Здравје

Д-р Бољевиќ за новата вакцина за рак: Од септември почнуваме со лечење на болните!

Од септември во Русија почнуваат клиничките испитувања за два типа вакцини кои ќе се применуваат кај пациенти болни од рак.

Едната вакцина е ентеромикс вакцината, а втората mRNK вакцината која се работи под раководство на академик Александар Гинзбург. Оваа mRNK вакцина ќе биде персонализирана (изработена за секој пациент посебно) и очекувањата се дека ќе биде многу ефикасна затоа што досегашните клинички испитувања врз животни покажуваат 100-процентен резултат кај меланомот, односно ракот на кожа.

МИА стапи во контакт со професорот Сергеј Бољевиќ, шеф на Катедрата за патологија на Универзитетот Сеченов во Москва, кој е дел од тимот кој работи на mRNK вакцината. Тој во интервју за МИА појаснува дека персонализираната вакцина ќе се изработува за 7 до 10 дена, а лечењето би траело околу пет месеци. За почеток, вакцината ќе се применува кај пациенти со меланом и одредени видови рак на бели дробови.

- За секој пациент се прави посебна вакцина. Се зема материјал од туморот и дел од здравото ткиво и со помош на вештачка интелигеција во рок од 7 до 10 дена веќе имаме вакцина и може да почне лечењето. Лечењето трае од пет до шест месеци и секојдневно се следи ситуцијата. Секоја недела дена се земаат примероци кои покажуваат како туморот заминува од организмот, односно како се намалува и како во крвта се намалуваат келиите на тумор и.т.н. Се надеваме на голема ефикасност на оваа вакцина и дека ова ќе биде голема револуција во лечењето на ракот, нагласува Бољевиќ за МИА.

Клиничките испитувања, кои професорот Бољевиќ повеќе преферира да ги нарече лечење, треба да започнат од септември и веќе се подготвени две групи од по 30 пациенти од Русија.

- Не може да правиме испитувања на пациенти од рак. Што се однесува до mRNK вакцината, таа е многу перспективна. Се надеваме дека ќе биде многу ефективна затоа што досегашните клинички испитувања покажаа практично 100-процентен резултат кај глувци кога станува збор за меланомот. За почеток најверојатно ќе се применува кај пациенти до меланом и одредени видови рак на бели дробови. Тоа е особено важно затоа што сакаме да ги покажеме првите резултати дека можеме да го излечиме пациентот во четвртиот стадиум од болеста и со метастази, вели Бољевиќ.

Во моментот се работи и на тоа во лекувањето да бидат вклучени и странски државјани но, како што вели Бољевиќ, сега сето тоа е во фаза на подготовка. Се прават списоци на пациенти кои одговараат на одредени критериуми што треба да ги исполнат.

- Не може да ги земеме сите видови на тумор, можеме само овие два типа и евентуално рак на бубрези, панкреас, дојка, дебело црево..., Имунолошкиот систем треба да е доста сочуван затоа што ако имунолошкиот систем е веќе уништен, тогаш на тој пациент тешко можеме да му помогнеме затоа што оваа методолија е заснована на стимулирање на имунолошкиот систем. Ако туморот се излечи, тогаш тој тип на тумор тешко дека ќе се повтори, појаснува Бољевиќ.

Вакцината засега ќе се применува само во Русија, но Бољевиќ не ја исклучува можноста во иднина таа да стане достапна за секој граѓанин. - Да ја завршиме првата фаза и да докажеме дека ова навистина функционира. Тогаш може да преминеме кон експорт технологијата за било која земја во светот, вели Бољевиќ.

Бидејќи се работи за персонализирано лечење односно вакцина изработена со високи технологии и посебно за секој пациент, таа ќе се плаќа, освен за руските граѓани кои ќе имаат поволности.

Втората вакцина на која исто така се работи во Русија е ентеромикс вакцината базирана на ентеровируси, а за клиничките испитувања за оваа вакцина веќе се избрани 48 пациенти. Оваа вакцина се работи под ракводство на академик Андреј Каприн. Досегашните испитувања покажале дека токсичниот ефект е „многу незначителен“. Лекот се нарекува „вакцина“ поради методот на неговото создавање односно од ослабени туморски клетки, слични на ослабените микроорганизми во превентивни вакцини.

Интервјуто го пренесуваме во целост:

Професоре, вие сте дел од тимот научници кои работат на изнаоѓање на вакцина против рак. Може ли за македонската јавност да појасните за каков тип на вакцина се работи затоа што прочитав дека руските научници работат на два типа на вакцина?

- Да. Сега моментално се работи на две врсти на вакцина. Тоа е ентеромикс вакцината, таа се работи на Институтот Герц под раководство на академик Каприна. Тоа не е персонализирана вакцина, тоа е ентеролитичка вакцина на база на ентеровируси. Другата вакцина на која работи тим во којшто сум и јас, е mRNK вакцината под раководство на академик Гинзбург. За овие две вакцини клиничките испитувања ќе почнат во септември, но тоа се повеќе лечења отколку испитувања.

Што се однесува до mRNK вакцината, таа е многу перспективна и ние за неа се надеваме дека ќе биде многу ефективна затоа што испитувањата покажаа практично 100-процентен резултат кај глувците кај меланомот. За почеток, најверојатно ќе се применува кај пациентите со рак на кожа и одредени видови рак на бели дробови. Тоа е многу важно затоа што сакаме да ги покажеме првите резултати дека можеме да го излечиме пациентот во четврти стадуим со метастази.

Се зема материјал од пациентот. За секој пациент се прави специјална вакцина. Се зема материјал од туморот и материјал од здравото ткриво. Во рок од еден до два часа со помош на вепташката интелигенција ги изработува сите тие милионски можности што може да бидат мутација. Ова да го работи човек би траело од пола до една година, но тоа го работи вештачката интелигенција многу брзо и во рок од седум до десет дена вакцината е изработена и може да почне лечењето. Лечњето трае пет-шест месеци и се следи ситуацијата. Отрплика на сеоја недела се земаат примероци кои покажуваат како туморот заминува од организмот, однсно како се намалува и како се намалува во крвта количината на туморните клетки. Така што се надеваме на голема ефикасност на вакцината и дека тоа ќе биде револуција во лечењето на ракот.

Споменавте дека клиничките испитувања ќе почнат од септември. Има ли пријавено пациенти за лекување?

- Што се однесува до Русија веќе се подготвени две групи по 30 пациенти во институтот Герцен и во Онколошкиот центар Блокина. Тоа се два центри кои имаат дозвола за да се применува mRNK вакцината. Што се однесува до странските државјани, може да се организира и на тоа сега работиме да доаѓаат пациенти на лечење. Сега тоа се организира за да имаат достоен третман за да добијат лекување и секако да се излечат. Се е тоа можно, сега тоа е во фаза на подготовки, се прават списоци на пациенти кои одговараат на одредени критериуми. Не може да ги земеме сите, туку само овие два типа на тумор плус најверојатно рак на бубрези, панкреас, дојка и дебело црево во некои варијанти, но овие пациенти мора да имаат во крвта одредени супстанци на кои ние ќе може да се потпреме за да можат тие да прават заштита на организмот. Знаете, ракот во организмот е прикриен, тој е како чадор прикриен и ако сме давале терапија таа не можела да дојде до ракот, а сега ние со нашите методи го тргаме тој чадор и организмот почнува сам да се бори и да стимулира имунитетот и организмот да се бори против келиите на рак. Затоа мора да постојат предуслови за да дојдеме до резултатот што го посакуваме.

Дали тоа значи дека имунолошкиот систем на пациентите треба да е добар?

- Секако, имунолошкиот систем треба да се сочуван бидејќи ако тој имунолошки систем веќе е уништен со разни методи тогаш тешко на тој пациент може да му помогнеме затоа што нашата методолигија е заснована на симулирање на имунолошкиот систем и ако туморот се излечи, тогаш тој тумор тешко дека ќе се повтори.

Кога може да очекуваме вакцината да биде достапна за сите пациенти?

- Оваа методологија засега ќе се применува во Москва. Да ја завршиме првата етапа и да покажеме дека ова навистина функционира за што ние 100 проценти сме убедени и дури тогаш ќе преминеме на експорт технологијата во било која земја во светот.

Дали оваа вакцина ќе биде бесплатна за пациентите?

- Што се однесува до руските граѓани, таа ќе биде бесплатна, но за странци ќе мора да се наплаќа. Тоа не е евтино лечење, имајќи предвид дека е персонализирано, за секој пациент посебно и дека се применуваат скапи технологии./МИА.

Тагови: вакцина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Колекционерско издание на „GTA 6“: За 400 долари добивате сè освен самата игра

Ако се суди според огромната возбуда околу „Grand Theft Auto VI“, брзо се приближуваме кон еден од најголемите настани во светот на видеоигрите во последните неколку години.

Новата „GTA“ ветува враќање на сè што ги направи автомобилите клучен дел од серијалот – од брзи потери и трки до уште подетални опции за прилагодување на возилата. Сето ова доаѓа со препознатливата мешавина од криминал, хаос и судири со законот, по кои станаа познати „Rockstar Games“.

Сепак, иако очекувањата се огромни, најновата одлука на „Rockstar“ може да разочара дел од фановите.

Компанијата претстави колекционерско издание насловено „The Goodtime State - Vice City Collection“, со висока цена од 399,99 долари. Проблемот е што во пакетот недостасува најважниот елемент: самата игра.

Што добивате?

„Rockstar“ ја претставува колекцијата како луксузен пакет со предмети за колекционери, инспириран од светот на „Vice City“. Таа содржи разновидни предмети, вклучувајќи очила за сонце „Oakley“, налепници, значки и мапа на Леонида – измислениот регион во кој се одвива дејството на „GTA VI“.

Купувачите добиваат и бејзбол капа, фигура на маскотата на „Vice City“, чашка за жесток пијалак, торба за носење преку тело, приврзок за клучеви, стапче за мешање коктели и магнетно огледало.

Иако колекцијата е очигледно наменета за сериозни колекционери, во кутијата нема да го најдете најважниот предмет: „GTA VI“.

За самата игра, ќе треба да издвоите дополнителни 79,99 долари за стандардното издание или 99 долари за „Ultimate“ верзијата. Тоа значи дека купувачот што го сака целиот пакет ќе мора да плати речиси 480 или 500 долари, во зависност од изданието на играта.

„GTA VI“ без физички диск

Колекционерскиот сет пристигнува во време кога „Rockstar“ веќе предизвика реакции со одлуката „GTA VI“ да биде првиот голем AAA наслов на компанијата без традиционално издание на физички диск.

Играта ќе биде достапна дигитално преку продавниците на „PlayStation“ и „Xbox“, додека физичките примероци во продавниците ќе содржат само код за преземање. Оваа одлука предизвика негативни реакции во дел од гејмерската заедница. Извршниот директор на „Take-Two Interactive“, Штраус Зелник, го бранеше овој пристап, тврдејќи дека физичките дискови веќе немаат голема смисла за потрошувачите.

Ситуацијата е особено интересна за колекционерите. Тие сега можат да потрошат речиси 400 долари за кутија полна со предмети поврзани со играта, а сепак да не ја добијат самата игра во таа кутија.

„Rockstar“ има направено нешто слично и претходно

Сепак, ова не е првпат „Rockstar“ да продава колекционерска кутија без самата игра. Компанијата направи сличен потег во 2018 година со „Red Dead Redemption 2“, изданието „Collector's Box“ објавено тогаш, исто така, не содржеше примерок од играта.

Разликата, сепак, беше во цената. Таа колекционерска кутија чинеше 99 долари – помалку од една четвртина од цената на новата „Vice City Collection“. Денес, оригиналните колекционерски кутии за „Red Dead Redemption 2“ можат да се најдат на „eBay“ по цени што надминуваат 700 долари, што покажува дека вредноста на ваквите производи може да порасне кај колекционерите со текот на времето.

Сепак, останува фактот дека фановите на „GTA VI“, кои ги сакаат и колекционерските предмети и самата игра, ќе мора да ги купат одделно.

Со цена од речиси 400 долари само за колекционерските предмети, „Rockstar“ очигледно цели кон најпосветените фанови на серијалот и кон колекционерите кои се подготвени да платат висока цена за предмети поврзани со еден од најочекуваните наслови во историјата на видеоигрите.

Извор: Б92

Тагови: GTA 6

Живот

„Многу те сакам“: Лука Модриќ им ги разнежни срцата на фановите со нова објава

Лука Модриќ преку социјалните мрежи ѝ го честиташе деветтиот роденден на својата најмлада ќерка, Софија.

По тој повод, хрватскиот фудбалер сподели неколку фотографии на кои се заедно, придружени со кратка и емотивна порака.

На една од фотографиите, таткото и ќерката се насмеани додека позираат заедно, додека другите прикажуваат опуштени моменти од семејниот живот. На пример, на една фотографија се гледа како Софија седи на рамениците на татко ѝ, а на друга Модриќ ѝ помага да си ја исуши косата.

„Среќен роденден на мојата прекрасна и многу посебна мала принцеза! Многу те сакам!“, напиша Модриќ.

Најмладото од трите деца

Софија е најмладото дете на Лука и неговата сопруга, Вања Модриќ. Покрај неа, тие имаат син, Иван, и ќерка, Ема. Лука и Вања стапија во брак во 2010 година, а една година подоцна ја прославија и црковната венчавка во Загреб.

Модриќ честопати преку социјалните мрежи ги одбележува важните моменти од животот на своите деца, особено нивните родендени. Неговото семејство често го придружува на фудбалски настани. Сопругата и децата честопати го бодреле од трибините за време на клучни натпревари и му се придружувале во прославите по големите победи.

Извор: Индекс.хр

Тагови: Лука Модриќ

Свет

Нов потег на Путин: Русите вежбаат со Кинезите, пристигна нуклеарно предупредување

Рускиот претседател Владимир Путин вчера присуствуваше на воена вежба на планините Урал, во која учествуваа војници од Кина и од неколку други земји.

Путин го посети воениот полигон во регионот Чељабинск за да ја следи завршната фаза од вежбата „Центар-2026“. Вежбата се одржа во склоп на вежбата „Интеракција-2026“, спроведена од членките на Организацијата на Договорот за колективна безбедност – безбедносен сојуз предводен од Москва, составен од неколку поранешни советски републики.

Путин изјави дека 47.000 војници учествуваат во вежбата „Центар-2026“, вежбајќи одбивање напади на 11 полигони и во Каспиското Море. Вежбата започна во понеделникот, а завршува денес.

Путин предупреди дека нема да се двоуми да употреби нуклеарно оружје за одбрана на Калининград.

„Околу 6.000 војници од Русија и од други земји учествуваа во завршната фаза на полигонот Чебаркул“, рече Путин.

Тој додаде дека делегации од 55 земји учествувале како набљудувачи.

Според извештаите на руските медиуми, во вежбата учествуваат воени единици од Белорусија, Киргистан и Таџикистан, заедно со војници од Кина, Монголија и Пакистан. За време на посетата, Путин изврши увид во различни видови вооружување, вклучително и новите беспилотни летала „Геран“ на млазен погон, кои руската војска ги користи во нападите врз Украина.

Посетата на Путин уследи еден ден откако Русија го предупреди НАТО дека нема да се двоуми да употреби нуклеарно оружје за одбрана на Калининград, доколку некоја членка на воениот сојуз се обиде да ја отсече таа руска ексклава на западот на земјата од остатокот на Русија.