Д-р Петличковски: Зголемување на бројот на случаи со грип, задолжително носење маски - Канал 5

Здравје

Д-р Петличковски: Зголемување на бројот на случаи со грип, задолжително носење маски

Претседателот на Комисијата за заразни болести д-р Александар Петличковски денеска информираше дека на состанокот на Комисијата било дискутирано за епидемиолошката состојба во однос на големата кашлица и грипот.

Д-р Петличковски: Зголемување на бројот на случаи со грип, задолжително носење маски

„Денеска Комисијата за заразни болести имаше редовен состанок на кои беа дискутирани неколку точки поврзани со актуелната епидемиолошка состојба, беше дискутирано за состојбата со големата кашлица, останати сме на тие два случаи - еден импортиран, еден локален случај. Знаете, од деновите наназад се работи за една девојка родена 1994 година и едно шестмесечно дете. Двата случаи се невакцинирани, во добра состојба“, рече Петличковски.

Тој истакна дека се наоѓаме во период кога во регионот и во Европа се зачестуваат случаите на голема кашлица и посочи дека моментално стоиме на околу 83.9% покриеност со примовакциналната серија, односно со првите три дози кои се примаат во втори, четврти и шести месец по раѓање.

„Тоа не е бројка која ја посакуваме и затоа ги повикуваме родителите кои ја прескокнале вакцинацијата за голема кашлица да ги надополнат овие пропуштени дози, со тоа што на тој начин обезбедуваат најдобра заштита за малите деца на возраст до 2 години. Големата кашлица е најопасна болест за малите деца и вакцинацијата е со таа цел да се намалат ризиците кај нив“, изјави Петличковски.

По однос на состојбата со грип, Петличковски потенцираше дека моментално има зголемување на бројот на случаи споредено со минатата недела и споредено со просечниот број на случаи во минатите 13 години.

„Влезени сме во сезоната на инфлуенца и повторно треба да размислуваме за заштита на највулнерабилните групи, тоа се повозрасните луѓе над 65 годишна возраст, луѓето со хронични болести. Нив ги повикуваме доколку во минатиот период не завршиле со вакцинација сѐ уште има достапни вакцини во вакциналните пунктови да се заштитат со примање на вакцина против грип. Инаку, болничките капацитети се во форма и загрозување на општата здравствена состојба во моментот не постои. Грипот го надминува бројот на случаи и на ковид. Ковидот е некако во опаѓање, ми се чини дека некаде околу 7% позитивитет на тестовите за ковид во последнава недела имавме, што значи поактуелна состојба, поактуелно прашање за здравствениот систем ни е грипот“, рече Петличковски.

Во изјавата за медиуми, информираше дека сме во сезона на респираторни инфекции и се препорачува задолжително носење маски во здравствените установи, во домовите кои згрижуваат стари лица и од страна на персоналот и од страна на згрижените лица.

„Исто така, препорачуваме забрана на посетите во болниците и во домовите кои згрижуваат стари лица. Од останатите препораки до општата популација стои препораката за совесно делување за тогаш кога ќе се почувствуваат да користат маски, да избегнуваат останати гужви, затворен простор, бидејќи на тој начин може се заштитиме и да ги олесниме евентуално проблемите“, истакна Петличковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер