Дал Мас се сретна со Муцунски - Канал 5

Дал Мас се сретна со Муцунски

Активното вклучување на земјите од Западен Балкан сега е потребно повеќе од кога било за покохезивна и побезбедна Европа.

Дал Мас се сретна со Муцунски

Генералниот секретар на Централноевропската иницијатива (ЦЕИ), Франко Дал Мас денеска во Скопје се сретна со министерот за надворешни работи и надворешна трговија на Република Македонија, Тимчо Муцунски. Присутен беше и италијанскиот амбасадор, Паоло Палминтери.

За време на состанокот, како што информира МНРиНТ, генералниот секретар ги презентираше приоритетите на ЦЕИ, потврдувајќи ја поддршката на оваа организација за европскиот пат на Македонија и признавајќи ја активната и конструктивна улога на земјата во рамките на ЦЕИ.

-ЦЕИ е посветена на поддршка на европската интеграција, промовирање на регионалната стабилност и зајакнување на конкретни алатки за соработка. Активното вклучување на земјите од Западен Балкан сега е потребно повеќе од било кога за изградба на покохезивна и побезбедна Европа, рече генералниот секретар Дал Мас. Во овој контекст, тој потсети и на зборовите на вицепремиерот и министер за надворешни работи и меѓународна соработка на Италија, Антонио Тајани, според кој, пристапувањето на Западен Балкан не треба да се смета за проширување, туку за повторно обединување на Европа.

Помеѓу иницијативите за кои стана збор за време на состанокот беше и програмата „Фалконе-Борселино“, настаната од соработката помеѓу српското претседателство на ЦЕИ и Италија, насочена кон зајакнување на борбата против организираниот криминал и корупцијата, како и активностите во областа на регионалното поврзување, особено по должината на коридорот Западен Балкан-Источен Медитеран.

Министерот Муцунски, изразувајќи благодарност и поддршка за работата на ЦЕИ, нагласи дека земјата ја гледа оваа организација како сигурен партнер и фундаментален канал за промовирање на стабилноста, развојот и конкретната соработка во регионот. Исто така изрази благодарност до министерот Тајани за неговата конкретна и постојана посветеност на дијалогот и интеграцијата на Западен Балкан.

Двете страни, исто така, ја потврдија својата посветеност во поддршката за Украина, поздравувајќи го доаѓањето на украинскиот заменик-генерален секретар во тимот на Секретаријатот.

Состанокот заврши со официјална покана од генералниот секретар Дал Мас до министерот Муцунски за посета на Секретаријатот на ЦЕИ во Трст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поранешен ас на Барселона неодамна излезе од затвор, а сега сопругата го напушта,причината шокантна причина

Поранешниот бразилски фудбалер Дани Алвеш и неговата сопруга Џоана Санз одлучија да стават крај на заедничкиот живот, а една од главните причини за разделбата е неговата сè поголема посветеност на религијата. 

Поранешен ас на Барселона неодамна излезе од затвор, а сега сопругата го напушта,причината шокантна причина

Веста за нивниот развод ја објави шпанскиот новинар Хави Охоса, кој разговарал со сопругата на Алвеш и дознал детали за нивната одлука. Двојката стапи во брак во 2017 година, а во октомври 2025 година ја добија ќерката Хулиета.

Според новинарите, Џоана Санз покренала постапка за развод бидејќи начинот на живот на екс фудбалерот на Барселона го оддалечува сè повеќе од неговото семејство.

Во последните месеци, 43 годишниот Алвеш патува низ светот како проповедник и предавач, ширејќи ја евангелската вера.

На 25 март 2024 година, Алвеш беше пуштен од затворот „Бријанс“ во близина на Барселона откако плати кауција од еден милион евра, а претходно беше осуден на четири и пол години затвор под обвинение за силување. Сепак, на 28 март 2025 година, Апелациониот совет на Судот на правдата на Каталонија го ослободи од обвиненијата, по што тој стана целосно слободен човек. Тогаш тој целосно ѝ се сврте на религијата.

Токму оваа животна посветеност, како што е наведено, довела до сериозно отуѓување од сопругата. Наводно, на Санз не му пречело тоа што тој имал вера, што ја читал Библијата или што одел во црква, но ја вознемирувало тоа што религијата станала центар на неговиот живот, поради што таа се чувствувала осамено и запоставено.

„Тоа го оддалечи од неа и од нивната ќерка, а таа се чувствува сосема сама. Таа има разбирање за верата на Дани и не би имала ништо против тој да ја чита Библијата или да оди во црква. Сепак, неговата одлука да му го посвети целиот свој живот на религијата го изолираше од неговото семејство“, пренесува новинарот зборови на сопругата на Алвеш.

Според истите изјави, Санц конечно одлучила да стави крај на таквиот однос со зборовите: „Доста е, ми е преку глава, овде завршува сè“.

Поранешниот дефанзивец на Барселона, Јувентус и Пари Сен Жермен на тој начин би можел да стави крај на бракот што траеше речиси девет години. Засега, ова се информациите што ги објави еден шпански новинар, повикувајќи се на разговор со Џоана Санц.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нов проблем за европскиот шампион ПСЖ, поради тешка повреда заврши сезоната Дезире Дуе

Еден од најталентираните фудбалери на денешницата ја заврши сезоната! Крилниот напаѓач на Пари Сен Жермен, 21 годишниот Дезире Дуе во саботата навечер трпеше страшн болка откако се повреди на првенствениот натпревар на францускиот гигант против Ница. 

Нов проблем за европскиот шампион ПСЖ, поради тешка повреда заврши сезоната Дезире Дуе

Крилото на ПСЖ, Дезире Дуе, ја заврши сезоната откако ги скина предните вкрстени лигаменти на натпреварот против Ница, исто како и Квича Кварацхели еден месец претходно.

Само еден ден подоцна пристигна ужасната вест. Дезире Дуе ги скинал предните вкрстени лигаменти на десното колено, поради што ќе мора да паузира неколку месеци.

Тој ќе биде опериран до крајот на ноември, по што ќе започне периодот на рехабилитација, кој во одредени случаи може да трае и до девет месеци.

Секако, Дуе нема да се врати на терените до крајот на оваа сезона. Овој крилен напаѓач на Париз, кој важи за еден од најталентираните фудбалери на планетата, оваа сезона одигра 15 натпревари, при што постигна шест гола и забележа четири асистенции.

Се очекуваше тој да биде еден од главните адути на Пари Сен Жермен во продолжението од сезоната, особено со оглед на тоа што Квича Кварацхели е отсутен поради повреда.

Пред точно еден месец, Пари Сен Жермен објави дека грузискиот фудбалер ќе мора да паузира подолго време поради скинати предни вкрстени лигаменти – истата повреда што сега ја доживеа и Дезире Дуе. Без овие двајца играчи, ПСЖ ќе биде значително ослабен, особено во Лигата на шампионите, каде што имаат амбиција да ја освојат третата титула по ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Прамен коса од Џорџ Вашингтон продаден на аукција за 4.000 долари

Прамен коса од првиот американски претседател Џорџ Вашингтон, кој бил врамен, е продаден на аукција за 4.000 долари, објави Би-Би-Си. 

Прамен коса од Џорџ Вашингтон продаден на аукција за 4.000 долари

Праменот бил во сопственост на Џон Гедсби, кај кого Вашингтон престојувал во 1799 година, непосредно пред неговата смрт истата година.

Подоцна, според „Ричмонд аукшнс“ (Richmond Auctions) – аукциската куќа што го продала предметот – тој завршил кај колекционерот Џон К. Латимер, кој го набавил од еден од потомците на Гедсби. Името на новиот сопственик не е објавено.

Продажбата што се случи вќера не претставува рекорд кога станува збор за аукции на коса од Вашингтон. Три влакна, за кои се верува дека биле земени од него непосредно пред или по неговата смрт и чувани во приврзок, биле продадени во 2021 година за речиси 40.000 долари.

Гадсби, жител на тогаш малиот град Александрија, Вирџинија, го угостил Вашингтон на вечера, кратко пред смртта . Ова го потврдува изјавата од 1928 година на внуката на Гадсби, Џулија Тен Ајк Мекблер, која е објавена на веб-страницата на аукциската куќа „Ричмонд Оукшнс“ (Richmond Auctions).

Мекблер навела дека нејзиниот дедо дошол до прамен од косата на Вашингтон „преку пријателство и дружење за време на неговите последни денови“. Тој го ставил праменот во рамка и го закачил на ѕид „под портретот на генералот Вашингтон во нашиот дом во градот Вашингтон, каде што го гледав целиот свој живот“.

Според „Ричмонд Оукшнс“, Гадсби организирал прослави за роденденот на Вашингтон во 1798 и 1799 година. Политичката кариера на Вашингтон Вашингтон ги предводел американските сили до победа над Британците во Американската војна за независност и учествувал во изготвувањето на Уставот на САД, пред да стане првиот претседател на Соединетите Држави во 1788 година. Тој се повлекол од функцијата во 1797 година, откако отслужил два претседателски мандата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер