Македонија

Д-р Панче Дамески доктор по ветеринарна медицина: Се зголемува бројот на педигрирани кучиња, но и бројот на заболувања кај домашните миленици

-Се зголемува бројот на педигрирани кучиња, но и бројот на заболувања кај домашните миленици.

Во земјава се чуваат повеќе од 150 признати раси на кучиња. Чувањето на домашни миленици и посебно педигрирано куче повеќе не е мода или престиж, туку тоа се прави од љубов кон кучето, вели за МИА, универзитетскиот професор по ветеринарна медицина, д-р Панче Дамески, од неодамна декан на Ветеринарен факултет при УКЛО-Битола.

Според професор д-р Дамески кој освен ветеринар е и кинолошки судија, сопствениците на домашни миленици се доволно едуцирани, но никогаш не треба да заборават на здравјето на кучињата бидејќи се почесто заболуваат од кучешки грип, кучешка кашлица и туморозни/канцерогени заболувања.

Каква е сликата со расни, педигрирани кучиња во земјава?

-Во Македонија има голем број на расни кучиња, според мојата проценка во земјава се чуваат повеќе од 150 признати раси на кучиња кои се евидентираат во Кинолошки сојуз на Македонија. Кинолошкиот сојуз на Македонија како членка на светската Кинолошка федерација одржува национални и меѓународни изложби со висок квалитет. Кинологијата е развиена и зема се поголем замав и во таа смисла мило ми е што чувањето на домашни миленици и посебно педигрирано куче повеќе не е мода или престиж, туку тоа се прави од љубов кон кучето. Инаку, годишно во Македонија се регистрираат три до четири илјади кучиња што се со педигре. Животот е празен доколку се нема куче како постојан придружник. Кучето е благодет, тоа е подарок од Бога кој треба да го негуваме. Во светот не постои такво животно кое безрезервно, без никакви услови ќе ве сака бескрајно и бесконечно од првиот ден, до крајот на својот живот. Кучето не бара ништо од нас, тоа го бара само нашето внимание, нашата љубов кон него, а за возврат неговата љубов кон нас е безкрајна и безусловна. Кучињата се среќни кога живеат со своите сопственици и такви карактеристики нема ниту едно друго животно. Улогата на кучето е во текот на денот да не оддалечи од секојдневните проблеми, од стресни ситуации...и затоа треба да се грижиме за кучињата.

Кога се работи за здравјето на домашните миленици, дали периодот есен-зима за нив е посебно чувствителен? Кои здравствени проблеми најчесто се појавуваат?

-Слично како кај луѓето, така и кај домашните миленици, во секој период од годината кога се случуваат нагли промени на температурите на воздухот има влијание врз отпорноста по здравјето на домашните миленици. Стрес факторот кај домашните миленици ја намалува отпорноста и го прави организмот подложен на одредени инфекции кои не се манифестираат како болест, но со намалување на отпорноста, вирусните заболувања кај домашните миленици предизвикуваат проблеми. Затоа е добро сопствениците на домашни миленици во период кога има премин од лето во есен или есен во зима, да посветат внимание на здавјето кај домашните миленици. Препорачуваме поквалитетна исхрана и витамински додатоци и на тој начин ќе се спречи промените да влијаат врз нивното здравје.

Кога се појавуваат кучешката кашлица, кучешкиот грип и што влијае врз таа појава?

-Заразната кашлица кај кучињата е карактеристична вирусна болест која претежно се јавува во одгледувалишта на кучиња, додека поретко се јавува кај кучиња што се чуваат во домашни услови или во двор. Кучешката кашлица не е толку опасна болест, но ако не се лекува, и ако не се помогне со медикаменти и антибиотици, витаминска терапија или со подобрување на условите за чување, тогаш може да се предизвикаат поголеми последици дури и со фатален крај кај кучиња на рана возраст. Овие вирози најчесто ги има во есен и напролет, а поретко во лето или зима, затоа што организмот се адаптира, а имунитетот е на повисоки ниво. Болеста заразна кашлица не се пренесува на луѓе, таа е специфична само за кучињата и таа за нив е заразна и пренослива.

Кај кучињата зачестува болеста рак/канцер, на што се должи тоа?

-За жал туморозните заболувања или како што народот вообичаено вели рак, се многу чести кај домашните миленици. Оваа појава е честа причина за зголемена смртност или угинување кај домашните миленици. Кај постарата генерација кучиња, на девет или десет години, ова тумурозно заболување е причина за повеќе од 30 до 40 отсто угинување на домашните миленици кои страдаат од канцерозни заболувања. Причина за толку висок процент на заболување од тумор може да се новите услови за живот, изменет начин на исхрана на милениците или предиспозицијата на самите животни. Буквално, скоро секое второ животно има проблеми со туморозни заболувања. Но, добро е што сите не се малигни и не се сите фатални, меѓутоа дефинитивно се јавуваат кај голем дел од популацијата на домашни миленици. Кога болеста ќе се дијагностицира и потврди, лекувањето е комбинирано. Пристапот на лекување кон ова заболување во ветеринарната медицина е поинаков и не се оди само на хирургија. Оперативното лекување постепено се напушта и се применуваат други методи за помош на домашните миленици. Може да се примени хемотерапија која кај кучињата е многу ефикасна, може и имунотерапија за зголемување на отпорноста на имунитетот на кучињата, а може да се менуваат и подобрат навиките за исхрана која доколку е поквалитетна ќе придонесе да се намали процентот на посоченото заболување. Во одредени случаеви се применува хирургијата како дел од начинот на третирање на ова заболување. Во секој случај неопходен е мултидисциплинарен пристап кон овие заболувања. Во вакви ситуации за нас е важна и улогата на сопствениците на домашните миленици и затоа мора да ги едуцираме за да се придржуваат кон советите што им ги даваме, и во таа смисла имаме голем успех во лекувањето на малигните заболувања кај кучињата продолжувајќи го нивниот животен век и истиот да им биде квалитетен.

Дали се потребни редовни здравствени контроли?

-Препорачливо е еднаш или два пати годишно, сопственикот на домашен миленик да го посети матичниот ветеринар за преглед на животното. Тоа го правиме и при редовна вакцинација, тогаш вршиме испитување на крвта и виталните органи како што се срце, бели дробови, бубрези и црн дроб. Важно е секогаш да се знае здравствената состојба на кучињата и ако има потреба за интервенција, брзо ќе реагираме. Секој рутински преглед на животното е значаен. Патем познато е дека во Македонија согласно Закон има задолжителна вакцина за кучињата, а тоа е вакцината против болеста беснило. Тоа значи дека секој сопственик на миленик мора еднаш годишно да го вакцинира кучето против болеста беснило која всушност е зооноза, болест што може да се пренесе од куче на човек. Вакцинирањето кај кучињата е важно затоа што го штити и човекот од фатални завршници. Освен оваа, кај кучињата препорачливи се и неколку други вакцинации кои се ставаат од најрана возраст за нивна заштита.

Кои болести кај домашните миленици се преносливи кај луѓето?

-Освен беснилото, има и некои други болести што се заеднички на кучињата и човекот, како што на пример е паразитарната болест кучешка тенија. Единствена превентива за оваа болест е редовното прочистување на домашните миленици против внатрешни паразити, но и против надворешни паразити кои може да ги има на кожата. Ова третирање превентивно се врши на секои три месеци. Проблемот со кучешката тенија е многу поголем кај кучињата што живеат во село и тоа е голем проблем. Според моите истражувања и добиени податоци, околу 80 отсто од луѓето во Македонија кои биле оперирани од кучешка тенија, всушност тие дома немаат куче! Инфекцијата најчесто се добива поради недоволно измиен зеленчук (марула, млад кромид...) или оние земјоделски производи кои доаѓаат од селските средини, места каде што кучињата слободно се движат, но нивните паразити може слободно да се лепат врз земјоделските производи и ако се конзумираат недоволно измиени, тогаш предизвикуваат инфекција и болест.

Дали луѓето што имаат домашни миленици се доволно едуцирани? Како и на кој начин се здобиваат со знаења?

-Сопствениците на миленици се солидно едуцирани и се повеќе на правилен начин се грижат за своите миленици. Денеска полесно се доаѓа до информација, преку интернет се добиваат многу информации и мило ми е што таа култура за чување на домашни миленици е на исто ниво како што е во цела Европа. Секако дека има простор за подобрување, но на добар пат сме чувањето на миленици да биде без никакви опасности пред се за сопственикот и неговото семејство, и да може безгрижно да уживаат во заедничкиот живот долги години, односно колкав што е животот на еден миленик.

Вие, освен што помагате и едуцирате, како и каде пренесувате знаења?

-Јас сум избран професор на Ветеринарен факултет во Битола, од неодамна и декан. Во факултетот ги предавам предметите хирургија, општа хирургија, хирургија со анестезиологија, а дополнително како изборен предмет предавам кинологија. Посебно сум задоволен кога моите искуства и знаења ги пренесувам на студентите, а очекувам и нови генерации. Затоа апелирам до сите млади луѓе што имаат афинитет кон домашните животни и миленици, својата професија да ја насочат кон ветеринарната медицина затоа што токму во Битола има Ветеринарен факултет кој овозможува студирање во своето место. Едуцираме идни ветеринари, но и лица што ќе се посветат на кинологијата, а посакувам многумина како мене да станат кинолошки судии и да судат како што јас тоа го правев и правам во над 30 држави во светот, во Европа, Азија, Африка....

Тагови: куче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трансродна полицајка силувала малолетна ќерка на својата пријателка- во телефонот ѝ пронашле ужасна снимка со куче (ВИДЕО)

Во затворскиот систем обвинетиот се третира како маж, додека на суд се изјаснува и се јавува како жена.

Без разлика, обвинувањата против неа се многу сериозни, а обвинетата ги признала, пишува порталот t-online.de.

Пред провинцискиот суд во Траунштајн, поранешната полицајка призна дека силувала 15-годишно девојче. Признанието е дадено во вторник, на почетокот на судењето, зад затворени врати, соопшти портпаролот на судот.

Пред тоа обвинителството и одбраната постигнаа договор. Под услов обвинетата целосно да ја признае вината, се соочува со затворска казна од најмногу три и пол години. Целта на договорот е, меѓу другото, да се поштеди малолетната жртва од сведочење на суд.

Случајот привлече дополнително внимание бидејќи 55-годишната обвинета се појавува во судот како жена и во обвинението е наведена од женски пол, додека е во притвор во машкиот оддел во затворот во Минхен.

Trans-Polizistin wegen Vergewaltigung einer 14-Jährigen zu Haftstrafe verurteilt https://t.co/3pdmxAbIJy https://t.co/o3Ge3REVZM
— WELT (@welt) October 6, 2026

Таа била член на елитната полициска единица

Според германските медиуми, 55-годишната жена долго време живеела како маж и како таква била припадничка на елитната единица ГСГ 9. Подоцна почнала да живее како жена, користела женски идентитет и почнала со хормонска терапија. Двајца психолошки експерти наводно потврдиле дека таа се идентификува како жена.

Првите проблеми со законот станаа познати во 2024 година. При претресот кај неа беа пронајдени материјали со сексуална содржина во која се вклучени деца и животни. После тоа била суспендирана од полициската служба и парична казна.

Само неколку недели по пресудата, во јули 2025 година, се случи случајот за кој сега ѝ се суди. Жртвата е ќерка на нејзина пријателка.

Пронајдени се стотици спорни датотеки

Таа беше обвинета и за поседување на неколку стотици досиеја со сексуална содржина во која се вклучени деца. Според обвинението, меѓу жртвите имало и многу мали деца.

Покрај тоа, таа се товари и за телесни повреди, дистрибуција на порнографски содржини и производство на порнографски материјали во кои се вклучени животни. Инспекторите наведуваат и дека таа снимила видеа на кои се појавува со повеќе сексуални партнери и куче.

Според германскиот портал Chiemgau24, во моментот на злосторството, обвинетата се уште имала машки полови карактеристики. Судот во Траунштајн не сакаше да објави детали за нејзиниот моментален статус во процесот на транзиција, наведувајќи ја приватноста и заштитата на личните податоци.

Адвокатот тврди дека ѝ е тешко во машкиот дел од затворот

Според нејзиниот адвокат, обвинетата тешко го поднесува фактот што е во притвор со мажи. Тој за Билд изјави дека, меѓу другото, била фрлена врз неа за време на нејзиниот престој на отворено и дека телесни прегледи вршеле мажи полицајци.

Судењето продолжува, а пресудата доколку се прифати постигнатиот договор би можела да биде изречена на 6 октомври.

Еден од условите за примена на договорениот казнен опсег, покрај признанието на поранешната полицајка, е и договор меѓу сторителот и жртвата. На малолетното девојче треба да и се обезбеди мотор и 5.000 евра, додека обвинетата треба целосно да ја плати казната изречена во јули 2025 година.

Тагови: ќерка полицајка

Живот

Снимка од апсење во трговски центар е хит- крадецот ползи низ таванот, полицијата го чека со душек (ВИДЕО)

Полициска операција во трговски центар во Ванкувер заврши со лоцирање и апсење на осомничениот сторител, а сè беше снимено со камера.

Она што никој не го очекуваше беше дека мажот ќе се обиде да се скрие во таванската конструкција за да ги избегне чуварите, објавува Дејли Меил.

Полицијата ги евакуира клиентите

Габриел Хидео беше уапсен на 30 септември откако полицијата го пронајде како ползи низ таванската конструкција и крши гипс-картон во продавницата „Мејсис“.

„Нашиот центар беше контактиран околу 16 часот“, рече Ким Кап од локалната полициска станица.

Според неа, вработените пријавиле дека некој е во таванот на продавницата и дека неколку гипс-картонски плочи се скршени во близина на одделот за мебел за домот.

Видеото го прикажува моментот кога полицијата поставила скали на отворот на таванот, додека пожарникарите претходно поставиле душек за да го ублажат евентуалниот пад.

За безбедноста на клиентите, вториот кат од зградата бил евакуиран.

„Станал и се обидел да избега“

Според властите, Хидео ползел низ просторот над таванот повеќе од еден час додека полицајците го молеле да слезе долу. Сепак, тој упорно продолжил да се движи низ структурата, кршејќи нови панели и оштетувајќи осветлување и кабли.

Кога конечно се приближил до скалите, ситуацијата станала уште подраматична.

На видеото се гледа како Хидео се обидува да избегне апсење со тоа што се качува назад во таванскиот простор. Потоа полицајците ги отстраниле скалите, по што тој ја изгубил контролата и паднал на душек.

„Станал и се обиде да избега. Не заврши добро“, соопшти полицијата.

Неколку полицајци веднаш го турнале на подот. Хидео се спротивставил, но тие го совладале и му ставиле лисици. Потоа бил врзан за носилка и приведен.

View this post on Instagram

A post shared by Vancouver Police Department (@vancouverpoliceusa)

Хидео бил однесен во затворот во округот Кларк на 1 октомври. Тој бил обвинет за оштетување на имот и кражба, а кауцијата му била одредена на 15.000 долари за секое обвинение.

Тагови: полицијата таван

Свет

Иран мобилизира жени во војска- учат да користат калашников, РПГ и снајпер (ВИДЕО)

Иран обучува жени за оружје и борба за да се подготват за евентуална офанзива на САД.

Снимките и фотографиите објавени од иранските медиуми покажуваат жени, некои во униформа, како учат да ракуваат со автоматски пушки во центри за обука на отворено во Техеран, објавува британски „Телеграф“.

Организаторите велат дека курсевите опфаќаат урбана одбрана, запознавање со различни оружја, од „Калашникови“ до „Драгунов“ снајперски пушки, како и лансери RPG и преносни системи за воздушна одбрана. Програмата вклучува и обука за спасување, гаснење пожар и ориентација, специјално прилагодена за жени.

Акцијата е дел од движењето „Џан-фада“, што на персиски значи „оние кои ги жртвуваат своите животи“, масовна мобилизација започната оваа година откако САД и Израел почнаа да го бомбардираат Иран.

Портпаролот на кампањата, Сасан Зарех, рече дека воената обука започнала под покровителство на милицијата Басиџ, а повеќе од 500.000 луѓе се пријавиле за само 100 минути по отворањето на регистрацијата за батаљоните „национален отпор“. Со ова, рече тој, се пополниле првите 1.000 единици.

Властите потоа одобрија формирање на уште 1.000 единици. Зарех додаде дека се планирани и 10.000 единици за помош и спасување во соседството, во координација со Црвената полумесечина. Жените, рече тој, се меѓу најголемиот број волонтери.

Првиот центар за обука е отворен на плоштадот Имам Хосеин во Техеран, а најмалку 14 локации се планирани во главниот град, со дополнителни центри во покраинските градови. Обуката ја спроведуваат Басиџ, Иранската револуционерна гарда и редовната војска.

Here is Iranian women receiving basic military training This is a volunteer-based program by a supposedly anti-woman government https://t.co/j2Hg6VAgmH
— The Gulag (@WelcomeTheGulag) September 29, 2026

🇮🇷 Iran is now teaching women in Tehran how to handle a rifle, just in case the next round with the U.S. and Israel lands on their doorstep. The civilian program opened at 3 centers in the capital, giving volunteers basic military training so they can defend their families and neighborhoods if the bombs come back. Peace talks probably aren't going as well as advertised. Writer: Julie https://t.co/DTlPPhu2tL
— Mario Nawfal (@MarioNawfal) October 5, 2026

Зарех, исто така, тврдеше дека странци, вклучително и некои американски граѓани, понудиле да се борат заедно со Иранците. Во еден случај, рече тој, дури и 80-годишна жена се пријавила во центар во Техеран.

Иранските власти ја претставуваат кампањата како оживување на идејата за „армија од 20 милиони“, за која ајатолахот Рухолах Хомеини повика по ирачката инвазија на Иран во 1980 година. Жените одиграа значајна улога во обезбедувањето поддршка за време на осумгодишната војна.

Мобилизацијата доаѓа во време на нови предупредувања од иранските воени претставници.

Генералот Али Абдолахи, началник на Генералштабот на иранските вооружени сили, изјави дека доколку избувне нова војна против Иран, „неговиот оган ќе покрие сè и американските позиции ќе бидат цел без ограничување“, како што рече тој, беше случај за време на неодамнешните конфликти.

Генерал-мајор Амир Хатами, командант на иранската армија, изјави дека војната „не е завршена“ и дека Иран ќе одговори на секој нов напад со „разорен“ одговор. Тој инсистираше дека Иран излегол како победник од неодамнешниот конфликт.

Сепак, додека Техеран се подготвува за можен нов конфликт, иранската дипломатија се обидува да ги продолжи преговорите.

Министерот за надворешни работи, Абас Аракчи, им рече на странските дипломати во Техеран во неделата дека „нема воено решение за овој конфликт“.

Тој предупреди дека нов напад би предизвикал одговор „посилен од претходно“, но додаде дека само преговори „засновани на правда и фер игра“ би можеле да го завршат конфликтот.

Тој повтори дека Иран може целосно да го отвори Ормутскиот теснец во рок од седум дена ако бидат исполнети неговите услови и бидат укинати „непријателските мерки“.

Главниот преговарач на Иран, Мохамед Багер Галибаф, изјави дека Вашингтон неодамна испратил предлози преку посредници, но дека Иран нема да прифати еднострани барања.

Ормутскиот теснец, рече тој, ќе остане затворен додека не се исполнат седум ирански услови поврзани со договорот од Исламабад.

Во меѓувреме, иранскиот министер за нафта Мохсен Пакнеџд поднесе оставка во понеделник, без непосредно објаснување. Оставката доаѓа во време на зголемен економски притисок врз Техеран, бидејќи Вашингтон ги заострува санкциите и го ограничува извозот на иранска нафта.

Тагови: војска Иран