Балкан

Црногорската полиција разби мрежа на проруски платеници, уапсен државјанин на БиХ со 1,5 милион евра

Црногорската полиција разби мрежа на платеници кои се бореле на страната на Русија на украинското боиште.

Црногорската полиција разби мрежа на платеници кои се бореле на страната на Русија на украинското боиште, а уапсен е Данко Савиќ (61), државјанин на Босна и Херцеговина со постојан престој во Црна Гора, кој на сметка имал еден и пол милион евра, за кои црногорската полиција верува дека ги стекнал за време на престојот во руските формации, јавија денеска медиумите во Подгорица.

Како што е соопштено, Савиќ е уапсен во текот на координираната акција со кодно име „Луганск“, а при претресот на станбени и други простории што ги користи, полицијата запленила 12,2 килограми експлозив, повеќе десетици парчиња муниција од различен калибар, оптика за ноќно набљудување, опрема за чистење оружје, радиостаници, сигнален пиштол, како и делови од огнено оружје.

Како што се наведува, оваа полициска операција засега опфаќа 12 лица, а полицијата претресла 13 локации во Даниловград, Никшиќ и Подгорица.

„Пронајдени и одземени се: 24 парчиња огнено оружје, повеќе од 1.000 парчиња муниција, повеќе рамки, девет ножеви, сабји и бајонети, како и униформи, знамиња и други обележја на формациски организации и групи, како и други предмети кои согласно законот може да се одземат, а се поврзани со ова и со поврзани кривични дела“, наведува црногорската полиција.

Меѓу одземените предмети пронајдени се и бројни воени униформи, панцири, шлемови, СИМ-картички, комуникациски уреди, како и легитимации на Црногорското козачко братство, често со различни имиња.

Полицијата запленила и гас-маска, амблеми со грбови и натписи, метален „боксер“, како и документација која упатува на поседување вреден имот.

Материјалните докази, наведува полицијата, укажуваат дека Савиќ учествувал во странски воени структури на Руската Федерација во Луганск, во периодот од почетокот на 2023 до почетокот на 2025 година. Постои сомнение дека неговиот ангажман бил мотивиран од финансиска добивка и дека токму во тој период ја стекнал спорната сума од 1,5 милиони евра.

Ова не е првпат Савиќ да биде на мета на полицијата. Тој беше уапсен и во јуни 2025 година, кога во неговата куќа биле пронајдени 12 килограми експлозив спакуван во облик на појас. Тогаш против него беше поднесена кривична пријава за недозволено држење оружје и експлозивни материи.

Медиумите претходно објавија дека Савиќ е поранешен припадник на Војската на Југославија. Во јавноста претходно се декларирал како атаман, односно козачки командант, поврзувајќи се со Балканската козачка војска, организација која наводно е поврзана со Централната козачка војска на Русија, блиска до претседателот Владимир Путин.

Црногорската ТВ Е наведува дека акцијата „Луганск“ е координирана со две разузнавачки служби на земјите-членки на НАТО и дека, врз основа на податоците од западните служби, полицијата претресувала објекти на лица кои се припадници на „Балканската козачка војска“, „Црногорско-козачкото братство“, како и организацијата „Ноќни волци“.

Тој медиум потсетува дека овие организации се блиски до Српската православна црква и дека таа поврзаност се разоткрила при устоличувањето на митрополитот на СПЦ во Црна Гора Јоаникиј Миќовиќ на 5 септември 2021 година, кога членови на тие организации учествувале во обезбедувањето на манастирот на Цетиње каде што се одржало устоличувањето, пренесува денеска хрватската агенција Хина.

ТВ Е потсетува и дека уапсениот Данко Савиќ е атаман на Балканската козачка војска, која е основана во 2016 година во Котор.

Медиумот, повикувајќи се на податоците на Дигиталниот форензички центар, потсетува дека „Балканската козачка војска“ стои зад здружението „Сојуз на доброволци од Донбас“.

Тагови: Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ѓорѓиевски и Дејвид Гета - самото тоа веќе звучи смешно!

Градоначалникот-дрон. Човекот-билборд. Сега и стручњак за електронска музика.

Орце Ѓорѓиевски излезе по концертот платен од Државна лотарија, од буџет, од пари на граѓаните, и објави дека Скопје „никогаш не било поубаво“.

Центар на светот. Центар на забавата. Град што пулсира. Па му се заблагодари на шефот на ВМРО-ОКГ, арамијата Мицкоски, за „прекрасната организација“.

Секако. Кога ќе пуштиш 5,5 милиони народни евра во бина и диџеј, дури и стиропор-кичот за момент изгледа како Париз. Тоа не е сјај на градот. Тоа е сјај на провизијата.

Ѓорѓиевски не управува со Скопје. Го рекламира. Каде што треба да се испита водата - тој пушта дрон. Таму каде што треба да се исчисти улицата - поставува билборд со коњ со пет нозе.

Наместо да го реши ѓубрето во Скопје, наместо да најде кој го загади Лепенец и Вардар, наместо да го среди градскиот сообраќај (не со тендер за автобуси на Груевски-Орбан) - тој пушта плејлиста.

Сега, откако Гета си замина, градоначалникот ни објаснува и што е светска музика.

Како да му дале микрофон на човек чија единствена експертиза е да стои пред камера и да му се поклонува на кабинетот.

Скопје не стана центар на светот. Стана центар на срамот: загадена вода, распаднат јавен превоз, дупки како стратегија, а градоначалникот објавува рецензија за диџеј како да пишува за „Ролинг Стоун“.

Независноста ја прославија со народни пари од Лотарија. Градот го прославија со лајк.

Граѓаните ќе го платат остатокот кога ќе се изгасат рефлекторите.

ВМРО-ОКГ има поделба на трудот. Мицкоски ја краде државата и пишува бајки на табла. Ѓорѓиевски ја снима бајката од воздух и ја потпишува со срце.

Едниот е шеф на бандата. Другиот е нејзин мегафон со мандат.

Не ни треба музички критичар во градоначалничка фотелја. На Скопје му треба градоначалник кој ќе ги решава проблемите на граѓаните. Скопје не е поубаво затоа што неколку вечери имаше бучава.

Скопје е истото Скопје: загадено, ограбено и управувано од човек кој повеќе верува во дрон отколку во институција.

Кога Ѓорѓиевски вели: „Ова е твојот сјај“, преведено: ова е нивниот сјаен тендер и провизија. Само тоа им сјае ним.

Вашата вода, вашите дупки и вашата сметка остануваат.

Гета си замина. Дронот остана. Бандата исто.

СДСМ

Тагови: СДСМ

Македонија

Цветаноски: 5.5 милиони евра за криминални договори на Мицкоски, нула денари за лозарите – грозјето скапува!

Пет милиони евра народни пари за криминални договори на Мицкоски и ВМРО ОКГ преку Лотарија– а нула денари за лозарите.

Лозарите се пред пропаст, а Владата не прави ништо за да им помогне.

Грозјето скапува по лозјата. Вранецот не се откупува. Откупната цена на белото грозје е мизерни 14 денари, во услови на енормно зголемени трошоци.

Лозарите се во безизлезна состојба, оставени сами, без никаква поддршка.

Цела година работат, вложуваат, плаќаат работници, гориво, препарати и ѓубрива, а денес се принудени да ги копачат лозјата, да им скапува родот.

До оваа ситуација ги доведе криминалната власта на арамијата Мицкоски – да гледаат како нивниот труд пропаѓа.

Каде е сега производната или, како што ја претстави министерот за земјоделство, откупната цена на грозјето? 14 денари се далеку од 20 денари, како што министерот објави во јули годинава.

Недозволиво е власта да се претставува како посредник, таа е директен актер на пазарот и со закон учествува во формирањето на откупната цена.

За две години ВМРО направи пустош во секоја гранка на земјоделството.

Не им е грижа за земјоделците. Не им е важен човекот кој произведува храна. Не им е важен лозарот кој со својот труд ја одржува Тиквешијата и целиот лозарски крај и е заслужен за квалитетното македонско вино.

Важни им се криминалните партиски тендери и договори – за тоа секогаш имаат ставка како да најдат пари. Тоа е арамискиот концепт на Мицкоски и неговата криминална организација.

СДСМ бара Владата веднаш да реагира. Да обезбеди откуп. Да донесе интервентни мерки. Да ги заштити лозарите.

Вранецот 28 денари, Смедеревката 25 денари – земјоделците мора да добијат достоинствена цена!

Секој ископачен лозов насад е уништена една семејна инвестиција, еден животен труд и една иднина.

Итно зголемување на откупната цена за 5 денари по килограм, укинување на 8-процентниот попуст што се бара за побрза исплата и интервентен откуп од страна на државата на црното грозје кое ќе остане непродадено.

Тоа се мерки кои ќе им помогнат на лозарите да ја пребродат кризата.

Прес конференција на СДСМ, Симона Цветаноски – членка на Извршниот одбор

Тагови: Цветаноски

Македонија

СДСМ: Арамијата Мицкоски ќе го намали ДДВ-то на горивата - откако цените веќе го удрија плафонот

Шефот на ВМРО-ОКГ денеска открива дека државата има мерка. ДДВ на горивата од 18 на 10 проценти.

Очекува поевтин дизел. Глуми заштитник на стандардот.

Каде беше со месеци?

СДСМ уште на почетокот на кризата бараше конкретни мерки: ДДВ на горивата да падне на 5 проценти, акцизата да се укине веднаш, ДДВ на основната храна да се симне на нула. Не за камера. За да остане леб на масата.

Владата на бандата не мрдна. Ги пушти цените да побеснат. Го гледаа народот како полни резервоар на рати и купува половина корпа.

Сега, кога штетата е направена, излегуваат со половична мерка и бараат аплауз.

Ова не е грижа. Ова е доцна шминка. Прво те дере. Потоа ти враќа ситно и се претставува како спасител.

Мицкоски признава и сам: цената „во суштина не е ниска“. Само била поевтина од соседството. Тоа е целата филозофија на ВМРО-ОКГ. Не да живееш достоинствено. Да те тешат дека некој друг плаќа уште повеќе. Како да му кажеш на човек без леб дека во друга држава лебот е поскап.

Горивото не е луксуз. Горивото е превоз до работа, леб до продавница, стока до пазар, плата што се топи пред да стигне дома.

Кога дизелот лета, лета сè. Тие тоа го знаеа. Чекаа.

Пазарот го оставија на бандата и на берзата, а граѓанинот на касата.

Сега велат ќе има импликации врз буџетот, ама ќе се борат. Секако дека ќе има. Буџетот го истрошија на спектакли, криминални тендери и Лотарија, па се прават сиромашни кога треба да се симне данокот што го јаде народот секој ден.

СДСМ не бара од арамијата да глуми социјала. Бараше да ја примени мерката кога требаше - на почеток. Не откако цените го скршија стандардот. Намалување од 18 на 10, по месеци тивко гледање, не е политика.

Тоа е признание дека доцнат. И дека доцнат намерно.

Нема поевтин живот со доцна одлука. Има поевтина лага.

Прво ве оставија без леб. Сега ви продаваат денар на литар како државничка храброст.

ВМРО-ОКГ не ја води кризата. Ја молзе. А шефот на бандата излегува пред камери дури кога сметката веќе е платена - од граѓаните.

СДСМ

Тагови: СДСМ