Дали моделот на неполноправно членство во ЕУ е добар за Македонија и регионот? - Канал 5

Македонија

Дали моделот на неполноправно членство во ЕУ е добар за Македонија и регионот?

Моделот на неполноправно европско членство иако се уште е предмет на внатрешна дебата во Унијата, веќе активно се понудува на земјите кандидатки од Западен Балкан и Источна Европа.

Дали моделот на неполноправно членство во ЕУ е добар за Македонија и регионот?

Моделот на неполноправно европско членство иако се уште е предмет на внатрешна дебата во Унијата, веќе активно се понудува на земјите кандидатки од Западен Балкан и Источна Европа, посочуваат дел од експертите за евроинтеграции од регионалните национални конвенции за ЕУ.

За Македонија овој модел на интеграција без право на вето е прифатлив, може да го одложи условот за Уставните измени, но тој сепак ќе остане како веќе прифатена обврска, оценува експертот Александар Кржаловски. И претседателката на македонската Конвеција за ЕУ - Милева Ѓуровска е на ставот дека неполноправно членство нема да го промени овој основен услов за нас.

-Според мене, добро е да е градуално. Сепак преферирам да е полноправно членство да се знае дека сме сите внатре иако ќе се има рестриктирани права – и со комесар, и за одлучување бидејќи така е и за други работи. Бугарија и Романија не беа во Шенген со самиот пристап, тоа си е посебен процес. Не е нешто страшно градуално да ги добиеме сите привилегии меѓутоа битно е да сме внатре,- - Александар Кржаловски, претседател на МЦМС.

-Од нас ЕУ бара да исполниме еден од најбитните услови – состојба во која најмалку сакаме да се наоѓаме. Ова прашање ќе треба да го решат во политичката сфера, -Милева Ѓуровска, Претседателка на Националната конвеција за ЕУ во Македонија.

Регионалните првенци во евроинтеграциите - Црна Гора и Албанија веќе добија ваков предлог, кој албанскиот премиер Еди Рама го оцени како прифатлив. За Црна Гора пак,тој е недостоен.

-Конкретно на Црна Гора и е порачано дека единствен проблем е, всушност Црна Гора е многу мала држава, мала економија, единствен проблем со Црна Гора е право на вето. Од Германија стигна порака дека тој проблем може да се надмине доколку Црна Гора прифати да нема право на вето. Претставниците на Црна Гора изјавија дека за нив е неприфатливо ограничено право на глас, бидејќи жртвувавме премногу време и вложивме преголем напор. 13 години сме веќе во преговарачкиот процес,- - Сајма Адемовиќ, Универзитет „Донја Горица„ Подгорица.

Еврокомесарката за проширување, Марта Кос веќе изјави дека е категорично против оваа опција која според неа создава ЕУ членки од прв и втор ред. Од самитот на лидерите во Тирана минатата недела, таа посочи дека целта е регионот заедно да напредува, а земјите да станат полноправни членки со како што потенцираше, целосни права.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски призна дека тој гони и апси

„Вие бркате, затворате, тие ги пуштаат на слобода.“

СДСМ: Мицкоски призна дека тој гони и апси

Ова го рече премиерот Христијан Мицкоски, коментирајќи ги одлуките на Врховниот суд за Ласкарци и Јакимовски.

Како еден премиер да брка и да затвора?

Како еден премиер да гони?

Ова е уште еден јасен доказ дека обвинителството работи по налог на Мицкоски.

Тој повеќе ниту се крие.

Тоа го кажува јавно – на телевизија, во Собранието, каде сака.

Премиерот не е обвинител.

Премиерот не е судија.

Премиерот не е полициски инспектор.

Но Мицкоски јавно признава дека „тие“ бркаат и затвораат, а „другите“ (повторно тие) пуштаат.

Тоа значи само едно:

Обвинителството, судовите, АНБ и полицијата се под негова контрола.

Правдата е селективна.

Институциите се инструмент на политичка волја.

Кога сакаат – гонат.

Кога сакаат – се оградуваат.

Кога сакаат – пуштаат, затвораат.

Ова е владеење на една организирана криминална група што ги зароби институциите и јавно се фали со тоа.

СДСМ бара итно враќање на независноста на обвинителството и судството.

Премиерот не смее да гони и да апси.

Законот мора да важи еднакво за сите – не според наредба од владината фотелја.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Психолошка креативна работилница во ООУ „Војдан Чернодрински“

Во ООУ „Војдан Чернодрински“, се реализираше психолошка креативна работилница на тема „Мојот внатрешен чувар“, наменета за учениците од II-б одделение. 

Психолошка креативна работилница во ООУ „Војдан Чернодрински“

Целта на работилницата беше учениците да го препознаат стравот како природен заштитен сигнал на телото, да ги забележуваат телесните реакции при вознемиреност, како и да усвојат едноставни техники за смирување и начини за барање поддршка.

Преку приказната за ежето Боцко, активноста „Семафор за сигурност“ и практични вежби, учениците учеа дека храброста не значи отсуство на страв, туку способност да се препознае стравот, да се реагира соодветно и да се донесе правилна и безбедна одлука. Во рамки на работилницата, учениците изработија цртежи под наслов „Мојата картичка за храброст“, преку кои ги претставија знаците на вознемиреност, начините кои им помагаат да се смират, како и личностите од кои би побарале помош кога им е потребна. Работилницата ја реализираше училишниот психолог Наталија Наумовска Велковска, со цел преку креативни и интерактивни активности учениците да стекнат корисни знаења и вештини за препознавање и справување со сопствените емоции.

Преку реализација на вакви активности, ООУ „Војдан Чернодрински“ придонесува кон развивање на емоционалната писменост, самодовербата, чувството на сигурност и социјално-емоционалните вештини кај учениците.

ОПШТИНА КАРПОШ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп симулираше положување заклетва со приврзаниците: „Ако не излезете на гласање, ќе одите во пеколот“

Со апел до Републиканците да излезат масовно на изборите за Конгресот на трети ноември и соочен со можноста да го загуби мнозинството во двата дома, американскиот претседател Трамп ја заокружи дводневната конвенција во Далас.

Трамп симулираше положување заклетва со приврзаниците: „Ако не излезете на гласање, ќе одите во пеколот“

Тој приреди необична сцена во салата, симулирајќи положување заклетва со присутните.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер