Здравје

Црвена или зелена зелка? Еве која е поздрава

– едната прави чуда и помага при воспалителни процеси во телото!

Многумина не можам да замислат оброк без зелка салата, или пак имаат омилено конкретно јадење со овој зеленчук, но треба да знаете дека постојат значајни разлики помеѓу овие два вида на зелка.

Со секаков вид на месо, зелката е прилог број еден. Постојат два вида зелка - зелена и црвена. Дали некогаш сте се запрашале која е поздрава?

Подолу ќе ги дознаете придобивките од зелената и црвената зелка.

Го одржува воспалението под контрола

Воспалението не е секогаш лоша работа.

Всушност, вашето тело го користи инфламаторниот одговор за да се заштити од инфекција или да го забрза процесот на заздравување. Овој тип на акутно воспаление е нормален одговор при повреда или инфекција. Зелката, генерално, содржи различни антиоксиданси за кои е докажано дека го намалуваат хроничното воспаление.

Витамин Ц

Витаминот Ц, познат и како аскорбинска киселина, е витамин растворлив во вода кој има многу важни улоги во телото. Доказите сугерираат дека исхраната богата со витамин Ц е поврзана со помал ризик од одредени видови на рак.

Иако се потребни повеќе истражувања за да се утврди ефектот на овој витамин врз превенцијата од рак, сигурно е дека витаминот Ц игра клучна улога во многу важни функции во телото.

Додека зелената и црвената зелка се одлични извори на овој моќен антиоксиданс, црвената зелка содржи значително повеќе. Имено, една шолја (околу 89 g) сечкана црвена зелка содржи дури 56 % од препорачаната доза на витамин Ц, што е еднакво на количината витамин Ц во еден помал портокал.

Зелката го подобрува варењето

Ако сакате да го подобрите вашето дигестивно здравје, зелената зелка богата со растителни влакна е одлична опција. Нерастворливите влакна помагаат во одржувањето на здрав дигестивен систем и поттикнуваат редовно празнење на дебелото црево.

Може да го намали крвниот притисок

Високиот крвен притисок погодува повеќе од милијарда луѓе ширум светот и е главен ризик-фактор за срцеви заболувања и мозочен удар. Лекарите често ги советуваат пациентите со висок крвен притисок да го намалат внесувањето на сол. Сепак, неодамнешните докази сугерираат дека зголемената количина на калиум во исхраната е исто толку важно за намалување на крвниот притисок. Калиумот е важен минерал и електролит и му е потребен на телото за правилно функционирање. Една од нејзините главни задачи е да помогне во регулирањето на крвниот притисок преку спротивставување на ефектите од натриумот во телото.

Калиумот помага да се излачи вишокот на натриум преку урината. Исто така, ги опушта ѕидовите на крвните садови, со што го намалува крвниот притисок. Црвената зелка е добар извор на калиум.

Намалување на нивото на холестерол

Имено, луѓето кои имаат висок холестерол, исто така, имаат тенденција да имаат зголемен ризик од срцеви заболувања, особено кога имаат покачено ниво на ЛДЛ (лош) холестерол.

Зелената зелка содржи две супстанции за кои е докажано дека го намалуваат нивото на ЛДЛ (лошиот) холестерол.

Растворливи влакна

Се покажало дека растворливите влакна помагаат во намалувањето на нивото на лошиот холестерол така што се врзуваат за холестеролот во цревата и го спречуваат неговото апсорбирање во крвта.

Растителни стероли

Зелената зелка содржи супстанции наречени фитостероли. Тие се растителни соединенија кои се структурно слични на холестеролот и го намалуваат лошиот холестерол така што ја блокираат апсорпцијата на холестеролот во дигестивниот тракт.

Студијата на Американското здружение за срце од 2020 година покажала дека 2-3 грама естри на билен станол дневно го намалуваат лошиот холестерол за 9-12 проценти.

Зелката е одличен извор на витамин К

Витаминот К е збир на витамини растворливи во масти кои играат многу важни улоги во телото, пишува Healthline.

Зошто црвената зелка е посебна?

Црвената зелка е позната по својата карактеристична виолетова боја, а за таа боја е заслужна високата концентрација на антоцијанини. Антоцијанините се природни пигменти кои имаат силно антиоксидативно дејство, со што го штитат телото од оштетувања предизвикани од слободните радикали. Овие својства ја прават црвената зелка особено корисна за одржување на здравјето.

Покрај својата спектакуларна боја, црвената зелка се издвојува и по изобилството на витамини. Во споредба со зелената зелка, црвената зелка содржи до 10 пати повеќе витамин А, кој е клучен за одржувањето на здрави очи, кожа и имунолошки систем. Исто така, црвената зелка е значително побогата со витамин Ц, кој е важен за зајакнување на имунолошкиот систем и општото здравје на организмот.

Влакната во црвената зелка се важни за здравјето на дигестивниот систем - помагаат во одржување на редовна столица, ги хранат корисните бактерии во цревата и спречуваат запек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Македонската репрезентација во традиционално карате ќе учествува на 38. ЕТКФ Европско првенство за сениори, јуниори и кадети

Македонската репрезентација во традиционално карате ќе учествува на 38. ЕТКФ Европско првенство за сениори, јуниори и кадети и 8. ЕТКФ Европски куп за деца, кои ќе се одржат од 3 до 5 јули во Софија, Бугарија.

Македонската репрезентација е составена од 30 натпреварувачи, кои ќе настапат во сите возрасни категории.

Репрезентацијата ќе ја предводат тренерите Дејан Недев и Аљоша Недев, кои воедно ќе ја извршуваат и функцијата на судии на натпреварите.

Во сабота на програмата се натпреварите за деца, додека во недела ќе настапат сениорите, јуниорите и кадетите.

Европското првенство ќе се одржи во Овергас Арена во Софија.

Македонска традиционална карате федерација (МТКФ)

Тагови: карате

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Репрезентативец на Сенегал се прости од националниот тим

Хаос по елиминацијата на Сенегал од Светското првенство – репрезентативец се прости од националниот тим.

Репрезентативниот играч за врска Пап Геј објави дека повеќе нема да настапува за националниот тим сè додека на чело на селекцијата е актуелниот стручен штаб.

Фудбалерот на Сенегал ја донесе оваа одлука по елиминацијата од Белгија во нокаут фазата на Светското првенство, а се обрати до јавноста преку социјалните мрежи.

„Ќе се вратам да кажам неколку зборови за испаѓањето... Но, веќе денес објавувам дека, сè додека овој стучен штаб е на чело на репрезентацијата, ќе направам пауза од играње за националниот тим“, напиша Геј.

Неговата одлука уследи откако тренерот го замени во 66-тата минута од натпреварот против Белгија. „Физички се чувствував добро кога излегов од игра. Но, на крајот на краиштата, одлуките се на тренерот. Мора да ги почитувате“, изјави Геј по натпреварот, без притоа да навести дека ќе повлече толку радикален потег.

Според актуелните информации, нема индиции дека тренерот Папе Тиао би можел да ја напушти клупата на Сенегал.Што значи дека Геј би можел долго време да биде надвор од селекцијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Шкода подготвува автомобил од 7.000 евра за Европа?

Шкода подготвува автомобил од 7.000 евра за Европа? Еве за кој модел станува збор.

Чешкиот производител на автомобили „Шкода“ размислува за воведување на попристапни модели - со мотори со внатрешно согорување и електрични погони - на европскиот пазар.

Сегментот на градски автомобили во Европа речиси исчезна во последните години по прекинувањето на производството на модели како што се „Форд Ка“, „Пежо 108“ и „Шкода Ситиго“.

Следствено, купувачите кои се свесни за буџетот во голема мера се принудени да се одлучат за поголеми модели од Б-сегментот, како што е „Шкода Фабија“.

Сепак, „Шкода“ сега повторно размислува за влез во сегментот на мали автомобили.

Покрај електричните градски автомобили, чешкиот производител ја истражува можноста за воведување на кросоверот „Килак“ - првично развиен за индискиот пазар - во Европа, објавува „Аутокар“.

Извршниот директор на „Шкода“, Клаус Зелмер, потврди дека компанијата работи на проект што вклучува употреба на високо економични компоненти за да понуди возило со конкурентна цена, објавува „Б92“.

Иако „Škoda“ учествуваше во развојот на сестринскиот модел „Volkswagen ID Every1“ – кој треба да го наследи моделот Up! следната година – чешкиот бренд во меѓувреме се повлече од проектот.

Целмер смета дека побавниот раст на пазарот на електрични автомобили ѝ оди во прилог на Škoda, бидејќи компанијата може и понатаму да се потпира на своите модели со бензински мотори – Fabia, Scala и Kamiq – кои сè уште бележат одлични резултати во продажбата.

Според него, Volkswagen Group го доверила развојот на своите најевтини електрични модели – сегмент што се карактеризира со многу ниски профитни маржи – на самиот бренд Volkswagen. Како резултат на тоа, нов електричен модел од почетната класа со логото на Škoda нема да се појави пред крајот на оваа деценија.

Од друга страна, Целмер гледа значителен потенцијал во модел позициониран под Fabia. Škoda Kylaq се издвојува како главен кандидат, со оглед на тоа што во Индија се продава за околу 7.000 евра.

Сепак, доколку пристигне во Европа, Kylaq ќе треба да се прилагоди за да ги задоволи построгите европски стандарди во однос на безбедноста, технологијата и квалитетот на изработка.

Според Целмер, со оглед на тоа што е многу тешко да се спушти цената на „Фабија“ (Fabia) под 20.000 евра, овој модел би можел да пополни голема празнина на пазарот.

„Килак“ (Kylaq) е развиен врз приспособена верзија на платформата MQB A0, која „Шкода“ (Škoda) ја користи и за моделите „Кушак“ (Kushaq) и „Славија“ (Slavia), наменети за индискиот пазар.

Тагови: Шкода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.