Цртеж на Микеланџело на аукција би можел да достигне цена од 30 милиони евра - Канал 5

Култура

Цртеж на Микеланџело на аукција би можел да достигне цена од 30 милиони евра

Christie's следниот месец ќе понуди на продажба едно од ретките дела на Микеланџело од приватна колекција, цртеж претставен во 2019 година и очекува делото да достигне цена од 30 милиони евра, соопшти британската аукциска куќа.

Цртеж на Микеланџело на аукција би можел да достигне цена од 30 милиони евра

Експертите велат дека цртежот, едно од раните дела на ренесансниот италијански уметник, бил продаден во 1907 година во Париз како дело за кое се верува дека припаѓа на училиштето на Микеланџело.

Тој беше во голема мера заборавен до 2019 година кога експерт од Кристи го препознал како дело на Микеланџело.

Се верува дека раниот цртеж на уметникот потекнува од крајот на 15 век. Тој прикажува човек кој се појавува на фреската на Масачија, еден од првите слики на италијанската ренесанса.

Името на фреската е „Петаровото крштевање на неофит“, а се наоѓа во капелата Бранкачи во фирентинската црква Санта Марија дел Кармин.

„Мислам дека овој цртеж по долго време е едно од највозбудливите откритија од сегментот на цртежи на старите мајстори“, рече Стијн Алстинс, раководител на меѓународниот оддел за цртежи на стари мајстори во Christie’s во Велика Британија.

„Покажува револуционерен аспект на делата на Микеланџело, приказ на човечкото тело кое подоцна стана важно во неговите скулптури, а мислам на Давид, но и многу од ликовите што ги насликал во Сикстинската капела“, додаде Алстинс.

Цртежот е прогласен за француско национално богатство, поради што било невозможно да се продаде во странство, но француската влада неодамна ја отстрани етикетата, дозволувајќи да се понуди на колекционерите ширум светот, објави Кристи.

Цртежот треба да биде изложен во Хонг Конг и Њујорк пред аукцијата на 18 мај во Париз.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода турски државјанин, возел на автопат со брзина од 203км/ч каде ограничена брзина е 120км/ч

На 10.07.2026 во 15:00 часот на автопатот „Пријателство“ кај село Милетково, гевгелиско, полициски службеници од СВР Струмица-ОВР Гевгелија лишија од слобода турскиот државјанин Ј.Ц.(46). 

Лишен од слобода турски државјанин, возел на автопат со брзина од 203км/ч каде ограничена брзина е 120км/ч

При контрола на патниот сообраќај со радар, полициските службеници констатирале дека Ј.Ц. управувал патничко возило „мерцедес“ со германски регистарски ознаки со брзина од 203 километри на час, на место каде со сообраќаен знак брзината на движење е ограничена на 120 километри на час. Тој бил исклучен од сообраќај и за настанот е запознаен јавен обвинител од Основното јавно обвинителство Гевгелија. Против него е поднесена соодветна пријава.

Тагови: автопат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драматично предупредување до Техеран: „Ќе бидете целосно десеткувани и уништени“

Американскиот претседател Доналд Трамп денес му се закани на Иран со масовен воен одговор доколку, како што изјави, иранските власти се обидат да му извршат атентат.

Драматично предупредување до Техеран: „Ќе бидете целосно десеткувани и уништени“

„Илјада ракети се натоварени и се насочени кон Исламската Република Иран, а уште илјадници ќе следат веднаш доколку иранската влада ја исполни својата закана да го убие или да се обиде да го убие сегашниот претседател на Соединетите Американски Држави, во овој случај, мене“, наведе Трамп во објава на мрежата „Truth Social“.

Тој додаде дека веќе се издадени наредби и дека американската војска е подготвена „тотално да ги десеткува и уништи сите области на Иран“.

Трамп вчера изјави дека оставил упатства за одговорот на Вашингтон доколку Иран успее во она што го нарече планови за негово елиминирање и рече дека во тој случај, Техеран ќе биде пречекан со одговор „каков што никогаш порано не видел“.

Во интервју за Њујорк пост, Трамп рече дека наводно е цел на Иран долго време.

Трамп вчера, исто така, изјави дека оставил инструкции за одговорот на Вашингтон доколку Иран успее во она што тој го нарече планови за негово елиминирање.

Тагови: Доналд Трамп Техеран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Трипуновски: Исполнето уште едно ветување, објавени се 5 јавни повици за давање под закуп на земјоделско земјиште над 3 хектари

Фејсбук објава на министерот за земјоделство, шумарство и водостопанство, Цветан Трипуновски.

Трипуновски: Исполнето уште едно ветување, објавени се 5 јавни повици за давање под закуп на земјоделско земјиште над 3 хектари

„Почитувани земјоделци,

Објавени се 5 јавни повици за давање под закуп на земјоделско земјиште во државна сопственост над 3 хектари.

Со ова исполнуваме уште едно ветување, продолжуваме со политиките за ставање во функција на секој хектар од земјоделското земјиште во корист на земјоделецот.

Во рамките на Јавниот повик бр. 01/26, кој ги опфаќа регионите Битола и Прилеп, по 20-тина години приоритет при доделувањето ќе имаат сточарите, со цел развој на сточарството како една од најважните гранки во земјоделството.

Сите заинтересирани земјоделци можат да се информираат за условите во подрачните единици на Министерството.

Заедно создаваме посилно и одржливо земјоделство.“- стои во објавата.

Тагови: Трипуновски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер