Дачија прва нуди хибрид на плин со дострел до 1450 километри - Канал 5

Автомобилизам

Дачија прва нуди хибрид на плин со дострел до 1450 километри

Dacia го објави отворањето на нарачките за новиот Bigster mild hybrid G-140.

Дачија прва нуди хибрид на плин со дострел до 1450 километри

Тоа е првото возило на пазарот кое комбинира хибриден погон со можност за работа на бензин и течен нафтен гас.

Новиот Bigster mild hybrid G-140 претставува единствена понуда на пазарот на SUV возила во C-сегментот и ги комбинира сите потребни карактеристики што клиентите ги очекуваат од Дачија како бренд со „најдобар сооднос вредност-цена“.

Револуционерен погонски склоп

Со овој модел, Dacia направи значаен чекор со воведување на погонски склоп кој комбинира технологија со двојно гориво со 48V mild hybrid систем. Хибридниот систем го поддржува 1,2-литарскиот турбополнет трицилиндричен мотор, без оглед на тоа дали работи на бензин или гас, за време на стартување и забрзување, што го подобрува задоволството и ефикасноста при возење.

Mild hybrid моторот G-140 може да работи на бензин или течен нафтен гас (LPG), при што секој тип на гориво има свој резервоар. Префрлувањето помеѓу горивата се врши едноставно со притискање на копче на контролната табла.

Еколошки и економски предности

Кога работи на бензин, Bigster mild hybrid G-140 испушта во просек 10 проценти помалку CO2 од еквивалентен нехибриден бензински мотор. Со два резервоари со вкупен капацитет од 100 литри (50 литри бензин и 50 литри гас), возилото може да помине до 1.450 километри.

Резервоарот за гориво се наоѓа под подот на багажникот и не влијае на употребливиот простор за товар. Намалувањето на емисиите на CO2 се одразува и во поповолното оданочување на возилата.

Цена и достапност

Bigster mild hybrid G-140 во Франција и остатокот од Европа, е достапен во „Essential“ опрема по иста цена како и стандардниот Bigster mild hybrid 140.

Тагови: Дачија хибриди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре многу топло време со температура до 38 степени, наместа ќе има пороен дожд

Времето утре ќе биде сончево и топло со мала до умерена локална облачност, информираат од УХМР.

И утре многу топло време со температура до 38 степени, наместа ќе има пороен дожд

МАКСИМАЛНА ТЕМПЕРАТУРА

23 Попова Шапка, 28 Крушево, 30 Маврови Анови, 31 Берово, Крива Паланка, 32 Прилеп, 34 Виница, Претор, 35 Струмица, Охрид, Битола, Штип, Тетово, 37 Скопје Петровец, Гевгелија, 38 Демир Капија, Кавадарци, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Во источните делови наместа беше нестабилно со пороен дожд, грмежи и засилен ветер. До крајот на денот ќе има услови за локална нестабиност проследена со пороен дожд, грмежи и засилен ветер.

ВРЕМЕТО УТРЕ

Сончево и топло со мала до умерена локална облачност. Наместа ќе биде нестабилно со пороен дожд, грмежи и засилен ветер. Ќе дува слаб до умерен ветер од југозападен правец. Минималната температура ќе биде во интервал од 14 до 22, а максималната ќе достигне од 30 до 38 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Минималната температура ќе се спушти до 19, а максималната ќе достигне до 38 степени.

ВРЕМЕТО ВО НАРЕДНИТЕ ДЕНОВИ

Од почетокот на новата работна седмица до почетокот на викендот ќе биде сончево и топло со мала до умерена облачност. Во попладневните часови ќе има услови за локална нестабилност која ќе биде поизразена во среда и четврток.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штип остана без вода, исклучена филтер станицата поради преголема заматеност

Жителите на штип останаа без вода поради прекин на преработката на сирова вода од хидросистемот „Злетовица“.

Штип остана без вода, исклучена филтер станицата поради преголема заматеност

Од јавното претпријатие „Исар“ информираат дека филтер-станицата во Штип ја прекинала преработката на сировата вода поради екстремно зголемена матност.

Како што посочуваат од претпријатието, причина за прекинот е синоќешното невреме, поради што дошло до влошување на состојбата со сировата вода.

„Елементарната непогода во пробиштипскиот реон е единствена причина за прекинот на водоснабдувањето што ќе се случи“, наведуваат од ЈП „Исар“.

Од претпријатието апелираат до граѓаните за разбирање до стабилизирање на водоснабдувањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Расте бројот на жртви во превртениот ферибот близина на Кипар- најмалку 20 патници се исчезнати (ВИДЕО)

Најмалку седум лица загинаа, а повеќе од 20 се водат како исчезнати откако ферибот се преврте покрај брегот на Кипар.

Расте бројот на жртви во превртениот ферибот близина на Кипар- најмалку 20 патници се исчезнати (ВИДЕО)

Фериботот, кој се движеше кон Турција од северниот град Киренија, превезуваше 259 патници и осум членови на екипажот.

Според турските власти во северен Кипар, спасувачите стигнале до 237 лица. Повеќе од 160 се спасени и извлечени на брегот или се транспортираат. Досега се пронајдени седум тела, додека судбината на 23 лица сè уште е непозната.

Идентитетите на жртвите засега не се објавени.

Властите исто така не го објавија точниот број на повредени лица. Тие рекоа дека сите повредени кои беа извлечени се префрлени или се префрлаат во болници.

Бројни спасувачи, нуркачки екипи и хеликоптер се на местото на настанот, летајќи над областа и помагајќи во евакуацијата на преживеаните.

Фериботот се превртел кратко по напуштање на пристаништето. Според преживеаните патници, кратко по напуштањето на пристаништето, забележале дека вода влегува во предниот дел на бродот, за што веднаш ги известиле властите.

Некои патници кои беа извлечени на брегот тврдат дека „екипажот не реагирал соодветно“ и дека капетанот не почнал веднаш да го свртува бродот и да се враќа во пристаништето. Откако водата веќе многу навлегла во фериботот, тој почнал да го свртува, кога бродот се превртел.

Тагови: кипар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер