Живот

Даниел пред 24 години се откажал од цивилизацијата- живеел во пештера и јадел отпадоци

Еден ден во 2000 година, Даниел Суело влегол во телефонска говорница каде ги оставил сите свои заштеди.

Решил да го напушти „материјалниот живот“, па се населил во пештера и таму останал 15 години.

Неверојатната приказна на овој Американец и денес привлекува внимание, особено причината поради која, како што вели, „привремено се вратил во цивилизацијата“.

Даниел се решил на необичен и прилично храбар потег кога оставил сѐ што поседувал и „се населил“ во пештера во внатрешноста на Јута. Се хранел со дива вегетација и отпад од контејнерите, а добивал помош од непознати и пријатели.

Тој тврди дека никогаш не земал бонови за храна или владина помош додека живеел во дивина, пренесува LadBible.

Тој бил интервјуиран во 2012 година, кога зборувал за неговиот алтернативен начин на живот. Рекол дека „дивите животни не знаат што се пари“ и дека не коментира работи што „го понижуваат модерното општество“.

Меѓутоа, во тој период тој водел блог и веб-страница и признал дека ја користел јавната библиотека за да проверува е-пошта и да чита книги.

„Првата мисла да живеам без пари ми дојде кога бев дете. Се запрашав зошто, ако сме следбеници на Исус, не ги практикувавме неговите учења, односно да се откажеме од имотот и да не работиме за награда (пари и размена)“, откри Даниел.

Татко му често го носел на кампување, па се заљубил во природата.

„Видов дека природата е совршено избалансирана без пари. Зошто и луѓето не можат? Размислував многу за тоа“, додаде тој.

Тој тврди дека студирал светска економија и политика, што дополнително го инспирирало да го напушти „материјалниот свет“.

„Сакав да се пронајдам себеси на автентичен начин. „Парите постојат само ако двајца или повеќе луѓе веруваат во нив“, верувал тој.

Меѓутоа, Данијел води сосема поинаков живот 24 години откако се откажа од сѐ. Тој објаснува дека неговата „слобода без куќа и пари“ е на пауза бидејќи се грижи за своите постари родители.

Неговиот татко починал во 2016 година, па се грижи за својата мајка.

„Со неколку исклучоци, јас не земам ниту користам пари за себе. Но, морав да извадам лична карта, да управувам со финансиите на мајка ми, да плаќам сметки и да купувам за неа. Немам возачка дозвола, иако неколку пати ми беше понудена“, рече тој.

Тој вели дека сè уште не се откажува од „животот без пари“ и дека ќе се врати во дивината штом ќе може.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп му дава безусловна поддршка на Нетанјаху: „Тој беше силен, храбар и брилијантен“

Aмериканскиот претседател Доналд Трамп ја изрази својата поддршка за својот сојузник, Бенјамин Нетанјаху, во пресрет на претстојните парламентарни избори во Израел.

Поддршката на Трамп за Нетанјаху

„Биби Нетанјаху беше силен, храбар и брилијантен соочен со огромен отпор – вклучително и отпор од внатрешноста на самиот Израел“, напиша Трамп во објава на платформата „Truth Social“.

„Ова е токму оној вид партнер што Соединетите Држави го бараат во Израел – земја за која направија толку многу. Нека оваа порака послужи како израз на мојата целосна и безусловна поддршка за Биби Нетанјаху во претстојната трка за реизбор за премиер на Израел.“

Избори по две години војна

Националните избори во Израел се закажани за 27 октомври – први по нападот на Хамас на 7 октомври 2023 година. Тој настан ја потресе нацијата и го втурна Блискиот Исток во хаос, вовлекувајќи го Израел во војни во Газа, Либан и со Иран.

Исходот од изборите би можел да одлучи дали Нетанјаху ќе остане на власт по еден од најкритичните периоди во израелската историја, или пак ќе биде поразен од ривали од центарот кои ветуваат почеток на нова ера.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Прес-конференција на ВМРО-ДПМНЕ по изборите во Брвеница

Прес-конференција за медиуми на која се обрати претседателот на ВМРО-ДПМНЕ, Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец, поизразен долж Повардарието и источните делови.

Минималната температура ќе биде во интервал од 1 до 9, а максималната ќе достигне од 16 до 23 степени.

Во Скопје, сончево со мала облачност. Ќе дува слаб до умерен ветер од северен правец. Минималната температура ќе се спушти до 7, а максималната ќе достигне до 21 степен.

Во текот на новата седмица ќе преовладува променливо облачно време. Во четврток и во петок се очекуваат врнежи од дожд, кои локално ќе бидат поројни и пообилни.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.