на Мисури, Ајова, Канзас и Илиноис.

„Комонвелт Едисон“, кој обезбедува електрична енергија во северен Илиноис, соопшти дека бурите собориле столбови и жици за електрични инсталации, а на мрежата „X“ соопшти дека се очекува електричната енергија да биде вратена за 80 проценти од корисниците до 23 часот во сабота.

Штети се пријавени и на аеродромот „Абрахам Линколн Капитал“ во Спрингфилд.

Извор: Б92

Тагови: САД Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена локална облачност

Времето утре ќе биде сончево со мала до умерена локална облачност.

Утре сончево со мала до умерена локална облачност

Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 8 до 16, а максималната значително ќе опадне во однос на денешната и ќе дбиде во интервал од 22 до 28 степени.

Во Скопје, променливо облачно и посвежо. Ќе дува засилен, во делови од котлината повремено силен ветер од северен правец. Минималната температура ќе се спушти до 12, а максималната ќе достигне до 27 степени.

До четврток времето ќе биде претежно сончево и стабилно, освен во среда кога се очекуваат нови врнежи од дожд. За време на викендот ќе биде посвежо, а од понеделник температурата ќе биде во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директна авиолинија Анкара Скопје и карго железничко поврзување договорени помеѓу Николоски и министрите Болат и Уралоглу

Министерот за трговија на Турција на социјалната мрежа "Х" ја објави информацијата за новата авиолинија и карго железничкото поврзување.

Директна авиолинија Анкара Скопје и карго железничко поврзување договорени помеѓу Николоски и министрите Болат и Уралоглу

Успешните средби на заменик претседателот на Владата и министер за транспорт Александар Николоски со турскиот министер за трговија Омер Болат и министерот за транспорт Абдулкадир Уралоглу, резултураа со договори за воспоставување на директна авиолинија Анкара -Скопје и карго железничко поврзување меѓу двете земји, објави на својот фејсбук профил, заменик претседателот на Владата, Николоски.

Министерот за трговија на Турција на социјалната мрежа "Х" ја објави информацијата за новата авиолинија и карго железничкото поврзување и напиша дека двете земји продолжуваат да работат кон остварување на целта за билатерална трговска размена од 2 милијарди долари.

" По повод Турско–Македонскиот бизнис форум, заедно со нашиот министер за транспорт и инфраструктура, г. Абдулкадир Уралоглу, остваривме средба со заменик-претседателот на Владата и министер за транспорт на Република Северна Македонија, г. Александар Николоски.

На средбата се согласивме дополнително да ја зајакнеме нашата соработка во областите на транспортот, логистиката, цивилното воздухопловство и железничкиот сообраќај. Веруваме дека директните летови на "AJet" на релација Анкара–Скопје, како и железничката соработка меѓу TЦДД и МЖ Инфраструктура ќе дадат значаен придонес за трговијата, инвестициите и поврзаноста меѓу нашите земји.

Во согласност со визијата на претседателот на Република Турција, г. Реџеп Таип Ердоган, за силна регионална соработка и економска интеграција, со решителност продолжуваме да работиме кон остварување на целта за билатерална трговска размена од 2 милијарди долари.

Во наредниот период ќе продолжиме да ги зајакнуваме транспортните коридори и да ги поддржуваме активностите на турските компании во Северна Македонија, придонесувајќи за поврзаноста, просперитетот и заедничкиот развој на Балканот.

Длабоките пријателски и братски врски меѓу нашите земји ќе стануваат уште посилни преку новите проекти што ќе се реализираат во областа на трговијата и инвестициите" , објави министерот за трговија, Омер Болат.

Средбата на министрите се реализира во рамки на турско -македонскиот бизнис форум што денеска се оддржа во Истанбул.

Тагови: Анкара Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер