Дачиќ: Вахабистот Сенад Рамовиќ одби да се предаде, пукаше во припадниците на МВР - Канал 5

Балкан

Дачиќ: Вахабистот Сенад Рамовиќ одби да се предаде, пукаше во припадниците на МВР

Министерот за внатрешни работи на Србија, Ивица Дачиќ изјави дека вахабистот Сенад Рамовиќ Бецан бил убиен синоќа во судир со полицијата во селото Хотково кај Нови Пазар и посочи дека Рамовиќ при апсењето одбил да се предаде

Дачиќ: Вахабистот Сенад Рамовиќ одби да се предаде, пукаше во припадниците на МВР

Министерот за внатрешни работи на Србија, Ивица Дачиќ изјави дека вахабистот Сенад Рамовиќ Бецан бил убиен синоќа во судир со полицијата во селото Хотково кај Нови Пазар и посочи дека Рамовиќ при апсењето одбил да се предаде и испукал три или четири куршуми кон припадниците на МВР, јави дописникот на МИА од Белград.

-Тоа беше заедничка акција на БИА, МВР и Вишото јавно обвинителство во Нови Пазар, изјави Дачиќ за ТВ Прва.

Дачиќ посочи дека акцијата била спроведена во селото Хотково од каде што е Рамовиќ, но дека не бил во неговата куќа, туку бил пронајден во куќа оддалечена неколку стотини метри од неговата куќа, сопственост на неговиот зет Алдин Бирчовиќ, криминалец од Нови Пазар, кој моментално издржува затворска казна во Ниш.

-За време на апсењето (Рамовиќ) даваше отпор, пукаше во полицијата, испука три-четири куршуми и припадниците на Специјалната антитерористичка единица го ликвидираа, рече Дачиќ.

Тој изјави дека Рамовиќ бил во бегство по терористичкиот напад на жандармот пред израелската амбасада во Белград, кој во јуни го изврши Милош Жујовиќ, дека против него е поднесена кривична пријава и дека побегнал на територијата на Косово.

Дачиќ потсети дека Рамовиќ во 2007 година е осуден на две години затвор за кривичното дело тероризам и дека одиграл клучна улога во радикализацијата на Жујовиќ, кој изврши терористички акт во Белград на 29 јуни, како и на други лица, како на пример на Лазар Бербер од Сомбор, кој исто така неодамна беше уапсен во заедничка акција на БИА, МВР и Обвинителството за организиран криминал поради основано сомнение дека подготвувал терористички акт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на потпишување договор за нова инвестиција

Премиерот Христијан Мицкоски денеска ќе присуствува на потпишување договор за нова инвестиција.

Мицкоски на потпишување договор за нова инвестиција

Договорот ќе биде потпишан во свечената сала на владата.

По потпишувањето предвидено е Мицкоски и претставници на „компанијата да одржат заедничка прес-конференција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Украина ќе ги продолжи нападите врз руските рафинерии

Украина ќе ги продолжи нападите врз руските рафинерии, изјави украинскиот претседател Володимир Зеленски во интервју за весникот „Фајненшл тајмс“.

Зеленски: Украина ќе ги продолжи нападите врз руските рафинерии

– Забраната за напади врз рафинериите е укината. Завршивме со тоа, истакна Зеленски.

Претседателот на САД, Доналд Трамп на 11 октомври изјави дека е постигнато енергетско примирје меѓу Русија и Украина, кое ќе стапи во сила веднаш. Подоцна, Зеленски наведе дека Русија не го почитува примирјето и не ги почитува изјавите на американскиот претседател.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена облачност и температура до 20 степени

Сончево со мала до умерена облачност и температура до 20 степени

Сончево со мала до умерена облачност. Ќе дува умерен до засилен ветер од северозападен правец, кој долж Повардарието ќе надминува брзина од 60 km/h. Минималната температура ќе биде во интервал од 0 до 9, а максималната ќе достигне од 12 до 20 степени.

Во Скопје, сончево со мала до умерена облачност. Ќе дува умерен, во делови од котлината повремено засилен ветер од северен правец. Минималната температура ќе се спушти до 6, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од снег. Утре ќе дува засилен до силен ветер од северен правец, а од петок до крајот на периодов, ќе дува слаб до умерен северен ветер, кој ќе биде поизразен долж Повардарието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер