Данок за немажени и неженети?–Владата бара начини како да се справи со лошата демографска состојба - Канал 5

Македонија

Данок за немажени и неженети?–Владата бара начини како да се справи со лошата демографска состојба

Во последните четири години Македонија изгубила 33.000 жители-еквивалентно на еден град како Кавадарци и Кичево – алармира премиерот Христијан Мицкоски.

Данок за немажени и неженети?–Владата бара начини како да се справи со лошата демографска состојба

Oбраќајки се на дебата во Владата насловена „Демографски трендови, предизвици и можни решенија“, премиерот најави дека Владата планира да преземе повеќе мерки за справување со демографските проблеми како иселувањето и намалениот наталитет.. Мегу нив како размислување е и можноста за воведување данок за немажени и неженети. Според Мицкоски демографските проблеми од страна на претходнте влади подолг период биле ставани „под тепих“, за денес се повеќе луѓе да живеат сами, а се помалку да стапуваат во брак и се помалку да се раѓаат деца.

-Да им дадеме на младите причина да останат, да изградиме инстуции што не ја трошат туѓата младост, туку ја негуваат. Да изградиме држава во која надежта е поважна од пасошот. Знаеме дека нема магично решение, но има намерна, постојана државничка борба, и ние ја почнавме. Секоја мерка, инвестиција, политика што ја носиме е со цел да ја вратиме вербата и тука сериозно размислуваме за воведување дополнителни даноци за немажени и неженети,- Христијан Мицкоски – претседател на Влада.

Државата не може да се меша околу рагањето на деца што е лично прашање, но може да создаде соодветнми услови за да го поттикне тој процес, вели националниот координатор Владимир Ѓорчев.

Во насока на намалување на демографските проблеми владата во следниот период ке излезе со конкретни мерки како еднократна финансиска помош за прво дете и близнаци, поврат на данок на личен доход за вработени мајки, 6 бесплатни ин-витро оплодувања, како и даночно ослободување за отворање приватни детски градинки.

-За иднината на една држава важни се сите ресурси важна енергетиката, рудните богатсва, индустријата, инфраструктурата но се е џабе и попусто ако нема луѓе. Од тие причини демографијата е меѓу приоритетите на оваа Влада и затоа во наредниот период објавуваме мерки кои што се релевантни и се однесуваат на демографијата. Во моментов ги гледаме буџетските можности кои што ги имаме програмата на Владата е за наредните 4 години,- Владимир Ѓорчев – национален координатор за демографија, млади и човечки ресурси .

-Да се обидеме да ги вклучиме сите млади да бидат дел од заеднички политики и градење на заеднички ставови, да градиме градинки бидејки од тука ни потекнуваат сите проблематики. Родителите немајки каде да ги сместат своите деца и не планираат да прават деца и мислам дека тоа што е најглавно е да предвидиме нови работни места и солидни плати,- Фатмир Лимани – министер за социјална политика, демографија и млади.

Мицкоски информираше и дека стапката на наталитет од 12,5% во 2010, паднала на 8,8% во 2024 година, додека природниот пад на луѓето само изминатата година е 4.140, со што во 2024 година се родиле 16.061 дете, а починале 20.201 лице.

YouTube video

Тагови: млади луѓе Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер