Дали се крие вистината за инфлацијата во Турција? - Канал 5

Живот

Дали се крие вистината за инфлацијата во Турција?

Битката на Турција со високата инфлација е далеку од добиена, напротив. Во јануари 2024 година, потрошувачките цени беа за 64,9 отсто повисоки од претходната година.

Дали се крие вистината за инфлацијата во Турција?

АРД (преку Дојче веле)

Битката на Турција со високата инфлација е далеку од добиена, напротив. Во јануари 2024 година, потрошувачките цени беа за 64,9 отсто повисоки од претходната година. И во декември 2023 година - за 64,8 отсто. Ова го покажуваат податоците на Националниот завод за статистика во Анкара. Но, дали воопшто може да им се верува на официјалните податоци за инфлацијата? Неодамна, меѓународните набљудувачи се повеќе изразија сомнеж за веродостојноста на овие бројки, објави германскиот јавен радиодифузен сервис АРД во својата публикација на оваа тема.

Причината е што претседателот Реџеп Тајип Ердоган направи бројни кадровски промени во заводот за статистика Туркстат - вклучително и менаџерски персонал. Дополнително, инфлацијата мерена од Туркстат и индексот на трошоците на животот на Стопанската комора на Истанбул отсекогаш била на речиси исто ниво во минатото и ретко покажувале големи отстапувања.

Дали реалната инфлација е дури 129 отсто?

Меѓутоа, во пролетта 2022 година, тие почнуваат многу да се разликуваат. Оттогаш, Истанбулскиот индекс редовно е значително повисок од официјалната стапка на инфлација. За споредба: во јануари индексот на трошоците на животот изнесуваше 76,2 отсто, што е за повеќе од 11 процентни поени над официјалното ниво на инфлација, пишува германското издание.

Според независните експерти од истражувачката група ENAG, дури и оваа вредност е веројатно сè уште премногу ниска. Според нив, инфлацијата во јануари изнесува 129,1 отсто во однос на истиот месец од 2023 година.

Сепак, треба да се знае дека високата инфлација во Турција на почетокот на годината не е изненадување. Експертите предупредија на ваквиот развој на настаните со оглед на наглото зголемување на минималната плата, која се искачи на 516 евра во јануари - речиси двојно (зголемување од 49%) од јули 2023 година.

На ова се додава слабата турска лира која со месеци ги зголемува потрошувачките цени. Последно, но не и најмалку важно, слабата национална валута го поскапува увозот на стоки и суровини, на пример нафта, што дополнително ги зголемува потрошувачките цени. Затоа економистите зборуваат за „увезена инфлација“ и во Турција.

Турската лира е на рекордно ниско ниво

На почетокот на неделата турската лира падна на рекордно ниско ниво во однос на доларот: 30,70 лири за еден долар. Уште една девалвација на лирата е реакција на девизниот пазар на неодамнешните превирања во турската централна банка. Шефицата Хафизе Гаје Еркан, поднесе оставка откако против неа беа упатени обвинувања за корупција, кои таа ги негира. Финансиската експертка со меѓународно искуство беше сметан од многу економисти и пазарни набљудувачи како зрак надеж во борбата против високата инфлација во Турција: од јуни 2023 година, Еркан ја зголеми главната каматна стапка од 8,5 отсто на 45 отсто, потсетува АРД.

Многумина сега се прашуваат дали останувањето на Еркан ја загрозува борбата на Турција против инфлацијата. Нејзиниот наследник Фатих Карахан, како и самата Еркан, може да се пофали со блескава кариера во САД. Таму тој стана главен економист во гигантот Амазон и работеше десет години за Федералните резерви во Њујорк. И Еркан и Карахан важат за поддржувачи на традиционалната монетарна политика. Во времето на промената, турскиот министер за финансии Мехмет Шимшек вети континуитет во економската политика.

Сите знаат кое е решението

Според економистите цитирани од АРД, многу е јасно што треба да се направи за да се стави под контрола високата инфлација во Турција: за таа цел, високите клучни каматни стапки на кои претседателот Ердоган толку жестоко се противеше сега се неизбежни.

Сепак, ваквата строга монетарна политика може да биде крунисана со успех само под еден услов: ако се стави крај на слободниот пад на лирата и се врати довербата на инвеститорите во турската валута. Новите кадровски промени во врвот на Централното банкарство се најдобар предуслов за таков исход, посочува АРД.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Хашим Тачи и Јакуп Красниќи осудени на по 25 години затвор за воени злосторства

Хашим Тачи и Јакуп Красниќи се осудени на по 25 години затвор за воени злосторства, Кадри Весели на 18 години, а Реџеп Селими на 13 години.

Хашим Тачи и Јакуп Красниќи осудени на по 25 години затвор за воени злосторства

Судот: Не е докажано дека сториле злосторства против човештвото.

Во Специјализираниот суд во Хаг заврши изрекувањето на првостепената пресуда за четворица поранешни команданти на таканаречената ОВК – Хашим Тачи, Кадри Весели, Реџеп Селими и Јакуп Красниќи – кои беа обвинети за воени злосторства и злосторства против човештвото поврзани со најмалку 407 приведени лица, од кои најмалку 102 биле убиени.

Тачи и Красниќи беа осудени на по 25 години затвор за воени злосторства во Косово и Метохија, додека Весели доби казна од 18 години, а Селими од 13 години затвор.

Судскиот совет соопшти дека обвинителството не успеало да докаже оти обвинетите извршиле злосторства против човештвото.

Атмосферата во Хаг е напната,поддржувачи на таканаречената ОВК се собрани пред судот, додека Албанци на еден плоштад во Приштина го следат изрекувањето на пресудата на голем екран.

Судскиот совет на Специјализираните совети во Хаг ги прогласи поранешните водачи на таканаречената ОВК – Хашим Тачи, Јакуп Красниќи, Реџеп Селими и Кадри Весели – за виновни за воени злосторства извршени врз цивили и лица кои не учествувале активно во непријателствата.

Според одлуката на Судскиот совет, обвинетите се виновни за военото злосторство на произволно лишување од слобода на 385 лица, сурово постапување кон 49 лица, мачење на 303 лица и за военото злосторство убиство на 96 лица.

Како што беше констатирано при изрекувањето на пресудата, обвинителството надвор од разумно сомневање ја докажа одговорноста на четворицата обвинети за гореспоменатите злосторства и нивното учество во остварувањето на заедничка криминална цел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Деклотетот на Џеј Ло

Светската музичка ѕвезда Џенифер Лопез секогаш ги радува своите обожаватели кога објавува нови фотографии на социјалните мрежи, а ниту овој пат не беше поинаку. 

Фото: Деклотетот на Џеј Ло

Сите ги сакаат селфињата на „жешката“ Латиноамериканка.

Најмногу внимание привлекуваат нејзините лежерни изданија – какви што објавување во текот на летото, кога таа ден по ден воодушевуваше со својот избор.

Летото се ближи кон крајот, но славната Џеј Ло не се откажува од лежерните парчиња облека и од истакнувањето на својата извајана фигура, па така на една од фотографиите позираше во широка бела кошула и широки бели панталони што ѝ го истакнуваа струкот.

Но, сепак најголемо внимание привлече, длабокото деколте, бидејќи мегапопуларната пејачка нема ништо облечено под кошулата.

Летово атрактивната пејачка редовно ги радуваше фановите со фотки на кои во преден план бешѓе нејзиното деколте.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Тешка несреќа на обиколницата кај Загреб, автомобил целосно смачкан (ФОТО)

Денес се случи сообраќајна несреќа на автопатот А3, меѓу клучката кај мостот на Сава и клучката „Загреб-исток“, во правец кон Липовац.

Тешка несреќа на обиколницата кај Загреб, автомобил целосно смачкан (ФОТО)

Поради сударот, сообраќајот беше целосно запрен накратко, што предизвика колона долга околу два километра. Возилата моментално се движат низ овој дел од автопатот со ограничена брзина од 60 км/ч.

Загрепската полиција за „Индекс“ потврди дека во несреќата учествувале два камиона и три патнички возила. Екипите на итната помош се на терен, но засега нема информации за загинати или повредени лица.

Еден автомобил целосно смачкан

Црвен шлепер директно удрил во задниот дел на бел автомобил; силината на ударот целосно го смачкала автомобилот и го заглавила под камионот, додека жолт камион со кран е позициониран веднаш до нив. Во далечината се гледаат запрени возила на итните служби, како и колона од автомобили наредени по лентата за застанување во итни случаи и по сообраќајните ленти.

Извор: Индекс.хр

Тагови: Загреб несреќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер