Црна Гора ќе учествува во обука на украинската војска- ќе испратат тројца војници

Црна Гора има намера да се приклучи на мисијата на Европската унија (ЕУ) за давање воена помош за Украина (ЕУМАМ) со ангажирање најмногу тројца припадници на Армијата, кои ќе учествуваат во обуката на украинските војници.

Црна Гора има намера да се приклучи на мисијата на Европската унија (ЕУ) за давање воена помош за Украина (ЕУМАМ) со ангажирање најмногу тројца припадници на Армијата, кои ќе учествуваат во обуката на украинските војници, изјавија за Радио Слободна Европа од Министерството за одбрана на Црна Гора.

Како што наведоа, Министерството неодамна добило одобрение да учествува во оваа мисија, откако Црна Гора изразила намера да обезбеди друг вид поддршка на Украина и да придонесе за заедничката безбедносна и одбранбена политика на Европската унија, објави РТЦГ.

ЕУМАМ е основан од Европскиот совет во 2022 година по воената агресија на Русија против Украина, со цел да ѝ пружи помош на таа земја, преку зајакнување на воената способност за одбрана на територијалниот интегритет и суверенитет.

Мисијата има мандат да обезбеди индивидуална, колективна и специјалистичка обука за припадниците на украинските вооружени сили на локациите на членки на ЕУ.

„Во моментов сме во фаза на спроведување на националните процедури, што треба да резултира со усвојување на собраниска одлука за учество на припадниците на црногорските вооружени сили во оваа мисија“, соопшти Министерството за одбрана.

Одлуката за употреба на единиците на Армијата во меѓународните сили ја донесува Парламентот на Црна Гора, на предлог на Советот за одбрана и безбедност.

Откако Советот ќе ја утврди предложената одлука со која прецизно ќе се дефинира учеството на црногорските војници во оваа мисија, таа ќе биде испратена до Собранието на понатамошна постапка, велат од Министерството.

Припадниците на црногорската армија би обучувале украински војници на територијата на Германија.

Дека Црна Гора ќе се приклучи на воената помош на ЕУ за Украина, потврди државниот секретар во Министерството за одбрана Марко Марковиќ на 10 април на средбата со амбасадорот на Украина Олег Герасименко.

„Црна Гора силно стои до Украина во нејзината борба за зачувување на територијалниот интегритет и суверенитет, како и слободата на украинскиот народ. Таа ја изразува својата поддршка и солидарност не само реторички, туку и преку конкретен политички ангажман, како и финансиски и хуманитарни придонеси “, соопшти Министерството за одбрана.

Дека Црна Гора е сигурен партнер на НАТО на Западен Балкан, изјави еден ден подоцна во разговор со премиерот Милојко Спајиќ во Подгорица помошникот генерален секретар на НАТО за разузнавачки и безбедносни прашања, Скот Бреј.

Црна Гора е членка на НАТО од 2017 година и ја следи европската надворешна политика, вклучувајќи го и нејзиниот однос кон руската воена агресија врз Украина.

Досега, 24 земји-членки на ЕУ понудија обука и персонал на Украина во рамките на ЕУМАМ. Опремата е обезбедена од земјите-членки и финансирана од Европскиот фонд за мир.

Ѓорѓиевски: “Вардар” мора да постои - обезбедена поддршка за баражот

За ФК “Вардар” пред најважниот натпревар оваа сезона, е обезбедена финансиска поддршка од градоначалникот на Општина Кисела Вода Орце Ѓорѓиевски. 

На денешниот тренинг на тимот тој лично на “Вардар”, Вардарци и Комити им даде збор дека за многу брзо време работите ќе се променат на подобро, и “Вардар” никогаш повеќе нема да биде во оваа ситуација.

-“Вардар” е душата на Скопје и како еден од нив, ќе го дадам и последниот атом од мене за да се одржи клубот. Како и во минатото, така и сега во пресрет на баражот во недела, обезбедени се финансиски средства за да опстои нашата гордост. “Вардар”, Вардарци и Комити не се оставени сами на себе. Мојата подадена рака ќе стои секогаш тука за нив. И да, ќе одиме на врвот - таму каде што припаѓаме! А во една блиска иднина, за многу брзо време кога работите ќе се променат на подобро, “Вардар” никогаш повеќе нема да биде во оваа ситуација. Го имате мојот збор!

Се гледаме во недела, во 17 часот на стадионот во Струмица.ФК ВАРДАР : ФК ДЕТОНИТ ПЛАЧКОВИЦА! За Вардар, за нашето славно минато и блескава иднина-истакна градоначалникот Орце Ѓорѓиевски, кој и минатата година, пред историскиот натпревар со Кавадарци му обезбеди финансиска поткрепа на спортската гордост на Скопје, “Вардар”, соопштуваат од општината.

ДИК: Заврши прегласувањето на болните и немоќни лица, затворениците и лица во центрите за грижа

Денес заврши прегласувањето на болните и немоќни лица, лицата кои издржуваат казна затвор и лицата сместени во центрите за вонсемејна грижа а кои припаѓаат на избирачките места каде што се поништи гласањето за парламентарните избори.

Денес заврши прегласувањето на болните и немоќни лица, лицата кои издржуваат казна затвор и лицата сместени во центрите за вонсемејна грижа а кои припаѓаат на избирачките места каде што се поништи гласањето за парламентарните избори спроведено на 8 мај 2024.

Вкупно 45 лица пријавени како болни или немоќни имаа право на глас на избирачките места каде се одвива прегласувањето во Желино, Крушево, Охрид, Долнени и Струга.

На ИМ 2101 во Желино гласале сите 4 лица кои биле запишани како болни или немоќни.

На ИМ 1194 Крушево од 20 запишани лица гласале 18 а на ИМ 1202 Крушево гласале сите 6 запишани лица.

На ИМ 1272 Охрид, правото на глас денес го искористиле двете запишани лица во посебниот извод од Избирачкиот список .

На ИМ 1470 Долнени во кое имаше запишано 7 лица како болни или немоќни и на ИМ 1470/1 Долнени со запишани 2 лица, сите го искористија правото на глас.

На ИМ 1844 Струга, сите 4 лица запишани како болни или немоќни гласаа денес во текот на денот.

Гласањето заврши и за лицата кои се на издржување казна затвор како и за лицата кои се сместени во центрите за вонсемејна грижа.

Сите 5 пријавени лица за гласање во затворите во Прилеп и Шуто Оризари денес гласаа во објектите каде престојуваат, а и двајцата пријавени гласачи во центрите за вонсемејна грижа во општините Карпош и Битола, денес го остварија своето право на глас

Гласањето се одвиваше непречено, без пријавени нерегуларности.

Државна Изборна Комисија

Кривичен му одреди притвор од 30 дена на Палевски, вели дека ќе докажел дека не е виновен

Љупчо Палевски попладнево за првпат откако беше екстрадиран од Турција од затворот во Шутка под силно полициско обезбедување беше спроведен во Кривичниот суд пред судија на претходна постапка...

Палевски кој е првоосомничен за грабнувањето и убиството на Вања Ѓорчевска и велешанецот Панче Жежовски, на прашања на новинарите негираше вина..

Пред Кривичниот суд е Елизабета Дамјановска Спасеновска..

Бети нешто помалку од два часа Палевски беше пред судијата на претходна постапка...

притисни ентер