Дали се договара реванш на најскапиот боксерски меч во историјата? - Канал 5

Други спортови

Дали се договара реванш на најскапиот боксерски меч во историјата?

Флојд Мејведер и Мани Пакјао би можеле повторно да се борат следната година.

Дали се договара реванш на најскапиот боксерски меч во историјата?

Да потсетиме, тие двајцата во 2015 година одиграа меч кој беше договаран повеќе од пет години. Мејведер по 12 рунди со едногласна одлука го победи филипинскиот боксер.

"Работиме на организирање натпревар помеѓу Флојд и Мани, а потврдата може да дојде во декември. Тоа ќе биде вистински натпревар, а не егзибиција и ќе се одржи следната година. Се сретнав со Пакјао, кој прво не беше заинтересиран. Сепак, работата е во егото, ништо повеќе. На крајот на денот, Флојд е добар човек и борец, и тоа е во негов најдобар интерес. Зошто да не, ајде да го направиме тоа. Флојд немал вистинска борба од Конор Мек Грегор во 2017. Најтешкиот дел беше убедувањето на Мејведер за професионална борба, а не егзибиционистичка.

Но, знае што сакаат луѓето, а тој е забавувач. Свесен е дека има уште три-четири години од кариерата, па се согласи. Се согласи и Пакјао, па сега преговараме за бројките. Натпреварот ќе се одржи во Лас Вегас, во септември или октомври“, изјави Удај Синг, директор на промоциите на Глобал Титани за The Sun.

Мејведер и Пакјао се соочија во 2015 година во „мечот на векот“ вреден повеќе од 500 милиони евра. Повеќе од 4,4 милиони луѓе во САД го купиле преносот, со што беше срушен рекордот. Исто така, соборен е рекордот и во заработка од билети, што изнесувала околу 73 милиони евра, три пати повеќе од претходниот рекорд.

Заработката од телевизискиот пренос била над 400 милиони евра, односно 100 милиони повеќе од хонорарите што ги добивале боксерите и организаторите. Мејведер за борбата добил околу 230 милиони евра, додека Пакјао приближно 130 милиони евра.

Пакјао денеска има 43 години и има учинок од 62 победи, осум порази и две нерешени. Последен пат боксувал во август минатата година. Од друга страна, 45-годишниот Мејведер според BoxRec има 50 победи во исто толку натпревари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва собори 60 дронови во раните утрински часови кои накратко ги прекина летовите на аеродромите

Москва собори 60 дронови во раните утрински часови кои накратко ги прекина летовите на аеродромите, соопштија властите во руската престолнина, само неколку дена откако украина повторно ја гаѓаше рафинеријата за нафта во градот.

Москва собори 60 дронови во раните утрински часови кои накратко ги прекина летовите на аеродромите

Украинските власти соопштија дека руски беспилотни летала погодиле цивилни трговски бродови, при што загинал еден египетски член на екипажот, додека нападите со беспилотни летала на други места убиле најмалку пет лица, вклучувајќи три члена на исто семејство во северниот украински Сумски регион.

Тагови: москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар

Малопродажната цена на Мазутот М-1 НС се намалува за 3,932 ден/кг и сега ќе изнесува 42,291 ден/кг.

Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 6,61% во однос на одлуката од 15.6.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 8,216%, кај дизелот за 12,699%, кај екстра лесното масло за 12,354% и кај мазутот намалувањето е за 11,352%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,0396%.

Од 23.6.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 84,00 (денари/литар)

Моторен бензин ЕУРОСУПЕР БС - 98 86,00 (денари/литар)

Дизел гориво ЕУРОДИЗЕЛ БС (Д-Е V) 80,50 (денари/литар)

Масло за горење Екстра лесно 1 (ЕЛ-1) 79,50 (денари/литар)

Мазут М-1 НС 42,291 (денари/килограм)

Малопродажната цена на бензинот ЕУРОСУПЕР БС-95 се намалува за 3,50 ден/лит.

Малопродажната цена на бензинот ЕУРОСУПЕР БС-98 се намалува за 4,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 7,00 ден/лит.

Малопродажната цена на Мазутот М-1 НС се намалува за 3,932 ден/кг и сега ќе изнесува 42,291 ден/кг.

Напоменуваме дека ова се максималните цени на нафтените деривати од 00:01 часот на 23.6.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заедничка соработка за зајакнување на предучилишното образование во Карпош

Претставници од Општина Карпош од Одделението за детска, социјална и здравствена заштита земаа активно учество на  конференцијата насловена – „Ран почеток, трајни придобивки – градинка за секое дете!“

Заедничка соработка за зајакнување на предучилишното образование во Карпош

Претставници од Општина Карпош од Одделението за детска, социјална и здравствена заштита земаа активно учество на конференцијата насловена – „Ран почеток, трајни придобивки – градинка за секое дете!“, која се одржа на 18 јуни 2026 година во салата на хотелоте Холидеј Ин во Скопје.

На оваа панел дискусија беа присутни претставници од Министерството за социјална политика, демографија и млади, УНИЦЕФ, асоцијацијата на приватни градинки, приватниот сектор, како и други релевантни чинители и развојни партнери.

Цел на настанот беше да се претстават клучните наоди и модели за системско зајакнување на предучилишното образование преку партнерство и соработка меѓу јавниот и приватниот сектор ,а беше отворен дијалог за мерките за проширување на пристапот преку различни механизми за финансирање и испорака на услуги, земајќи ги во предвид и најранливите категории

Како заклучок од учесниците на настанот беше потенцирано дека проширувањето на пристапот до образование и грижа во раното детство не е само прашање на инфраструктура, туку бара поширока трансформација на системот. Подобрата координација меѓу централната и локалната власт, градинките и работодавачите, заедно со одржливото инвестирање во квалитет, работна сила и инклузија, ќе бидат пресудни за тоа секое дете да добие најдобра шанса на почетокот на својот живот.

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер