ЦУК: Во текот на изминатото деноноќие, се регистрирани 33 пожари на отворен простор - Канал 5

Македонија

ЦУК: Во текот на изминатото деноноќие, се регистрирани 33 пожари на отворен простор

Во текот на изминатото деноноќие, се регистрирани вкупно 33 пожари на отворен простор. Како што информираат од ЦУК 12 се активни, пет се ставени под контрола, 16 се целосно изгаснати.

ЦУК: Во текот на изминатото деноноќие, се регистрирани 33 пожари на отворен простор

Активни pожари има во Општина Василево, Радовиш и Берово – с. Нивичино, на планината Голем Готен и Малешевските Планини (нискостеблеста шума, смрека, грмушки и ниска вегетација), Општина Прилеп 1 – село Бешиште, место викано Бешишки Рид, со проширување кон с. Градешница (опш. Новаци) и кон границата со Р. Грција (мешана шума), Општина Прилеп 2 – активен крак кон с. Дрен и проширување кон с. Галиште (опш. Кавадарци); делот помеѓу с. Царевиќ и с. Смолани е под контрола (мешана шума и ниска вегетација); Општина Македонски Брод – помеѓу селата Црешево, Локвица и Крапа (деградирана дабова шума, грмушки и ниска вегетација).

Понатаму активни се пожарите и во Општина Желино – помеѓу селата Церово и Групчин (нискостеблеста и деградирана шума); Општина Петровец – с. Средно Коњаре кај р. Пчиња (мешана шума); Општина Зелениково – с. Гумалево (ниска и мешана вегетација); Општина Крива Паланка – с. Нерав (висока борова шума); Општина Старо Нагоричане и Куманово – с. Облавце, с. Бељаковце, с. Довезенце и с. Јачинце (ниска вегетација);10. Општина Старо Нагоричане – с. Руѓинце (ниска вегетација);Општина Василево 1 – с. Сушево (грмушки и ниска вегетација);Општина Василево 2 – с. Добрашинци (грмушки и ниска вегетација).

Пожари кои се ставени под контрола се во Општина Македонски Брод 1 – с. Грешница (мешана шума и сува трева); Општина Македонски Брод 2 – с. Латово (ниска вегетација и деградирана шума); Општина Струмица – с. Баница и населба Софилари (висока трева); Општина Карбинци – с. Јунузлија (шума); Општина Штип – помеѓу селата Драгоево и Селце (нискостеблеста шума, прнар и сува трева).

Изгаснати се пожарите во Општина Сарај 1 – с. Семениште (стрниште и гранки); Општина Сарај 2 – с. Паничари (сува трева); Општина Гази Баба – с. Трубарево (стрниште, грмушки и сува трева); Општина Шуто Оризари – ул. Брсјачка Буна (дива депонија); Општина Кривогаштани – кај депонијата во Кривогаштани (сува трева и грмушки); Општина Струмица – м.в. Три Води (ниска вегетација и мешана шума);7. Општина Василево – с. Василево (ниска вегетација); Општина Струга 1 – с. Калишта (ниска вегетација и ѓубриште); Општина Струга 2 – с. Октиси (депонија);Општина Штип – м.в. 9-ти км (сува трева); Општина Карбинци – с. Радање (стрниште, сува трева и штала); Општина Куманово 1 – населба Бедиње (ниска вегетација);13. Општина Куманово 2 – с. Табановце (сува трева); Општина Куманово 3 – ул. Никола Тесла (сува трева), Општина Куманово 4 – с. Тромеѓа (сува трева) и Општина Теарце – с. Непроштено (сува трева).

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

Црногорскиот претседател донесе тениски рекет во Ватикан, Папата: Ѓоковиќ е Србин

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер