Црква во Швајцарија воведе вештачка интелигенција за „разговор со Исус“- се чека во редици - Канал 5

Живот

Црква во Швајцарија воведе вештачка интелигенција за „разговор со Исус“- се чека во редици

Црквата Свети Петар во Луцерн се најде во центарот на вниманието на медиумите по информацијата дека верниците можат директно да разговараат со Исус Христос, поточно со неговиот холограм со вештачка интелигенција.

Црква во Швајцарија воведе вештачка интелигенција за „разговор со Исус“- се чека во редици

Станува збор за уметничкиот проект Deus in Machina (Бог во машината), а верниците имаат можност да се исповедаат на вештачката интелигенција, да поставуваат различни прашања за верата и да добијат одговори од дигитално прикажан Исус.

Најмалку две третини од верниците, кои зборувале со верзијата на Исус со вештачка интелигенција, велат дека имале „духовно искуство“. Еден од нив изјавил за локалните медиуми: „Бев изненаден, беше толку лесно, иако беше машина. Добив толку многу совети “.

Сепак, не сите се импресионирани. Поединци известуваат дека одговорите и советите на вештачката интелигенција биле „генерички“. Покрај тоа, тие целиот проект го нарекоа „финта“, пренесува Дејли Мејл.

Оваа инсталација е привремена, иако претставниците на црквата наведуваат дека слични чат-ботови со вештачка интелигенција би можеле во иднина да „преземат одредени одговорности на пасторите“.

Постапката е едноставна, а подразбира дека верникот влегува во исповедалницата и поставува прашање - или ја презентира својата приказна, по што вештачката интелигенција ги дава одговорите. Анимираното лице на Исус се движи во реално време, во однос на компјутерски генерираниот говор.

Верзијата на Исус со вештачка интелигенција е способна да зборува 100 различни јазици, со цел да се сретне со многубројните туристи кои го посетуваат швајцарскиот град Луцерн.

По влегувањето во исповедалницата, верниците се пречекани со порака „да не откриваат лични податоци под никакви околности“, да ја користат оваа услуга „на сопствен ризик“ и да притиснат копче доколку „ги прифаќаат условите“.

Многу верници открија дека имале прашања во врска со Светото писмо или дека побарале духовен совет. Така, неименуван маж рекол: „Прашав како да ја прекинам спиралата на насилство, а одговорот беше – со молитва, а не со одмазда“.

Проектот за вештачка интелигенција е создаден од истражувачи и теолози од Универзитетот за применети науки и уметности во Луцерн. Свесни се дека одговорите што ги добиваат верниците нема да ги задоволат сите и нагласуваат дека сакаат да започнат разговор за улогата на вештачката интелигенција во религијата.

„Ова е експеримент. Сакавме да започнеме дискусија со тоа што ќе им дозволиме на луѓето да имаат конкретно искуство со вештачката интелигенција. На тој начин, имаме основа да разговараме меѓу себе“, се вели во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Паника во Ниш: Ученик влегол во училиште со пиштол и имал список за отстрел- уапсен е маж за ширење лажна вест

Припадници на Министерството за внатрешни работи во Ниш, по наредба на Основното јавно обвинителство во Ниш, го уапсија М. Ј. (1979) од овој град.

Паника во Ниш: Ученик влегол во училиште со пиштол и имал список за отстрел- уапсен е маж за ширење лажна вест

Припадници на Министерството за внатрешни работи во Ниш, по наредба на Основното јавно обвинителство во Ниш, го уапсија М. Ј. (1979) од овој град, поради постоење основи на сомнение дека сторил кривично дело предизвикување паника и неред, додека против Б. И. (1973) од овој град, осомничен за истото кривично дело, во редовна постапка е поднесена кривична пријава, објави Телеграф.

М. Ј. е осомничен дека вчера од својот профил на социјалните мрежи споделил лажни информации дека ученик во средно училиште во Ниш донел пиштол во училиште и дека имал список на луѓе за отстрел, што предизвикало загриженост кај родителите и учениците.

Оваа објава, како што се сомнева, е преземена од профилот на Б. И., кој бил достапен за мал број луѓе.

На М. Ј. му е одредено притвор до 48 часа и ќе биде приведен во Основното јавно обвинителство во Ниш со кривична пријава.

Тагови: отстрел ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дрон погоди нуклеарна електрана во Русија- итно се огласи МААЕ

Меѓународната агенција за атомска енергија (МААЕ) соопшти дека дрон удрил во ладилна кула во нуклеарната централа Курск во Руската Федерација.

Дрон погоди нуклеарна електрана во Русија- итно се огласи МААЕ

Се наведува дека електраната работела во времето на нападот, но нејзиниот режим на работа не се променил и немало пожар.

Генералниот директор на МААЕ, Рафаел Гроси, изјави дека сите напади врз нуклеарните постројки се „неприфатливи бидејќи можат да ја загрозат нуклеарната безбедност, без оглед каде се случуваат“.

Генералниот директор Гроси, исто така, го повтори својот повик за максимална воена воздржаност за да се спречи ризикот од нуклеарна несреќа.

Тагови: дрон електрана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

Порано оваа година, една компанија во покраината Зеланд во Холандија отпушти жена поради закана дека ќе убие колешка.

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

„Подобро да не ја сретнам, бидејќи ќе ја средам“, рекла жената, по што била отпуштена.

Сепак, Окружниот суд на Зеланд и Западен Брабант пресуди дека отказот без претходна најава е престрога казна за заканата и ѝ наложи на компанијата да ѝ исплати на жената повеќе од 10.000 евра.

Жената почнала да работи во финансиската администрација на организацијата на почетокот на 2024 година. Во февруари 2026 година, таа била суспендирана поради, како што рекол работодавачот, лоши резултати.

Таа била обвинета за вознемирување, заплашување и намерна саботажа и поткопување на колегите. Таа имала конфликт со колешката поради озборувања, објавува NL Times.

По суспензијата, жената морала да му го предаде компјутерот на ИТ менаџерот, кој ја испратил до излезот. На излегување, таа рекла: „Подобро да не ја сретнам, бидејќи ќе ја фатам. Можеш да ѝ го кажеш тоа“.

Работодавачот верувал дека жената се осврнува на колешката со која се расправала. Таа била отпуштена веднаш поради таа изјава, врз основа на тоа дека станува збор за „сериозна закана за насилство“.

Отпуштената вработена се обратила на суд, тврдејќи дека таквата казна е прекумерна и неоправдана. Таа изјавила дека нејзината изјава не се однесува на некое конкретно лице и дека била емоционално вознемирена бидејќи суспензијата дошла како целосно изненадување за неа.

Работодавачот, од друга страна, тврдел дека заканувачката изјава не била изолиран инцидент и дека колегите и клиентите претходно се жалеле на нејзиното однесување.

Окружниот суд Зеланд-Западен Брабант пресуди во корист на жената. Судот утврдил дека нејзината изјава била „заканувачка и неприфатлива“ и дека нејзиното објаснување дека не мислела на некој конкретен колега не било веродостојно. Сепак, судот ги зел предвид олеснителните околности.

Судијата сметала дека е „разбирливо“ што жената била вознемирена од суспензијата и дека ја дала заканувачката изјава „во жештината на моментот“.

Судот, исто така, не ги зел предвид претходните жалби за нејзиното однесување, бидејќи тие не биле наведени како причина за отпуштањето. Покрај тоа, работодавачот не можеше да докаже дека овие жалби некогаш биле покренати до жената.

Затоа, судот го поништи отказот со моментално дејство.

Жената не сакаше да се врати на работа бидејќи во меѓувреме веќе нашла друга работа, па судот ѝ наложи на компанијата да ѝ исплати повеќе од 10.000 евра. Оваа сума вклучува законска отпремнина од речиси 2.700 евра, отказен рок од повеќе од 4.300 евра и дополнителни 3.500 евра за неоправдано отпуштање.

Жената побара 47.000 евра отштета, но судот ѝ досуди значително помал износ бидејќи наскоро нашла нова работа, па нејзините финансиски загуби биле ограничени.

Тагови: колешка отказ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер