Данка била жива откако била прегазена со автомобилот- шефот на криминалистичката полиција - Канал 5

Балкан

Данка била жива откако била прегазена со автомобилот- шефот на криминалистичката полиција

Багери и тешка механизација втор ден го пребаруваат поширокиот регион на Бањско поле во обид да го пронајдат телото на свирепо убиената Данка Илиќ. 

Данка била жива откако била прегазена со автомобилот- шефот на криминалистичката полиција

Се копа и во дивата депониа и во селата Злот и Лука, каде живееле двајцата осомничени вработени во Водовод - Бор, додека испливуваат нови грозоморни детали. Првиот човек на криминалистичката полиција потврди дека Данка се уште била жива кога била прегазена со автомобилот, но дека осомничените по секоја цена сакале да се ослободат од телото и да го сокријат злосторството.

-Според нивните искази, детето се уште било живо, се разбудило и тогаш совозачот се свртел, му ја ставил едната рака на грлото , другата рака на устата и го удавил детето. Тој веќе на 27-ми март дошол, го зел детето (од депонијата) и го одвел на друга локација и тука почнуваат маките со нив двајца. Тие се раздвоени, приказните им се совпаѓаат, но не можеме никако да допреме до него да ни објасни каде е телото. , вели Нинослав Чмолиќ, шеф на Управата за криминалистичка полиција во интервју за Информер ТВ.

Главната дилема во јавноста е дали осомничените, кои ја признаа вината ќе бидат осудени за делото кое им се става на товар, а предвидува 10 години до доживотен затвор. За дел од правниците, самото признание не е доволно, но праксата покажала дека со силни докази, луѓе биле осудени, и покрај тоа што телото на жртвата, никогаш не било најдено.

-Tаа теза нема тело – нема дело не држи зашто тоа го докажавме во случајот со Беливук – Миљковиќ. Постојат други релевантни траги до кои дојдовме , вели Чмолиќ.

Бор втор ден е во неверување за случајот каков на памети Србија.

Граѓаните му оддават почит на девојчето, за чија неизвесна судбина 10 дена како едно дишеше целиот регион.

Со бело мече в рака денеска на плоштадот дојде и таткото на Данка во придружба на сопругата Ивана и група роднини.

Полицијата денеска откри дека двајцата убијците се нашле на листата осомничени уште вториот ден од исчезнувањето, откако било утврдено дека нивниот Фијат Панда бил единствениот автомобил меѓу 16-те други кои истиот ден поминал и се вратил по истиот правец покрај куќата на Данка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Генерал ѝ купил стан на љубовницата блиску до куќата каде што живеел со сопругата- го пронашле со куршум во глава (ВИДЕО)

Се појавуваат нови информации во случајот со генералот Дорин Јоница, кој си го одзеде животот по конфликт со жената со која наводно имал вонбрачна врска.

Генерал ѝ купил стан на љубовницата блиску до куќата каде што живеел со сопругата- го пронашле со куршум во глава (ВИДЕО)

Двајцата, според изворите, биле заедно околу седум години, а жената живеела во стан што генералот наводно го купил од семејството на војник.

Според информациите добиени од изворите, врската меѓу генералот и жената не била неодамнешна. Нивната врска траела околу седум години, а во тој период имало чести конфликти меѓу нив. Според истите извори, наводниот напад што претходел на полициската интервенција не бил прв пат жената да биде нападната.

Станот во кој живеела жената наводно го купил Дорин Јоница. Според изворите, генералот сакал жената со која бил во врска да живее во негова близина, поради што го купил станот недалеку од куќата каде што живеел со сопругата.

Сепак, во семејството, купувањето на станот било претставено како инвестиција наменета за иднината на двајцата генерали и децата на неговата сопруга. Станот наводно им бил оставен на децата како наследство. Всушност, според изворите, имотот го користела жената со која генералот имал вонбрачна врска.

Генералот и жената се познавале неколку години, а според достапните информации, тие биле и колеги во Командата на здружените сили, структура на романската армија што Дорин Јоница ја водеше неколку години.

Се тврди и дека сопругата на генералот наводно знаела за неговата вонбрачна врска и дека двете жени се познавале.

Љубовницата го пријавила откако ја претепал

Вечерта на инцидентот, генералот наводно пристигнал во куќата на жената со семејниот автомобил, но, според изворите, тој не бил зад воланот.

Во 20:17 часот, жената се јавила на 112 и пријавила дека била нападната. Таа изјавила дека била удирана со тупаници и клоци.

Полициските службеници кои пристигнале на местото на настанот утврдиле дека жената е во опасна ситуација. Затоа, издале привремена заштитна наредба.

Според оваа наредба, на Дорин Јоница не му било дозволено да се приближи повеќе од 200 метри до својата сопруга во следните пет дена.

Потоа Дорин Јоница си го одзел животот.

Истрагата на надлежните органи треба да ги утврди сите околности под кои се случиле настаните, како и точниот редослед на настаните што претходеле на неговата смрт.

Новите информации укажуваат дека постоела долгогодишна врска помеѓу генералот и љубовницата, и дека проблемите и конфликтите меѓу нив траеле долго време. Сепак, конечната слика за случајот треба да ја даде истрагата на надлежните институции.

Тагови: Генерал љубовница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Секси рекламата на Сидни Свини предизвика критики, таа одговори со фотографии (ВИДЕО)

Актерката Сидни Свини одговори на критиките за нејзината нова кампања за Новиг, платформа за спортски предвидувања и обложување. 

Секси рекламата на Сидни Свини предизвика критики, таа одговори со фотографии (ВИДЕО)

Во видеото и фотографиите со спортска тематика, Свини позира гола и ги покрива интимните делови од телото со спортски реквизити, вклучувајќи топки и друга спортска опрема. Кампањата предизвика бројни реакции, а особено беше критикувана од спортистките.

Спортистките ја критикуваа кампањата

Кампањата беше претставена на 9 септември, а не беше критикувана само од корисниците на социјалните мрежи. Голем број спортистки се огласија и веруваат дека женските спортови се непотребно сексуализирани. Британската атлетичарка Ејми Хант по својот настап на Светското првенство во атлетика изјави: „Сидни Свини, вака изгледа женскиот спорт!“

Американската гимнастичарка Грејси Крамер објави видео на Инстаграм со пораката: „Не знам што направи Сидни Свини, но вака изгледа жена во спортот“. Австралискиот голман на хокеј на трева, Џок Бартрам, исто така се огласи, велејќи дека е разочарана од сексуализацијата на женските спортови.

„Во време кога се чини дека женскиот спорт конечно се цени поради талентот и вештината, а не поради сексуализацијата на жените, оваа нова реклама за Сидни Свини е целосен промашување“, рече таа.

Сидни одговори со фотографии од други спортистки

Свини одговори на критиките со објави на нејзината приказна на Инстаграм. Таа сподели голи фотографии од претходни уреднички статии на познати спортистки, вклучувајќи ги Серена Вилијамс, Ронда Раузи, Сју Берд, Меган Рапино и Каролин Возњацки.

Таа објави и слични фотографии од машки спортисти, вклучувајќи ги Мајлс Гарет, Роб Гронковски, Карл-Ентони Таунс и Џејсон Келс. Со тоа, без директно да коментира за критичарите, таа истакна дека голите фотографии на спортисти и спортистки не се новина.

Зошто се согласила на кампањата?

Основачот и извршен директор на Новиг, Џејкоб Фортински, за „Фронт офис спортс“ изјави дека Свини бил привлечен од платформата токму поради нејзиниот фокус на спортот. Според него, актерката му рекла: „Не се чувствувам удобно на други платформи кои нудат облози за тоа каква боја на долна облека ќе носам. Има нешто чисто во спортот.“

Свини, исто така, објасни дека ја замислувала кампањата како забавна и разиграна. „Концептот е едноставен: отстранете го целиот непотребен шум и фокусирајте се исклучиво на спортот. Кампањата ја оживува таа идеја со самодоверба, хумор и допир на разиграност“, рече таа. Свини не е само лицето на Новиго. Таа има сопственички удел во компанијата и е нејзин стратешки партнер.

Тагови: Сидни Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Криминален клан од БиХ дневно заработува по 25.000 евра- прават пустош низ Париз, децата им се викаат Диор и Ал Капоне

Седум члена на семејството Хамидовиќ, по потекло од Босна и Херцеговина, треба да се појават пред Кривичниот суд во Париз од 15 до 23 септември под обвинение за организирање мрежа на малолетни џепчии.

Криминален клан од БиХ дневно заработува по 25.000 евра- прават пустош низ Париз, децата им се викаат Диор и Ал Капоне

Според француските истражители, најмалку 50 малолетници, на возраст меѓу 10 и 18 години, наводно биле вклучени во мрежата, која дејствувала на популарни локации како што се Дизниленд, париското метро и областа на аеродромот Роаси, пишува Аваз.

Истражителите тврдат дека групата заработувала до 25.000 евра дневно, додека жени, девојчиња и деца наводно биле подложени на закани и насилство доколку не украле однапред одредени суми.

Обвинетите се товарат за кражба во организирана група, перење пари, заговор за извршување кривични дела и трговија со луѓе.

Меѓу нив е и Роберто Џуниор Хамидовиќ (22), познат по прекарот Гони, кој е во притвор во Нантер две години.

Француските истражители се сомневаат дека тој играл улога на еден вид менаџер, односно дека ја контролирал работата на младите џепчии во име на својот татко, Роберт Хамидовиќ, за кого се сомневаат дека бил водач на криминалната мрежа.

Според францускиот весник „Ле Монд“, името Хамидовиќ не се однесува само на едно семејство, туку на поширока криминална организација чии фракции се менувале по браковите, апсењата и конфликтите околу територијата.

Истражителите велат дека девојките и младите жени наводно биле „купувани“ за неколку илјади евра, по што, како што се сомнева, биле принудени да крадат за семејството, пишува

Целта биле туристите

Според истрагата, малолетните џепчии избирале места каде што се собираат голем број туристи.

Тие биле особено фокусирани на Дизниленд, париското метро и областа на аеродромот Роаси, а туристите им биле интересни бидејќи често имале готовина со себе и го познавале градот помалку добро.

Француските истражители тврдат дека мрежата работела според строга семејна хиерархија, при што мажите ги контролирале парите и одредувале колку секое девојче или дете требало да украде.

За време на истрагата, полицијата со месеци ги прислушкувала телефонските разговори на членовите на семејството. Според француските медиуми, на снимките се евидентирани и смртни закани и насилство врз жени и деца кои не носеле доволно пари.

Наводно, една од жените им рекла на истражителите дека била удрена со чекан откако се обидела да ги извлече своите деца од мрежата, додека друга тврдела дека се плашела дека ќе биде избричена и злоупотребена ако проговори.

Во еден случај, осомничениот бил уапсен во Париз, според истрагата, додека физички злоупотребувал 13-годишно девојче, кое наводно го казнил затоа што не украл одредена сума пари.

Истражителите се сомневаат дека Роберто Хамидовиќ и неговата сопруга стекнале имот во вредност од речиси два милиони евра, додека дел од парите наводно биле скриени во странство.

Семејството, според француските медиуми, било познато и по својот раскошен начин на живот. Членовите возеле Порше, носеле скапа облека и организирале големи забави каде што се фалеле со купишта банкноти.

Истражителите, исто така, посветија посебно внимание на имињата што некои членови на семејството им ги дале на своите деца, како што се Диор и Ал Капоне, што француските медиуми ги поврзаа со нивната склоност кон луксузни брендови и криминална симболика.

Роберто Хамидовиќ негира дека водел каква било криминална мрежа. Тој тврди дека бил вмешан во препродажба на половни автомобили.

Кривичниот суд во Париз ќе одлучи дали обвиненијата се основани и дали членовите на семејството се виновни.

Тагови: Ал Капоне Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер