Специјалниот суд за Косово го прогласи поранешниот косовски претседател Хашим Тачи за виновен за воени злосторства извршени за време на војната за независност од Србија и го осудија на 25 години затвор.

За виновни за учество во здружен злосторнички потфат беа прогласени и тројца други воени команданти на Ослободителната војска на Косово (ОВК): Јакуп Красниќи беше осуден на 25 години затвор, додека Кадри Весели и Реџеп Селими беа осудени на 18, односно 13 години затвор.

Пред судот во Хаг се собрале бројни поддржувачи на Тачи за да го следат изрекувањето на пресудата. Незадоволни од исходот, тие почнаа да предизвикуваат немири, што доведе до интервенција на специјалните полициски единици.

Извор: Дневник.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На списокот има четворица дебитанти, дефанзивците Анес Мелиџи и Ѓорѓе Џеков, фудбалерот за врска Матеј Гаштаров и напаѓачот на Струга, Христијан Малески.

По пауза од четири години, во националниот тим се враќа и Марио Младеновски, кој со добрите настапи во дресот на Вараждин го заслужи повторниот повик.

Македонија циклусот го отвора на 26. септември против Швајцарија во Скопје, по што следуваат гостувањето кај Словенија на 29. септември во Љубљана, домашниот натпревар против Шкотска на 3. октомври и вториот дуел со Швајцарија, на гостински терен во Луцерн на 6. октомври.

Седлоски се одлучи за список од 28 фудбалери, меѓу нив четворица дебитанти, Анес Мељичи од Шкендија, Ѓорѓе Џеков од Силекс, Матеј Гаштаров од Црвена Звезда и Христијан Малески од Струга Трим Љум. Поради повреда натпреварите ќе ги пропушти дефанзивецот на Левски, Никола Серафимов.

Голмани: Столе Димитриевски (Валенсија, Шпанија), Дамјан Шишковски (Борац Бања Лука, БиХ), Давор Талески (Вардар);

Одбрана: Ѓоко Зајков (Ајман, ОАЕ), Анес Мељичи (Шкендија), Висар Муслиу (Сент Труден, Белгија), Ѓорѓе Џеков (Силекс), Марио Младеновски (Вараждин, Хрватска), Бојан Илиевски (Тирана, Албанија), Андреј Стојчевски (Словачко, Совачка), Себастијан Херера (Борац Бања Лука, БиХ), Езѓан Алиоски (Лугано, Швајцарија), Дин Аломеровиќ (УТА Арад, Романија);

Среден ред: Јани Атанасов (Актобе, Казахстан), Агон Елези (Сараево, БиХ), Бобан Николов (Вардар), Лука Станковски (Колос Коваливка, Украина), Тихомир Костадинов (Словачко, Словачка), Елиф Елмас (Аталанта, Италија), Енис Барди (Коњаспор, Турција), Матеј Гаштаров (Црвена Звезда, Србија), Љупче Дориев (Согдијана, Узбекистан), Дарко Чурлинов (Погон Шчечин, Полска), Димитар Митровски (Олимпија Љубљана, Словенија);

Напад: Елмин Растодер (Панатинаикос, Грција), Бојан Миовски (Ренџерс, Шкотска), Азер Омерагиќ (Вардар), Христијан Малески (Струга Трим Љум);

Седлоски во овој репрезентативен прозорец ќе има исклучително густ распоред, со четири натпревари во само 11 дена. Токму затоа, поширокиот список треба да му овозможи поголем простор за ротација и избор на различни решенија во текот на циклусот.

Македонија во новото издание на Лигата на нации настапува во групата Б1, заедно со Швајцарија, Словенија и Шкотска.

Македонија циклусот го отвора на 26 септември на домашен терен против Швајцарија, а потоа следуваат гостувањето кај Словенија на 29 септември, домашниот натпревар со Шкотска на 3 октомври и гостувањето кај Швајцарија на 6 октомври.

„Можеме да очекуваме борба, залагање и максимум на секој натпревар. Никогаш како играч немав четири натпревари во десет дена. Затоа повикав 25 фудбалери и три голмани. Ќе мора да ротираме и шанса ќе добијат повеќе играчи. Сакав да спојам младост и искуство. За никого не е затворена вратата од репрезентацијата, но ова е мојот избор за овие четири натпревари“, изјави Седлоски.

Селекторот очекува тимот во краткиот период на подготовки да ја изгради потребната компактност и хемија.

„Мора да бидеме компактни. Овие пет дена ќе ги искористиме да покажеме дека имаме тимска хемија. Никогаш претходно не биле повикани шест фудбалери од Првата македонска лига. Омерагиќ и Малески минатата сезона постигнаа триесетина голови, а и оваа сезона редовно погодуваат и го заслужија повикот. Тука се Растодер и Миовски и мислам дека сме добро екипирани во нападот. Четири натпревари сме без постигнат гол, но верувам дека и нападот ќе проработи. Средниот ред мислам дека ни е адут“, додаде селекторот.

Седлоски најави промени и во дефанзивната линија, со Илиевски како една од опциите по десната страна, а во конкуренција е и Стојчевски. Тој остави можност списокот дополнително да биде надополнет.

„Желбата ми е да ги победиме сите четири натпревари, но реалноста е дека и противниците имаат свои квалитети. Во овој момент размислуваме само за првиот натпревар и за Швајцарија. Ги следев нивните натпревари на Мундијалот и мислам дека ќе бидат фаворити во групата. Но, верувам дека можеме да се носиме и со нив, и со Шкотска и Словенија“, вели Седлоски.

Селекторот се осврна и на клупската ситуација на неколку репрезентативци. Посебно го радува фактот што Елиф Елмас пронајде средина во која ќе има можност да игра во континуитет.

„Ме радува што Елмас пронајде клуб каде што ќе настапува во континуитет. Разговарав и со Миовски, кој во еден момент беше со мислите надвор од Глазгов Ренџерс. Но, дојде до пресврт и тренерот му вети минутажа. Јас ќе бидам најсреќен ако нашите фудбалери играат редовно и се во натпреварувачки ритам“, изјави Седлоски.

На прес-конференцијата, една од темите на кои зборуваше Седлоски беше Матеј Гаштаров.

Разговарав со Матеј и ќе добиеше повик и пред да биде во првиот тим на Црвена Звезда. Со душа чекам да го викам, имаме пет дена за тренинзи и ќе работиме и тактички. Го гледам на средината на теренот, но поливалентен е и може да игра на повеќе позиции, изјави Седлоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Компаниите на Илон Маск, „X Corp“ и „xAI“, поднесоа барање за отфрлање на тужбата против „Apple“, според судски документ. Спорот беше решен пред федерален суд во Тексас, иако не беа соопштени детали за причините за повлекувањето на тужбата.

Исто така, не е познато дали е постигнат некаков вид на спогодба.

Компаниите на Маск ја поднесоа првичната тужба минатата година, обвинувајќи го „Apple“ за кршење на антимонополските закони. Тужбата произлезе од интеграцијата на алатките на „ChatGPT“ во системот „Apple Intelligence“; компаниите тврдеа дека „Apple“ ги затвора пазарите за да ги одржи своите монополи и да ги спречи иноваторите како „X“ и „xAI“ да се натпреваруваат.

Во тужбата исто така се наведуваше дека „Apple“ и „OpenAI“ се здружиле против производите на „xAI“, како што е чет-ботот „Grok“ (кој повремено го фалел Адолф Хитлер). Тие понатаму тврдеа дека „Apple“ не ги промовира доволно нивните апликации во „App Store.“

„Да не беше ексклузивниот договор со „OpenAI“, „Apple“ немаше да има причина да избегнува повидливо прикажување на „X“ и „Grok“ во „App Store““, изјавија тогаш од компанијата за Ројтерс.

Вреди да се напомене дека многу од конкурентите на „OpenAI“ имале апликации кои биле на врвот на листите во „App Store“, дури и откако било воспоставено партнерството со „Apple“. Тука спаѓаат „DeepSeek“ и „Perplexity“, но не и „xAI“.

„OpenAI“ исто така беше вклучен во првичната тужба. Според извештајот на „CNBC“, компаниите на Маск наведуваат дека ќе продолжат со правната постапка против креаторот на „ChatGPT“. Денешното повлекување на тужбата се однесува само на „Apple“.

„xAI“ моментално е вклучена во уште една тужба. Овој случај вклучува обвинувања дека „Grok“ бил користен за генерирање илјадници слики со содржини од сексуална злоупотреба на деца (CSAM). Исто така, постојат тврдења дека алатката овозможува масовно производство на експлицитни „дипфејк“ (deepfake) слики направени без согласност, кои се користат за вознемирување на жени и девојки низ интернет. Ова доведе до официјална истрага од страна на властите во Калифорнија, која е во тек.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.