ВМРО-ДПМНЕ преку своите сателити како ЗНАМ и луѓе кои заради лични интереси ја напуштија партијата повторно се обидува да прави поделби. Истите кои го делеа СДСМ се обидуваат повторно да одработат за ВМРО-ДПМНЕ и со тоа се надеваат дека Мицкоски ќе им даде некое кандидатско место за локалните избори.

Откако Максим Димитриевски и ЗНАМ се фатени во сериозен криминал, сега се обидуваат со лаги за Филипче да печалат некакви поени. Граѓаните и членовите на СДСМ знаат која е нивната улога во политиката како измеќари на ВМРО-ДПМНЕ, со една цел да ја напаѓаат СДСМ, се наведува во партиското соопштение.

Министерката за финансии Гордана Димитриеска-Кочоска престојува во работна посета на Брисел, каде што ќе учествува на редовниот годишен Економски и финансиски дијалог помеѓу ЕУ и регионалните партнери, земјите од Западен Балкан, Турција, Грузија, Молдавија и Украина.

Фокусот на годинашниот, 11-ти по ред, Економски и финансиски дијалог, којшто претставува годишен дијалог за економска политика, е конкурентноста на Европа во контекст на сегашните геополитички случувања и потребата од поедноставување на правната рамка со цел намалување на административниот товар врз компаниите. Во тој контекст, министерката ќе се осврне на реформите што ги презема македонската Влада на полето на подобрување на конкурентноста на економијата со крајна цел забрзување на економскиот раст.

На годинашниот Економски и финансиски дијалог во Брисел учествуваат претставници на земјите членки на ЕУ, претставници на Европската комисија, Европската централна банка, Европска инвестициска банка, како и министрите за финансии и гувернерите на централните банки од земјите на Западен Балкан, Турција, Грузија, Молдавија и Украина. На состанокот ќе бидат усвоени заеднички заклучоци кои во наредниот период ќе бидат основа за креирање политики и спроведување реформи на патот на Македонија за целосна евроинтеграција, соопштуваат ос МФ.

Министерот во својот говор се осврна на Владината суперапликација, која како што рече, треба да биде клучен проект кој ќе ги донесе услугите до граѓанитe.

“Едно од највозбудливите нешта што ги градиме е Super App - нашата национална мобилна апликација за дигитален идентитет и услуги. Сакаме да ја завршиме и лансираме до крајот на оваа година”. изјави министерот.

Тој во продолжение од својот говор објасни дека ваквата апликација е иснпирирана од украинската апликација ДИА, која целосно го променила начинот на комуникација помеѓу граѓаните и институциите во Украина.

“Нашата верзија ќе започне со она што им е најпотребно на луѓето - дигитална лична карта, возачка дозвола и пристап до клучни услуги. Идејата е едноставна: Ако веќе имате паметен телефон во рака, зошто да не ја имате и вашата Влада таму?” - додаде Андоновски.

“Не брзаме. Тестираме, подобруваме, ги слушаме корисниците и ја поставуваме правната основа правилно - бидејќи ако не функционира лесно и безбедно од првиот ден, луѓето нема да се вратат. Но, визијата е јасна: да им го вратиме времето, енергијата и довербата на луѓето. Но, исто така, да изградиме нешто ново тука - во Македонија.” заклучи министерот, се наведува во соопштението.