Балкан

Црвен метео аларм во Бугарија и Романија

Во Бугарија продолжуваат обилните врнежи поради кои се затворени патишта, прогласен е црвен метео-аларм во повеќе окрузи, а поради невремето без електрична енергија останале 51 населено место.

Надлежните органи вршат засилен надзор над сите мостови и инфраструктурата која е потенцијално оштетена поради поплавите, пишува денеска бугарскиот портал Новините.

Локалните власти предупредија дека секоја ризична локација ќе биде веднаш затворена. До граѓаните е упатен апел да бидат внимателни, да избегнуваат патувања и да ги следат упатствата на надлежните служби.

Бугарскиот Национален институт за метеорологија и хидрологија прогласи црвен метео-аларм, највисок степен на предупредување, за осум окрузи каде се очекуваат повеќе од 65 литри дожд по квадратен метар. Истовремено, надлежните соопштија дека Бугарија ќе побара помош од европскиот Фонд за солидарност за погодените места поради настанатата штета.

Во меѓувреме, метеоролозите во Романија денеска го продолжија црвениот метео-аларм поради најавените обилни врнежи за пет окрузи и градот Букурешт, со можност за врнежи до 140 литри по квадратен метар.

Според најновото предупредување на романската Национална метеоролошка администрација (АНМ), од 21 часот на 7 октомври до 15 часот на 8 октомври се очекуваат обилни дождови во повеќе окрузи, пишува романската новинска агенција Аџерпрес. Количината на врнежи би можела да достигне од 80 до 100 литри по квадратен метар, а локално и од 120 до 140 литри по квадратен метар, во кратки интервали или како вкупни врнежи.

Тагови: метео аларм

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Помалку часовник, повеќе уметничко дело: Глечерите на Алјаска во вашите раце (ФОТО)

Францускиот луксузен бренд „Louis Vuitton“ претстави уникатен џебен часовник инспириран од глечерот Марџери во Алјаска.

Часовникот е направен како уникатно уметничко дело и нема да биде достапен за продажба. Наменет е исклучиво за одбрани колекционери кои нарачуваат вакви модели директно од производителот.

Дизајнот е инспириран од ледените пејзажи и дивиот свет на Националниот парк „Glacier Bay“. Бројчаникот содржи подвижни елементи во форма на пингвини, орки и китови, заедно со препознатливите куфери „Louis Vuitton“ кои дополнително го нагласуваат уметничкиот карактер на часовникот.

Компанијата нагласува дека ова е сосема уникатен примерок, направен само во еден примерок, поради што е повеќе колекционерско уметничко дело отколку класичен луксузен часовник.

Извор:Б92

Тагови: часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите потврдуваат: Имаме застрашувачко оружје

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти.

Нападите извршени од руските сили на 11 јули со оружје со долг дострел и висока прецизност врз воено-индустриските објекти во Киев ја потврдија способноста на руските вооружени сили сигурно да погодат какви било цели во Украина, соопшти руското Министерство за одбрана.

„Денешните успешни напади врз два објекти од воено-индустрискиот комплекс во Киев и инфраструктурата на морските пристаништа Одеса, Чорноморск и Измаил во регионот Одеса ја потврдија способноста на руските вооружени сили сигурно да погодат какви било цели низ цела Украина“, се вели во соопштението, според ТАСС.

Се вели дека анализата на употребата на оружје со висока прецизност од страна на руските вооружени сили ја потврдила способноста сигурно да ги пробијат системите за воздушна и ракетна одбрана „што му ги обезбедиле на Зеленски неговите западни спонзори“.

„Групни напади со прецизно оружје се извршуваат со висока ефикасност против украинските пристанишни објекти, како и разни бродови што испорачуваат оружје и воена опрема на режимот на Зеленски“, нагласи министерството.

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти претходно денес.

Според началникот на Воената администрација на градот Киев, Тимур Ткаченко, и градските власти, пријавени се штети во неколку делови од градот.

Тагови: оружје русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар во сендвичара во Центар (ВИДЕО)

Пожар избувнал вечерва во сендвичарата Бејкинг Бред во центарот на Скопје.

На местото на настанот интервенирале екипите на противпожарната бригада и МВР.

Се уште не е познато како настанал пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.