3Петнаесет танчерки од Србија, Албанија и Колумбија се фатени во полициска акција во гостиварско- уапсени се две лица
МакедонијаДали Македонија е пред ново грчко вето во европските интаграции?Грција ќе ја спушти рампата за македонските евроинтеграции доколку не се почитува Преспанскиот договор. Во можеби најдиректната порака изминатите неколку дена, грчкиот премиер Кирјакос Мицотакис на митинг за европските избори во Бер, Егејска Македонија, покрај најавата за вето на Македонија, додаде и дека меморандумите кои официјална Атина одбива да ги ратификува, нема никогаш да бидат изгласани. На митингот каде на моменти преовладуваше националистичка реторика од присутните, а се споменуваа Александар Велики и неговиот татко Филип, Мицотакис истакна дека иако не се согласувале со договорот, кога ја освоиле власта, немале друг избор освен да го почитуваат. Би сакал да бидам апсолутно јасен овде, од срцето на Македонија. Нова демократија не гласаше за Договорот од Преспа и изразивме сериозни резерви кога тој беше ратификуван во грчкиот парламент. Со апсолутна искреност кажавме дека, штом овој Договор ќе биде донесен, тој практично не може да се смени и ќе бидеме принудени, и покрај нејзините проблеми, да го почитуваме и тоа го направивме. Но ако некои мислат дека можеби нема да го почитуваат Договорот, треба да знаат две работи: Прво, дека нивниот пат кон Европа ќе остане затворен, второ, меморандумите што треба да ги изгласаме, нема да бидат донесени додека не дојде до апсолутна усогласеност,- - Кирјакос Мицотакис – Премиер на Грција. Темата за односите со земјава, изминатата недела преовладува во грчките медиуми, кои секојдневно прават анализи за Преспанскиот договор. Грчкиот министер за здравство, иако не повикан, за тамошните медиуми порача дека доколку политичарите во земјава, вклучително и лидерот на ВМРО-ДПМНЕ Мицкоски, продолжат да го користат името „Македонија“ тогаш владата на Мицотакис ќе го раскине договорот. Шефот на грчката дипломатија Герапетритис пак, вчера упати и директна порака до Мицкоски дека нема да прават отстапки. Денеска пак, се пофали дека успеале да го интернационализираат прашањето. -Грчката Влада реагираше со исклучително брзи рефлекси, на само неколку часа по инаугурацијата на новата претседателка на Македонија се активираа претседателката на Европската комисија, претседателот на Европскиот совет, портпаролот на Европската унија, НАТО и многу земји и ова благодарение на грчката надворешна политика,- - Јоргос Герапетритис – Министер за надворешни работи на Грција . Бурните реакции од официјална Атина, дојдоа по заклетвата на претседателката Силјановска Давкова која во таа прилика ја изостави „Северна“, а вчера и лидерот на ВМРО-ДПМНЕ Христијан Мицкоски испрати порака дека и тој има намера да го користи само името Македонија, иако како што кажа, договорот е реалност и ќе се почитува.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
БалканЛав растргна лавица во зоолошката во Загреб- објавена е снимка од нападот (Вознемирувачко видео) Здружението „Анималекс“ го објави нападот на лавицата Тајри, која вчера беше нападната и убиена од лавот Уганда во Зоолошката градина во Загреб.На своите социјални мрежи денес објавија видео за кое тврдат дека ги прикажува вчерашните последни моменти на лавицата во Зоолошката градина во Максимир, објави Индекс. Видеото прикажува лав покрај лавица како лежи на земја во живеалиштето. Од однесувањето на лавот и лавицата, не е јасно дали станува збор за игра или за нешто посериозно. Надвор од кадарот се слушаат гласови на луѓе и повик на лав. Од самата снимка не е можно да се утврди кога е направена или што се случило пред и по снимката. „Анималекс“ тврди дека смртта на лавицата е предизвикана од неодговорното однесување на дресерот и другите одговорни лица. „Непрофесионалното, неодговорно и невнимателно однесување на дресерите и другите „експерти“ доведоа до смрт на лавицата, која беше насилно сместена во живеалиште со лав по 10 дена, без постојан надзор и без соодветна реакција на дресерите на нападите што ги доживуваше секој ден“, објави здружението. Не е познато што го натерало лавот да нападне. „Анималекс“ понатаму тврди дека најмалку тројца посетители биле сведоци на нападот и дека персоналот на Зоолошката градина се обидел да го спречи лавот со викање. Тие тврдат дека лавицата била повредена претходно. Здружението бара оставка од директорот на Зоолошката градина и лицето кое одлучило да стави лав и лавица заедно во заеднички живеалиште. За потсетување, Зоолошката градина вчера изјави дека животните биле успешно споени во помошниот простор на 10 јули, додека од 21 јули престојувале заедно во надворешниот дел од живеалиштето. „Двојката се сложувала добро и немало индикации дека може да се случи таков настан“, објавија вчера. Директорот на Зоолошката градина, Иван Цизељ, изјави дека животните биле под постојан надзор од нивното пристигнување и дека живееле заедно во последните 12 дена без инциденти. Од Зоолошката градина изјавија дека сè уште не знаат што го натерало лавот да нападне. Тие изјавија дека нивните вработени постапиле во согласност со протоколите по нападот и дека посетителите и вработените во ниту еден момент не биле загрозени.Тагови: Загреб лавица Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиСедница за пратенички прашања во Собранието15:00Град Скопје: Дезинсекција против комарци, фаза 1011:57На ГП „Богородица“за излез од државата се чека околу 20 минути08:50Нови три случаи на вирусот „западен нил“ кој го шират комарците во Скопје15:00Епидемијата во Гостивар се смирува - водата ќе може да се пие до крајот на неделава 15:00
МакедонијаГевгеличанец во БМВ „летал“ со 204 км/час кај Смоквица, уапсен е Гевгеличанец возел „бмв“ со скоро двојно поголема брзина од дозволеното, запрен е и лишен од слобода, следува соодветна пријава.На 29.07.2026 во 21:26 часот на автопат А1, кај клучка Смоквица, гевгелиско, полициски службеници од СВР Струмица - ОВР Гевгелија го лишија од слобода Ж.Д.(29) од Гевгелија. При контрола на патниот сообраќај со радар, полициските службеници констатирале дека Ж.Д. управува патничко возило „бмв“ со гевгелиски регистарски ознаки со брзина од 204 километри на час, на место каде со сообраќаен знак брзината на движење е ограничена на 120 километри на час. Тој е исклучен од сообраќај и за настанот е запознаен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”, соопштуваат од МВР. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиСедница за пратенички прашања во Собранието15:00Град Скопје: Дезинсекција против комарци, фаза 1011:57На ГП „Богородица“за излез од државата се чека околу 20 минути08:50Нови три случаи на вирусот „западен нил“ кој го шират комарците во Скопје15:00Епидемијата во Гостивар се смирува - водата ќе може да се пие до крајот на неделава 15:00
Црна хроникаПетнаесет танчерки од Србија, Албанија и Колумбија се фатени во полициска акција во гостиварско- уапсени се две лица Акциска контрола во угостителски објекти во гостиварско, затекнати 15 странски државјанки, пронајдена дрога, лишени од слобода две лица.Денеска (30.07.2025), во периодот од 02:00 до 04:00 часот, полициски службеници од СВР Тетово – ОВР Гостивар спровеле акциска контрола во два угостителски објекти на подрачјето на ОВР Гостивар. При контролата во с.Чегране, гостиварско, околу 02:00 часот од слобода е лишен М.Х.(50) од с.Форино, гостиварско. Тој, откако ги забележал полициските службеници пред објектот, ја заклучил влезната врата и ги предупредил присутните да бегаат, но по брза реакција на полициските службеници на задниот излез било спречено бегство на повеќе женски лица – странски државјанки. Додека, пак, во угостителски објект на подрачјето на Полициското одделение Галате, полициските службеници го лишија од слобода А.А.(53) од Гостивар затоа што кај него била пронајдена марихуана. При контролите во двата објекта, поради злоупотреба на туристичкиот престој, односно престојување спротивно на целта, приведени се вкупно 15 странски државјанки на возраст од 19 до 40 години од Србија, Албанија и Колумбија, од кои 11 во угостителскиот објект во с.Чегране и четири во угостителскиот објект во подрачје на Полициското одделение Галате. Сите се задржани во полициска станица и по документирање на случајот ќе следуваат соодветни поднесоци, соопштуваат од МВР. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиСедница за пратенички прашања во Собранието15:00Град Скопје: Дезинсекција против комарци, фаза 1011:57На ГП „Богородица“за излез од државата се чека околу 20 минути08:50Нови три случаи на вирусот „западен нил“ кој го шират комарците во Скопје15:00Епидемијата во Гостивар се смирува - водата ќе може да се пие до крајот на неделава 15:00