Дачиќ со протестна нота за Хрватска поради атмосфера на омраза кон Србија - Канал 5

Балкан

Дачиќ со протестна нота за Хрватска поради атмосфера на омраза кон Србија

Во Хрватска со години систематски се создава атмосфера на омраза кон Србија и српскиот народ, вели Дачиќ.

Дачиќ со протестна нота за Хрватска поради атмосфера на омраза кон Србија

Изјавата на хрватскиот шеф на дипломатија Гордан Грлиќ Радман дека „Вучиќ може да биде трабант и сателит на Русија, но нема да се дозволи влијание на Русите или други малигни влијанија кои би ја нарушиле стабилноста на Западен Балкан“ предизвика реакција кај државниот врв на Србија, по што министерот за надворешни работи на Србија Ивица Дачиќ денеска остро ја осуди „срамната изјава“ на Грлиќ Радман и најави протестна нота од Министерството за надворешни работи на Србија до Хрватска, јави дописникот на МИА од Белград.

- Во Хрватска со години систематски се создава атмосфера на омраза кон Србија и српскиот народ. Само еден таков пример е изјавата на хрватскиот министер за надворешни работи Грлиќ Радман, со која се напаѓа Србија и претседателот Александар Вучиќ. Никој нема право, а најмалку Хрватска, да дели лекции и брутално да се меша во внатрешните работи на Србија. Србија е земја која води суверена и независна надворешна политика, што е само во интерес на нејзините граѓани и на народот, изјави Дачиќ во соопштението на МНР.

Нагласувајќи дека „Србија и Вучиќ не се ничии пиони“, Дачиќ соопшти дека „хрватскиот министер не ги научил лекциите од историјата, па заборава, или би сакал да се заборави, дека Хрватска била најверниот пион на Австро-Унгарија и нацистичка Германија, со Независната држава Хрватска (НДХ), која се бореше дути и по самоубиството на Хитлер, до 15 мај, шест дена по капитулацијата на Германија“.

- Тие беа како трабанти, поголеми нацисти од нацистите. Ние сме слуги само на Србија и на нашите граѓани, напиша Дачиќ.

На изјавата реагираше и српскиот претседател Александар Вучиќ кој синоќа истакна дека „хрватскиот министер за надворешни работи не само што се меша во внатрешните работи на Србија, туку и го навредува српскиот народ и им се заканува на граѓаните на Србија“.

- Хрватскиот министер не само што брутално се меша во внатрешните работи на Србија, туку како и обично го лаже и навредува српскиот народ и им се заканува на граѓаните на Србија. За едно е во право Грлиќ-Радман, можеби сум нечиј трабант, можеби и вартбург, можеби дури и фиќо, но никогаш не сум бил ничиј потрчко и слуга, што не може да се каже за Грлиќ-Радман. Да не одам премногу далеку во минатото, ќе биде премногу болно, напиша Вучиќ на Инстаграм профилот на будуќностсрбијеав. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Зошто не треба да спиете голи во лето?

Кога температурите остануваат високи ноќе, спиењето без облека изгледа како најлесниот начин да се разладите.

Зошто не треба да спиете голи во лето?

Сепак, Џулиус Патрик, кој се бави со физиологија на спиењето, предупредува дека лесната облека може да биде подобар избор.

„Иако е примамливо да спиете без облека за да се разладите, ова може да го влоши вашиот сон. Кога спиете голи, потта останува на вашата кожа“, рече Патрик. Затоа препорачува лесна облека за спиење. „Ако носите лесна облека, таа ја апсорбира потта и затоа може поефикасно да ве разлади“, објасни тој.

Важно е да се запомни дека температурата на вашето тело природно паѓа во текот на ноќта, па она што се чувствува удобно на почетокот на спиењето подоцна може да стане премногу ладно.

Како полесно да заспиете кога е жешко

Еден од првите чекори е да спречите вашата спална соба да стане премногу жешка во текот на денот. Затоа е добра идеја да ги затворите завесите или да ги спуштите ролетните кога е најжешко надвор. Ако е постудено надвор отколку внатре ноќе, отворете ги прозорците и обидете се да создадете провев. Ова може да помогне да се олади просторијата пред да си легнете.

Не мора да се откажете ниту од целата постелнина. Патрик препорачува да имате при рака лесен памучен чаршаф, бидејќи може да ја апсорбира потта. Дебел јорган не е неопходен во топлите ноќи, но тенок чаршаф може да биде корисен.

И туширањето може да помогне

Патрик, исто така, препорачува брзо туширање пред спиење. Не мора да биде ладно - некои луѓе може да сметаат дека топол туш или када се поудобни. Тој вели дека топол туш може да помогне во намалувањето на телесната температура, што може да ви помогне полесно да заспиете и да останете заспани подолго.

Значи, ако ви е премногу топло во жешка ноќ, спиењето голи не е вашата единствена опција. Лесна облека, пространа памучна постелнина, ладна соба и туширање пред спиење можат да бидат едноставни начини да ви помогнат да се справите со топлината.

Фото: ВИ

Извор: Индекс.хр

Тагови: спиење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прекини на електричната енергија во четири азиски земји

Казахстан, Киргистан, Таџикистан и Узбекистан денес известија за прекини на електричната енергија, кои се случија „поради ненадејна промена во протокот на енергија“ од централноазиската мрежа, објави Министерството за енергетика на Казахстан.

Прекини на електричната енергија во четири азиски земји

Министерствата за енергија на сите четири земји, чии мрежи се меѓусебно поврзани, потврдија прекини на електричната енергија. Тие изјавија дека се работи на враќање на снабдувањето со електрична енергија.

Репортерите на Ројтерс во Алмати, најголемиот град во Казахстан, и Бишкек, главниот град на Киргистан, известија за прекини на електричната енергија. Локалните медиуми во Таџикистан известија за прекини во главниот град Душанбе и вториот по големина град Хуџанд.

Прекините на електричната енергија се чести во Централна Азија

Узбекистанските власти известија за прекини на електричната енергија во некои јужни делови од земјата, главно во близина на границата со Таџикистан.

Недостатокот на електрична енергија е честа појава во Централна Азија, каде што традиционалното потпирање на хидроенергија предизвикува проблеми бидејќи климатските промени ги прават хидроцентралите ранливи на недостиг на вода.

Фото: ВИ

Тагови: Азија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер