Технологија

Дали телескопот на НАСА откри живот на планета, оддалечена 120 светлосни години од Земјата?

Телескопот „Џејмс Веб“ можеби штотуку открил знаци на живот на планета која е оддалечена 120 светлосни години од нашата Земја, пишува Би-Би-Си.

Имено, станува збор за откриена молекула наречена диметил сулфид (ДМС). На Земјата, оваа молекула произведува само нешто живо.

Сепак, научниците нагласија дека откритието до кое што го дошле не е сосема сигурно и дека се потребни повеќе податоци за да се потврди присуството на ДМС.

Истражувачите, исто така, открија присуство на метан и јаглерод диоксид во атмосферата на оваа планета.

Како што пишува Би-Би-Си, присуството на овие гасови би можело да значи дека оваа планета наречена К2-18б има воден океан.

Професорот Нику Мадхусудан од Универзитетот во Кембриџ, кој го предводеше истражувачкиот тим, изјави за Би-Би-Си дека целиот тим бил „шокиран“ кога ги видел резултатите.

- На Земјата, DMS произведува само живот. Поголемиот дел од земјината атмосфера емитира фитопланктон во морските средини - рече тој.

Но, професорот нагласува дека се уште е рано за конечни заклучоци и дека се потребни повеќе податоци, кои ќе бидат достапни за една година, за да се потврди откритието.

- Ако се потврди, тоа ќе биде голема работа, а јас чувствувам одговорност да го направам ова како што треба, ако сакаме да тврдиме нешто толку големо - рече Мадхусудан.

Ова е прв пат астрономите да детектираат можна трага од DMS на планета која орбитира околу далечна ѕвезда. Но, тие ги третираат резултатите со претпазливост, нагласувајќи дека пред 3 години слично тврдење за присуство на молекули на фосфин, произведени од живи организми, во облаците на Венера било отфрлено една година подоцна.

Д-р Роберт Маси, кој не бил вклучен во ова истражување, а инаку е заменик директор на Кралското астрономско друштво во Лондон, вели дека бил возбуден кога ги видел резултатите:

- Полека се движиме кон точката каде што ќе можеме да одговориме на големото прашање - дали сме сами во Универзумот или не - рече тој. - Јас сум оптимист, кога станува збор за прашањето дали еден ден ќе најдеме знаци на живот или не. Можеби ова е тоа, можеби ќе се случи за 10 или дури 50 години, дека ќе имаме докази толку силни, што постоењето на живот е најдоброто објаснување за тоа.

Телескопот Џејмс Веб е способен да ја анализира светлината што минува низ атмосферата на далечните планети. Таа светлина ги содржи хемиските „потписи“ на молекулите во нејзината атмосфера. Деталите може да се дешифрираат со разложување на светлината на нејзините составни фреквенции - исто како што призмата го создава спектарот на виножитото. Ако недостасуваат делови од спектарот, тоа значи дека тие биле апсорбирани од хемикалии во атмосферата на планетата, што им овозможува на истражувачите да го дознаат нејзиниот состав.

Овој потфат е уште поневеројатен бидејќи планетата е оддалечена повеќе од 1,1 милиони километри, па количината на светлина што допира до телескопот е навистина мала.

Покрај DMS, спектралната анализа открила големи количини на гасови од метан и јаглерод диоксид со висок степен на сигурност.

Пропорциите на јаглерод диоксид и метан одговараат на претпоставката дека на планетата има воден океан, под атмосферата богата со водород. Телескопот Хабл претходно забележа присуство на водена пареа, поради што планетата К2-18б била една од првите на листата за истражување за далеку помоќниот телескоп Џејмс Веб. Имајќи го сето тоа на ум, можноста за воден океан на него е огромен скок напред во расудувањето.

Способноста на планетата да поддржува живот зависи од нејзината температура, присуството на јаглерод и можеби течна вода. Набљудувањата од телескопот Џејмс Веб се чини дека сугерираат дека планетата K2-18b ги исполнува сите овие услови. Но, само затоа што планетата го има целиот потенцијал да поддржува живот не значи дека го има, и затоа е важно дефинитивно да се утврди можното присуство на DMS.

Она што ја прави оваа планета уште поинтересна е тоа што не е налик на Земјата, т.е. не спаѓа во класата на таканаречените карпести планети, кои досега биле кандидати за постоење живот, кои орбитираат околу далечните ѕвезди. K2-18b е приближно 9 пати поголема од Земјата.

Егзопланетите - планети кои орбитираат околу ѕвезди различни од нашето Сонце - кои се меѓу големини на Земјата и Нептун не се како планетите во нашиот Сончев систем. Ова значи дека овие „поднептуни“ се слабо разбрани, како и природата на нивните атмосфери, вели д-р Субхаџит Саркар од Универзитетот во Кардиф, кој бил уште еден член на тимот за анализа.

- Иако овој тип на планети не постои во нашиот Сончев систем, „поднептуните“ се најчестиот тип на планети познат досега во галаксијата. Успеавме да го добиеме досега најдеталниот спектар на субнептунска планета во зоната погодна за живеење, а тоа ни овозможи да ги откриеме молекулите што постојат во нејзината атмосфера – рече Саркар.

Македонија

Студениот бран не предизвика штети во земјоделието, дождот добредојден за пролетната сеидба

Студениот бран кој не зафати изминатиов период не предизвика оштетувања во земјоделството. 

Студениот бран кој не зафати изминатиов период не предизвика сериозни оштетувања во земјоделството иако падот од 10 до 15 степени предизвика негативни состојби кај растенијата. Падот на температурите сепак не беше драстичен и под нулата заради тоа што беше проследен со доста облачнсот и не предизвика мрзнење туку можни се само мали проредување кај одредени овошни видови. Спроед агро метролозите земјоделците полека се навикнуваат на климатските промени и сите негативни последици.

Засега врнежиет кои ги имаме како последица на овој бран се исклучително добре дојдени. Со овие врнежи кои дојдоа по сушниот период се создадоа идеални услови за пролетната сеидба а се во последен момент и за есенските посеви за да имаат добар принос.

Можноста за појава на доцни пролетни мразеви полека одминува речиси за сите земјдоелски региони според податоците за апсолутна појава на доцни пролетни мразеви.

Регион

Под мотото „Будење“, во Србија се одбележува годишнината од страшниот масакр

Под мотото „Будење“, Србија денеска одбележува една година од масакрот во основното училиште „Владислав Рибникар“ во Белград.

Во 08:41 часот утринава медиумите во Србија ги прекинаа телевизиските и радио програмите. Тоа е времето кога точно пред една година Коста Кецмановиќ вооружен со пиштолот на татко му, почна да ги убива соучениците, а уби девет ученици и училишниот чувар во училиштето.

Пред училиштето дојдоа родителите на убиените деца, а се собраа и голем број граѓани, пријатели, роднини на жртвите, за да им оддадат почит. Глетката пред училишната зграда никого не остава рамнодушен, објавија српските медиуми.

На посебно плато пред училиштето, каде се поставени фотографиите и имињата на убиените деца и чуварот, се оставаат цвеќиња и се палат свеќи.

И претседателот на Србија, Александар Вучиќ, утрово положи цвеќе во ОУ „Владислав Рибникар“.

На самиот влез во училиштето беше поставена просторно-уметничка инсталација „превез на плачот“ на која беа испишани имињата на сите жртви од училиштето Рибникар. Граѓаните се повикуваат да дојдат на целодневниот форум во Ташмајданскиот парк и да разговараат со членовите на тимот за воспоставување меморијален центар за жртвите на ова масовно убиство.

По палењето на свеќите, граѓаните ќе можат да го посетат т.н „простор на тишината“, како што организаторите го нарекоа просторот на улиците околу ОУ „Владислав Рибникар“.

Во петок, во 20:30 часот на РТС 1 ќе биде пуштен документарниот филм „Болка“, во чест на убиените ученици.

Против родителите на малолетниот Кецмановиќ, Владимир и Миљана Кецмановиќ поведени се кривични и пет граѓански постапки. Убиецот нема да одговара бидејќи немал 14 години кога ги извршил убиствата. Тој е на лекување во психијатриска болница.

Македонија

Посебен режим на сообраќај утре во Скопје

Министерството за внатрешни работи информира дека утре Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот.

Министерството за внатрешни работи информира дека утре поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена ул.„Самоилова“ на потегот од ул.„Иљо Војвода“ (виадукт Самоилова) до крстосница со ул.„Прохор Пчински“.

МВР, воедно, соопштува дека утре Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром по повод верскиот празник Велигден.

-Утре во периодот од 18:00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”, се наведува во соопштението.

Во спротивна насока автобусите ќе ги користат истите сообраќајници.

Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.

Во општина Аеродром, по потреба, за сообраќај ќе биде затворен локалниот пат кон с.Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти.

-Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните, наведуваат од МВР.

притисни ентер