Дали самитот во Тирана и дефинитивно ги стопи надежите дека ЕУ е подготвена да го укине ветото? - Канал 5

Македонија

Дали самитот во Тирана и дефинитивно ги стопи надежите дека ЕУ е подготвена да го укине ветото?

Колку оптимизмот на минстерките за европски прашања на Австрија и Словенија за успех на иницијативата за воведување на квалификувано мнзоинство наместо едногласност во текот на преговорите за члнетсво во ЕУ е реален?

Дали самитот во Тирана и дефинитивно ги стопи надежите дека ЕУ е подготвена да го укине ветото?

Брзо по нивни пораки во Скопје, од самитот на претседателите во Тирана, шефот на хрвстаката држава Милановиќ ги стопи надежите. Повтрои дека ја поддржуваат интеграцијата на земјите од регионот, но не се откажуваат од правото на вето, исто како и десетина други земји од ЕУ.

Иако нагласи дека во словенечко-германската иницијатива не гледа ништо злонамерно, сепак ги доведе во прашање вистински мотиви зад тоа.

-Оваа иницијатива на Словенија, Германија и уште неколку држави одредени одлуки да не се носат повеќе едногласно туку со квалификувано мнозинство, колку што јас знам, ја нема поддршката од хрватската влада, а нема ни мојата. За причините можеби не сме разговарале никогаш, сметам дека едногласноста прво може да се замени само со промена на темелните договори, тоа е долг и комплициран процес и второ во тоа гледам замка и тоа би го чувал како чест на млада девојка. - Зоран Милановиќ – Претседател на Хрватска

Дека темата за носењето на одлуки во ЕУ била покрената на самитот Брдо-Бриони потврди и претседателката Гордана Сиљановска Давкова. Таа истакна дека во дискусиите била нагласена неодржливоста на долгото чекање на земјите од регионот во евроинтегративните процеси.

-Ако ние овде не сме способни и спремни да се сослушаме со должна почит, да не очекуваме дека некој од надвор ќе не разбере и ќе не поддржи. Во речиси сите дискусии се разбира беше акцентирана решеноста да се укаже на неодржливоста на предолгото чекање на т.н. западен Балкан пред бриселските порти. - Гордана Сиљановска Давкова – Претседателка на Македонија

Во рамки на дебатата за евентуални реформи во Унијата, во земјава идната средба пристигнува шефицата на ЕК Урсула Фон Дер Лајен. На четири дена пред локалните избори, очекувањата се дека таа ќе испрати порака за охрабрување на дијалогот меѓу Скопје и Софија, процес кој македонската влада најави дека ќе се интензивира по нова година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украинските напади драстично ги намалуваат руските нафтени капацитети

Според два извори од индустријата, украинските напади со беспилотни летала врз руските рафинерии го намалиле капацитетот на Русија за преработка на нафта за приближно 30 отсто.

Украинските напади драстично ги намалуваат руските нафтени капацитети

Украинските удари врз руските рафинерии дополнително ги отежнуваат напорите на Москва да се справи со недостигот на гориво на домашниот пазар, и тоа во време кога Русија продолжува да испорачува дизел на меѓународните пазари, согласно договорот со американскиот претседател Доналд Трамп.

Украина ги зачести нападите врз руските рафинерии од крајот на октомври, откако пропадна предложениот договор за прекин на нападите врз енергетската инфраструктура.

Значителен пад

Според извори од индустријата и официјални претставници, во текот на изминатата недела, украинските напади го попречиле работењето и предизвикале вонредни ситуации во девет од 35-те големи руски рафинерии.

Извори од индустријата наведуваат дека вкупниот дневен капацитет на руските рафинерии погодени од напади со беспилотни летала од крајот на октомври – вклучително и три големи постројки во централна Русија – изнесува приближно 300.000 тони (2,2 милиони барели). Ова е во контекст на вкупниот примарен капацитет за преработка на нафта во Русија, кој изнесува околу 930.000 тони дневно.

До крајот на октомври, руските рафинерии преработувале приближно 700.000 тони (пет милиони барели) сурова нафта дневно, наведуваат изворите.

Според проценките на изворите, реалното намалување на преработката на сурова нафта во руските рафинерии би можело да достигне и до 200.000 тони дневно. Меѓу погодените постројки се рафинериите во Рјазањ, Јарослављ и во областите долж реката Волга.

Постојани напади

Гувернерот на Ленинградската област изјави дека во понеделникот, во ноќен напад, украински беспилотен летало ја погодило рафинеријата за нафта „Кириши“ – втората по големина во Русија – при што избувнал пожар. Тој додаде дека во нападот загинала една жена.

Во напис објавен во вторникот во рускиот дневен весник „Комерсант“, рускиот министер за надворешни работи Сергеј Лавров изјави дека Украина ги игнорира повиците на Трамп за прекин на нападите врз руските енергетски цели.

Украинскиот претседател Володимир Зеленски минатата недела изјави дека Киев продолжува со нападите врз цели поврзани со рускиот нафтен сектор, како одговор на руските напади врз енергетските капацитети. Тој посочи дека украинските електрани, енергетските мрежи, системите за греење и водоснабдување се под постојан напад и дека Москва одбива да ја намали ескалацијата.

Извор: Индекс.хр

Тагови: напади русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен.. 

Власта го одби барањето на СДСМ, предлог – законот за јавни набавки да биде повлечен од дневен ред

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова разговараше со претседателот на Литванија- претседавач со ЕУ од јануари 2027

Претседателката Гордана Сиљановска-Давкова, на маргините на Парискиот мировен форум 2026, оствари средба со претседателот на Република Литванија, Гитанас Науседа.

Сиљановска-Давкова разговараше со претседателот на Литванија- претседавач со ЕУ од јануари 2027

Taa го поздрави денешното отворање на нашата прва резидентна Амбасада во Вилнус и изрази очекување за продлабочување на македонско-литванската политичка, економска и институционална соработка.

Соговорниците разменија ставови за процесот на проширување на Европската Унија, состојбата во регионот на Западен Балкан, како и за македонските предизвици во пресрет на литванското претседавање со Советот на ЕУ од јануари 2027 година.

Тие се согласија дека реформите и Копенхашките критериуми се клучните параметри за членство во ЕУ на земјите-кандидатки и дека билатералните прашања не треба да бидат пречка во процесот на проширување.

Претседателката посочи дека соседите може да имаат позитивна улога во европската интеграција на регионот, укажувајќи на примерот на скандинавските земји, кои целосно ги поддржаа балтичките држави пред нивното членство во Европската Унија во 2004 година.

Таа го информираше претседателот за македонските преземени чекори на патот кон ЕУ, како и за прашањата со коишто се соочува земјата, од добивањето на кандидатскиот статус во 2005 до денес.

Сиљановска-Давкова истакна дека продолжуваат македонските напори за конструктивен дијалог со соседна Бугарија, но нагласи дека за тоа е неопходно двете страни да пристапат кон процесот со добра волја, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер