Балкан

Црн пантер повторно сее страв низ Бугарија- ловец во шума едвај се спасил

Црн пантер е забележан на висорамнината Шумен во Бугарија, а еден ловџија тврди дека се сретнал лице в лице со животното додека шетал по патека во средата навечер.

Средбата поминала без повреди, но експертите и мештаните предупредуваат на потенцијална опасност за луѓето, особено за децата, објави Блиц.

Архитектот и ловџија Добрил Добрев бил на вечерна прошетка кога видел црн пантер како излегува од шумата и се упатува кон него.

- Додека одев по асфалтниот пат кон воените бази, видов големо црно животно како излегува од шумата и се упатува право кон мене. Во еден момент застана и се сврте назад кон шумата, потоа јасно ја видов неговата долга опашка и го препознав видот - рече Добрев.

Потоа пантерот мирно лежел на патот, како обична мачка.

- Не се чувствував загрозен, но не знаев како да реагирам ако продолжи кон мене. Полека се оддалечив, гледајќи преку рамо дали ме следи. Остана на место, тоа беше нашата средба - додаде тој.

Добрев предупредува дека средбата со животното може да биде опасна за неискусни луѓе или деца. „Треба да се преземат мерки на претпазливост, бидејќи не е предвидливо кога и дали животното може да стане агресивно. Полицијата ми кажа дека пантерот е виден во истата област и претходно, што укажува дека ова е негов постојан простор со карпи и бројни пештери“, истакна ловџијата.

Досега нема официјални информации за постапките на полицијата или надлежните служби во врска со фаќањето на црниот пантер на висорамнината Шумен. Локалните власти и експертите сè уште размислуваат како најдобро да ги заштитат посетителите и жителите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Левица со координирана блокада со десетици илјади амандмани го блокираат Изборниот законик и реформите

СДС и Левица по месеци разговори усогласувања и прифатени забелешки, денес го блокираат донесувањето на Изборниот законик и ги кочат реформските процеси.

СДС и Левица учествуваа во креирањето на текстот, но денес поднесуваат десетици илјади амандмани со единствена цел да го блокираат донесувањето на Изборниот законик и да ги закочат реформските процеси.

Изборниот законик е усогласен со препораките на ОБСЕ и ОДИХР и претставува дел од реформските обврски на Македонија.

Наместо конструктивност, СДС и Левица избраа политички театар, свесни дека секое одложување значи штета за државата и за европскиот реформски процес.

Ако навистина СДС и Левица имаат суштински забелешки, нека ги предложат. Никој не бега од аргументирана дебата. Но десетици илјади амандмани не се обид за подобрување на закон, туку класична парламентарна опструкција.

Позиција на ВМРО-ДПМНЕ е јасна. Подготвени сме да разговараме за сите предлози кои придонесуваат за подобар изборен процес. Истовремено, остануваме цврсти на определбата македонската дијаспора да добие можност да гласа по електронски пат на претседателските избори, затоа што секој македонски граѓанин, без разлика каде живее, заслужува полесно да го оствари своето демократско право.

Очигледно е дека стравот од изборен пораз ги обедини СДС и Левица повеќе отколку која било политичка идеја. Наместо да понудат визија, тие нудат блокади. Наместо реформи, произведуваат кризи.

ВМРО-ДПМНЕ нема да дозволи политички калкулации да бидат над интересите на државата. Реформите ќе продолжат, институциите ќе функционираат, а граѓаните сами ќе дадат оценка кој работи за Македонија, а кој работи само за дневнополитички спас.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бесплатен спортско-едукативен камп за ученици од социјален ризик и талентирани спортисти од Кисела Вода

Талентирани млади спортисти и ученици од семејства во социјален ризик, утрово од Општина Кисела Вода заминаа на летен спортско-едукативен камп во Охрид.

Децата ќе престојуваат во одморалиштето „Детски радости“ во Свети Стефан, каде им се обезбедени шест полни пансиони.

За квалитетното исполнување на времето на децата за време на престојот ќе се грижи стручен тим составен од наставници, аниматори и рекреатори, како и лекар, кој ќе ја следи нивната здравствена состојба.

-Ми претставува посебно задоволство што денес ги испраќаме овие деца на заслужен летен одмор. Фокусот ни е насочен кон децата кои се во социјално ранлива положба, но и кон нашите талентирани спортисти, кои со својот труд и залагање заслужија да бидат дел од овој камп. Сакам сите да уживаат во летото, да градат нови пријателства и да се вратат дома со прекрасни спомени. Вложувањето во нашите најмлади останува наш приоритет-истакна градоначалничката Бети Стаменкоска Трајкоска која утрово ги испрати учениците посакувајќи им среќен пат, безбедно патување и незаборавно летување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лафчиски: Флотата на транспортни хеликоптери ќе се зголеми за уште две летала

Генерал - мајор Сашо Лафчиски информираше дека флотата на транспортни хеликоптери ќе се зголеми за уште две летала, а во план е да се оспособат школски авиони и хеликоптери кои ќе послужат за обука за нови пилоти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.