Живот

Црквата и државата во отворен судир за законот за родова еднаквост

МПЦ ниту го осудува, ниту го подржува ставот на струмичката епархија која е против предлог - законот за родова еднаквост изготвен од МТСП.

Велат, немаат доволно информации, па поради тоа ниту став во моментов. Оваа реторика на МПЦ доаѓа откако, Епископот Јаков Стобиски, пред неколку дена на отворена трибина им порача на институциите да не бидат заложници на родовите идеолози барајќи јавна дискусија. Канал 5 се обиде да стапи во контакт и со него, но тој беше недостапен. Активистите пак, за родова еднаквост велат, дека со овој закон сакаат да се унапредат правата на жената, а не да се искористува религиозната догма за носење на закони.

-Црквата може да продолжи да врши притисок, меѓутоа наше е да се спротивставиме на тоа, пак ќе кажам, ние сме секуларна држава и црквата според Устав, не смее да се меша во обликување на законски решенија кои не го уредуваат нивното работење, не само црквата, туку било која верска заедница. Ние не оспоруваме ничие право на изразување, религиозно, но меѓутоа оспоруваме право на религиозни догми да ни влезат во легислатива и во политики, тоа е нешто на што ние се спротивставуваме. --Марија Савовска – Здружение за унапредување на родова еднаквост - „Акција Здруженска“

Активистите исто така реагираат, дека овој закон нема никаква поврзаност со сексуалното образование, ниту дека во предметот сексуално образование не се говори отворено за сексот, туку за една едукација која е дел од секојдневниот живот на човекот. Епископот аков Стобиски воедно испрати писмо до МТСП каде наведува и дека се противи на сеопфатното сексуално образование.

-Од јавно достапните прирачници, досега можевме да видиме дека им се сугерира на децата дека можат да започнат со сексуални односи на било која возраст, да експериментираат со сексуални партнери , па затоа има потреба да се тестираат од сексуално преносливи болести. – Стои во писмото од Јаков Стобиски – Епископ.

Од МТСП пак, за Канал 5 кажаа, дека законот треба да ги унапреди правата на жената и дека се отворени за секоја конструктивна дискусија.

-Оттука, останува отворена можноста и за средба со претставници од Струмчиката епархија, со цел да се елиминираат сите евентуални дилеми околу толкувањето и вистинската интенција на новото предло законско решение за родова еднаквост.

За предлог законот за родова еднаквост се одржаа 8 јавни расправи ширум државата, со цел да се слушнат мислењата и ставовите на сите засегнати во општеството.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер