Дали ризикувате карцином на кожата ако користите млеко за сончање од претходната година? - Канал 5

Здравје

Дали ризикувате карцином на кожата ако користите млеко за сончање од претходната година?

Стручњаците за „Ромпер“ објаснија како да дознаеме дали на кремата за сончање ѝ поминал рокот на траење ако во меѓувреме датумот се избришал и дали можеме да ја користиме.

Дали ризикувате карцином на кожата ако користите млеко за сончање од претходната година?

Дерматологот Мариза Гершик вели дека не се препорачува да се користи крема за сончање со поминат рок.

– Доколку навистина користите доволно крема за сончање и го повторите нанесувањето, според советите, на крајот од летото сигурно нема да ви остане многу крема – забележува таа.

Стручњаците напоменуваат да не посегнувате по ланската крема за сончање, бидејќи сигурно повеќе ја нема истата функција. Можно е да добиете изгореници на кожата бидејќи хемикалиите во кремата за сончање, кои ја штитат кожата од сонцето, по одредено време се распаѓаат и ги губат своите својства, а вие се изложувате на ризик од потенцијална појава на рак на кожата.

Заштитата од сонце во тој случај нема да биде ефикасна ниту пак ќе биде како што е наведено во декларацијата, напоменуваат стручњаците, а веројатноста да добиете изгореници и други иритации на кожата поради состојките на кои им поминал рокот е голема. Физичките блокатори како што се цинк оксид и титаниум оксид можат да траат подолго од хемиските блокатори, меѓутоа, при одредувањето на рокот на траење се земаат предвид и другите состојки во кремата.

За кремата да не се расипе и да се одржи до рокот на траење, експертите советуваат да се чува на собна температура и подалеку од сончева светлина. Промените во бојата, структурата и мирисот се јасни показатели дека повеќе не можете да ја користите.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Борбени авиони на НАТО соборија беспилотно летало над Литванија

Борбени авиони на НАТО соборија беспилотно летало над Литванија откако беше издадено предупредување за главниот град Вилнус и околниот регион.

Борбени авиони на НАТО соборија беспилотно летало над Литванија

Леталото во Литванија дошло од соседна Белорусија и се движело кон запад.

Гитанас Науседа, претседателот на Литванија, утринава објави: „Беспилотно летало што штотуку навлезе во литванскиот воздушен простор беше уништено од борбени авиони на НАТО. Со оглед на тоа што Русија ја засилува агресијата врз Украина, ваквата подготвеност е од витално значење за нашиот регион.“

Во меѓувреме, Полска ги активираше своите воздухопловни сили како превентивна мерка поради руските напади со беспилотни летала врз Украина. Вчера полската војска извлече сомнително руско беспилотно летало од морето кај балтичкиот брег во северна Полска.

Литванија, Латвија и Естонија – сите членки на НАТО на границата со Русија – постојано се соочуваат со навлегувања на беспилотни летала на нивните територии откако Москва ја започна војната против украина.

Тагови: дрон НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко .

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко – само еден ден откако американскиот претседател Доналд Трамп изјави дека Украина и Русија се договориле да не ја напаѓаат енергетската инфраструктура на другата страна.

Во нападот е повредено едно лице, а погодени се и магацини во друг дел од градот, соопшти Кличко на Телеграм.

Сведок на Ројтерс слушнал експлозија во Киев.

Погодени бензинска пумпа и магацини, Русија неодамна почна да ги напаѓа бензинските пумпи во Киев, со што го прошири опсегот на своите цели.

Според украинските власти, Русија погодила околу 300 бензински пумпи во изминатите неколку месеци, главно во областите долж или во близина на линијата на фронтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кратовец осомничен дека прободел со нож полициски службеник

Кумановското обвинителство ќе спроведе истрага против 40-ет годишен кратовец заради напад со нож на полициски службеник при интервенција.

Кратовец осомничен дека прободел со нож полициски службеник

Според обвинителството, осомничениот на 11 септември нападнал службени лица при вршење работи на јавната безбедност поврзани со спречување кривично дело.

Кога двајца полицајци употребиле сила за да ја отворат заклучената врата од собата во која се наоѓал осомничениот, тој ги нападнал. При нападот, на еден од полициските службеници со нож му нанел тешки телесни повреди, меѓу кои прободна рана и посекотина.

Поради опасност од бегство и можност осомничениот да го повтори делото, јавниот обвинител до судијата на претходна постапка доставил предлог за определување мерка притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер