Планиран да профункционира од 1 јануари, Сејф Сити во пробен период на ниво на Скопје веќе регистрира и до 11 илјади прекршувања дневно. Најголем дел од нив се за брзо возење, преминување на црвено и погрешно паркирање. Бројката за регистрирани прекршувања е алармантна, вели за РСЕ началникот на СВР Скопје, Сашо Топаловски.

-Ако со оваа интенција граѓаните не реагираат, ние де факто ќе се заглавиме со плаќање казни и со папирологија. Но јас се надевам дека после периодот на тестот ќе имаме втор период на тест, кога ќе ви стигне известување на домашна адреса дека сте згрешиле, со напомена дека ова е сепак период од 15 дена, тест, без платен долг, но да знаете дека ова ќе ви биде последно.-Сашо Топаловски – Началник на СВР Скопје.

Пред да профункционира Сејф Сити, неопходно е да се изменат неколку закони а за дел од нив постапката е во тек. Тие предвидуваат и сопственикот на возилото со кое е направен прекршок да добие известување на мобилен или на меил, со што се очекува да се олесни процедурата. Сообраќајниот инженер од битолскиот универзитет Стоимко Златковски вели системот ќе има ефект врз совеста на учесниците во сообраќајот особено ако е во комбинација со построги казни.

-Секако дека преземена одредена активност би имало ефект. Пожелно е како оружје на убиец се одзема, така да се одземе и возилото. Значајно повисоки и поригорозни казни, санкции и слично. Сите ние како луѓе пвеќе сме осетливи кога тоа материјално ќе го осетиме по џебот, мислам дека идејата за поригорозни санкции за прекршоци е во ред.изјави – Стоимко Златковски – Сообраќаен инженер.

Ние велиме честопати недај Боже да погрешиш во некоја европска земја, санкцијата е висока и со можни останати реперкусии, забрани за управување со одредени возила, забрани за влез во државата и сл. Се што се презема во тој поглед би дало резултат. Вака луѓето се осмелија да прават разно разни прекршоци и да знаат дека ќе има селективност дека е доволно некој со некаква активност тоа да го избрише.

Зголемите контроли со камери и казните, како и намалувањето на брзината во градски средини од 40 на 30 километри на час, придонеле во Хелсинки во финска минатата 2024 година да нема ниту една жртва во сообраќајна несреќа.

За разлика од европскиот просек пак, Македонија има двојно повеќе жртви во сообраќјни несреќи, речеси по 150 годишно. Последните две беа вчера на критичната точка во која новиот експресен пат Прилеп-Градско се вклучува на автопатот кон Скопје..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.