Шоу биз

Д4вд ги откажа концертите во Северна Америка и Европа

Пејачот Д4вд (Дејвид Ентони Бурк), неофицијално, ја откажа својата европска турнеја, според „Тикетмастер“ (Ticketmaster).

Иако датумите на турнејата сè уште се наведени на неговата официјална интернет-страница, страната за продажба на влезници посочува дека сите настани во Европа се откажани.

Американскиот ар-ен-би и рок-пејач, исто така, минатата недела ги откажа и концертите во Северна Америка.

Тоа следи откако претходно овој месец беше пронајдено полураспаднато тело на малолетна тинејџерка во багажникот на запленетата „Тесла“ на Дејвид. Причината за смртта на 15-годишната Селест Ривас сè уште е непозната. Медицинските истражители од Округот Лос Анџелес сè уште работат на утврдувањето на начинот и причините за смртта.

Според наводите, на 17 септември била претресена куќа во населбата Холивуд Хилс во Лос Анџелес како дел од тековната истрага.

На 8 септември, полицијата на Лос Анџелес била повикана кај „Влечната служба на Холивуд“, откако некој пријавил дека се чувствува силен мирис од напуштено и запленето возило. Распарченото тело кое оттогаш е идентификувано како 15-годишната Ривас, а е пронајдено во пластична ќеса во предниот багажник на „Тесла“ од 2023 година, регистрирана во Хемпстед, Тексас, САД, на име на пејачот Дејвид.

Девојката висока околу 175 см, со брановидна црна коса и препознатлива тетоважа „Shhh“ (Шшш) на прстот. Д4вд, наводно, има иста таква тетоважа „Shhh“, како и тинејџерката.

Ривас е пријавена за исчезната во април 2024 година, а последен пат е видена кај езерото Елсинор, во Калифорнија, на околу 50 км југоисточно од Лос Анџелес. Мајката изјави за „Ти-ем-зи“ (TMZ) дека малолетното девојче имало дечко по име Дејвид. Поранешен наставник во Училиштето на Лејкленд Вилиџ, каде што Ривас учела, рече дека таа го запознала Дејвид на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

#PapaLeãoXIV recebeu na manhã deste sábado, 3 de outubro, o presidente de #Montenegro 🇲🇪 , Jakov Milatović. 👉🏼https://t.co/ISokOpjk0Q https://t.co/Vhf72pyLLk
— Vatican News (@vaticannews_pt) October 3, 2026

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Од полноќ нови цени на горивата!

Од полноќ во Македонија стапуваат во сила нови малопродажни цени на горивата, а според најавите, можно е нафтените деривати да поевтинат.

Одлуката за новите цени треба да ја донесе Регулаторната комисија за енергетика, која ќе утврди по кои цени од полноќ ќе се продаваат бензините, дизелот и останатите нафтени деривати.

Во моментов, на бензинските станици важат следните малопродажни цени:

Еуросупер БС-95 се продава за 100,00 денари за литар;

Еуросупер БС-98 чини 102,00 денари за литар;

Еуродизел БС (Д-Е V) се продава по цена од 100,00 денари за литар;

Маслото за горење ЕЛ-1 има цена од 111,50 денари за литар.

Очекувањата се дека со новата одлука може да дојде до намалување на цените, што би значело поевтино точење гориво за граѓаните.

Тагови: бензините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.