Серии

Црно срце

Од понеделник до петок во 22.00 часот

„Во долина каде љубовта се судира со тајните, секое срце крие темна вистина.“

На млада возраст, Сумру ги напушта своите новородени близнаци без да ги земе во прегратка. Заедно со мајка ѝ се преселува во Кападокија, каде што се мажи за Самет, богат и влијателен човек сопственик на ланец хотели. Во бракот добиваат две деца, а Самет има и син од првиот брак – Џихан.

Израснати во тешки услови, близнаците Нух и Мелек, исполнети со болка и гнев кон мајката која ги напуштила, случајно го откриваат нејзиниот идентитет. Тие доаѓаат во Кападокија со една цел – да се соочат со Сумру и да го побараат она што сметаат дека им припаѓа. Иако затекната и исплашена, Сумру ги негира обвинувањата, свесна дека тајната што ја крие со години е пред откривање.

Во вилата Шансалан, односите се дополнително комплицирани. Вдовицата – сестра на Самет – живее таму со својата ќерка Севилај и има јасна намера: да ја омажи за својот внук Џихан и да ја обезбеди нивната иднина, план што Самет целосно го поддржува.

Додека близнаците ја следат својата правда, Мелек и Џихан се среќаваат и меѓу нив се раѓа силна, неочекувана љубов. Истовремено, Нух и Севилај се вкрстуваат на патот исполнет со спротивставени емоции и скриени желби. И покрај обидите на Сумру да ги држи децата што ги отфрлила подалеку од своето семејство, Нух и Мелек постепено навлегуваат и во домот и во срцата на оние што живеат во него.

Додека здравствената состојба на Самет ја вознемирува целата фамилија, неговиот стар непријател Тахсин демне како сенка, подготвен да го наплати долгот од минатото.

Љубовта, омразата и судбината се судираат во свет исполнет со интриги, присилни бракови и забранети чувства. Додека срцата се отвораат, а тајните се закануваат да уништат сè, старите непријатели демнат, подготвени за одмазда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Русокосата Дилета повторно предизвика вистински хаос на интернет сега од своето работно место

Една од најубавите спортски новинарки на светот, италијанската новинарка Дилета Леота повторно привлече внимание со својот изглед на социјалните мрежи, откако се јави од студиото за време на еден натпревар минатиот викенд.

Таа објави фотографии од своето работно место, а како и обично, беше во провокативна модна комбинација.

За известување од една средба атрактивната Дилета одбрала црна, проѕирна комбинација, под која јасно се гледаше црн градник, истакнувајќи го нејзиниот буен биста.

Со ова издание, таа уште еднаш ги израдува своите повеќе од 9 милиони следбеници, па така не недостигаа коментари и комплименти.

https://www.instagram.com/reel/DepXu-Usoih/?utm_source=ig_embed

Многумина се фалеа дека „направиле зум на фотографијата“, а други ѝ велеа: „Стануваш сè поубава и поубава...“, „Какво чудо...“ и слично.

Дилета Леота во последните години е заштитно лице на британската компанија DAZN во Италија, а откако во мај годинава се породи по вторпат, нејзиниот изглед е постојано под лупа на јавноста и во центарот на медиумското внимание, бидејќи неверојатно брзо ја врати својата совршена линија.

Дилета и нејзиниот сопруг, германскиот голман Лорис Кариус, имаат две деца. Првото дете, ќерката Арија, го добија на 16 август 2023 година, а интересно е тоа што Арија се роди на истиот ден кога е роденден на Дилета. Второто дете, синот Леонард, го роди на 9 мај 2026 година.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ајкулата Буканги тврдоглаво одбива да си замине: Повторно се врати во каналот

Ајкула по име Буканги, која вчера беше насочена кон излезот откако помина повеќе од еден месец во канал во јужнокорејскиот град Бусан, се вратила во каналот, објави новинската агенција Јонхап.

Утринава, на 22 октомври, ајкулата била забележана како плива во тесен простор помеѓу пловечка платформа – поставена близу излезот од каналот – и заштитна мрежа.

Според набљудувачите, можно е ајкулата да се вратила пливајќи под платформата. Буканги првпат била забележана во каналот на 18 септември. Оттогаш, блискиот парк стана голема атракција, привлекувајќи повеќе од 1,6 милиони посетители заклучно со неделата, пренесува Танјуг.

По два неуспешни обиди ајкулата да се насочи кон отворено море, градските власти и крајбрежната стража вчера успеаја да ја упатат кон излезот користејќи мрежа прикачена на понтон.

Околу 18:00 часот, ајкулата била забележана близу пристаниште надвор од каналот, иако сè уште не била на отворено море. Некои посетители пријавиле дека ја виделе ајкулата како се враќа во каналот синоќа, околу 23:00 часот.

Властите претходно изразија загриженост дека животното би можело да угине доколку температурата на водата дополнително опадне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје-Известувањето за неработен ден 23.10.2026 година

ЈП Водовод и канализација – Скопје ги известува корисниците на своите услуги дека на ден 23.10.2026 година (петок) шалтерите за наплата и рекламации во Дирекцијата на претпријатието нема да работат.

ЈП Водовод и канализација – Скопје ги известува корисниците на своите услуги дека на ден 23.10.2026 година (петок), по повод државниот празник Ден на македонската револуционерна борба, шалтерите за наплата и рекламации во Дирекцијата на претпријатието нема да работат.

Со редовно работно време ќе се продолжи од 24.10.2026 година (сабота).

Воедно, ги повикуваме корисниците да ги користат електронските сервиси на ЈП Водовод и канализација – Скопје, кои овозможуваат брз и едноставен пристап до услугите.

Повеќе информации се достапни на www.vodovod-skopje.com.mk и пристап до електронските сервиси е овозможен преку e.vodovod-skopje.com.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.