Здравје

Дали короната повторно зема замав?

Здравствените власти да превземат нешто во однос на ширењето на короната и останатите зарази, бидејќи половина од пациентите што секој ден доаѓаат на преглед се со симптоми на ковид, алармираат матичните лекари.

Д-р Мира Атанасова вели дека статистиката можеби не нотира зголемен број на заразени оти голем дел одбиваат да се тестираат. Многу малку дома со брзи тестови од аптека се тестираат, потврдува Д-р Атанасова.

Напливот на пациенти добил на интензитет особено во последниот месец, потврдуваат неколку матични лекари што ги контактиравме. Според Д-р Атанасова на време треба да се мисли за она што допрва не чека, па задолжителноста на тестирањето, особено на маските во болниците треба да биде предмет на одлука од страна на надлежните.

Во меѓувреме, институтот за јавно здравје веќе со месеци јавно не ги објавува стстистиките, па последниот извештај што може да се најде датира од мај. Сепак Директорот Шабан Мемети во телефонски разговор за Канал 5 вели дека анализи се прават, како и дека последните нотираат само околу 150 случаи во месец август. Иако од Комисијата за заштита од заразни болести кажаа на средината од септември, или сега треба да има резултати од секвенционирање со што ќе се знае кој вид на ковид циркулира кај нас, ама од Институтот велат дека вакво нешто периодов не се прави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се преврте товарно возило на Битола-Прилеп

Од 07:40 часот, сообраќајот за тешки моторни возила на патниот правец Р1101 Битола – Прилеп е во прекин, соопшти АМСМ.

Товарно моторно возило излетело од патот Битола – Прилеп кај селото Беранци. Засега нема информации за повредени.

Според СВР Битола сообраќајот е во прекин за товарни возила, додека патничките возила се пропуштаа наизменично.

Тагови: Битола-Прилеп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Убиено е 26 годишно момче во Чаир: Двајца дошле со мотоцикл, пукале кон петмина и побегнале

Убиено е 26 годишно момче во Чаир , потврдија од Министертвото за внатрешни работи.

Настанот се случил синоќа околу 23 часот и 30 минути во СВР Скопје во близина на раскрсница помеѓу улиците „Прохор Пчински“ и ,,Војдан Чернодрински“ во Скопје. Пред излог на фирма стоеле 5 лица на возраст од 24 до 36 годишна возраст сите од Скопје, кога до нив застанал мотоцикл на кој имало две лица, кои пукале со огнено оружје кон групата, по што се дале во бегство. Еден од проектилите го погодил 26 годишниот А.М. кој со возило на итна медицинска помош бил пренесен во комплекс клиники „Мајка Тереза“ во Скопје, каде починал. Се преземаат мерки за расчистување на случајот.

Тагови: Убиство Чаир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ден на жалост во Непал, потрагата по преживеаните продолжува

Непал денес одбележува ден на жалост во спомен на загинатите во поплавите од 26 август, при што владините канцеларии ги спуштаат знамињата, а членовите на семејствата ги завршуваат ритуалите за жалост.

Денес е 13-тиот ден од поплавите во кои загинаа повеќе од 1.300 луѓе во Непал и Тибет, а околу 5.000 се водат како исчезнати, вклучувајќи странци, според агенцијата за управување со катастрофи на Непал, објавува Асошиејтед Прес.

Во Непал, каде што Хиндусите го сочинуваат мнозинството од населението, периодите на жалост траат 13 дена, во кои блиските членови на семејството остануваат дома, а роднините ги посетуваат за да им оддадат почит.

На последниот, или 13-ти, се одржуваат ритуали за молитва за душите на починатите.

Неколку лица чии членови на семејствата сè уште се водат како исчезнати одржаа симболични погреби со ритуали за жалост.

Владата претходно го прогласи понеделникот за ден на официјална жалост и сите канцеларии ќе ги спуштат знамињата на половина копје.

Во Катманду, членови на семејствата се собраа во близина на канцелариите на премиерот и клучните министерства за да побараат од владата да го забрза спасувањето на стотици луѓе кои работеле во хидроелектраните и биле однесени од реката Ботекоси или закопани под урнатините.

Потрагата сè уште е во тек

Потрагата по стотици луѓе кои сè уште се водат како исчезнати продолжува.

Спасувачите извлекоа еден Кинез од електраната во саботата, а двајца непалски работници беа спасени од електраната во петокот.

Спасувачките напори се повеќе се фокусираат на 12 хидроелектрани, каде што околу 900 работници се водат како исчезнати, а се верува дека околу 500 се заробени во различни тунели, соопштија властите.

Специјализирани спасувачки тимови од Индија, Кина, Јужна Кореја и САД пребаруваат низ урнатините, оштетените згради и тунелите, надевајќи се дека ќе пронајдат преживеани.

Извор: Б92

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.