Регион

Чума на овци и кози во Грција- се уништуваат илјадници домашни животни

Властите во Грција најавија ограничувања низ целата земја за борба против смртоносната вирусна епидемија што се заканува на домашната сточарска индустрија.

Епидемија на чума на овци и кози, позната и како Peste des Petits Ruminants, или PPR, за прв пат е откриена на 11 јули во регионот Тесалија, централна Грција, и е многу заразна за овците и козите, но не влијае на луѓето.

Министерот за земјоделство Костас Циарас воведе забрана за движење на кози и овци низ целата земја за да се спречи ширењето на болеста и да се искорени чумата.

Грција потврди 22 случаи на чума кај животните, од кои 20 се откриени во Тесалија, Централна Грција, еден во Коринт, Пелопонез и еден во Атика.

Според европските упатства, сите животни во погодените единици мора да бидат уништени, проследено со дезинфекција и карантин.

Над 10.768 животни се заклани, откако првиот случај беше откриен во јули и се очекува наскоро да бидат убиени уште 2.000.

Фармерите и официјалните лица рекоа дека болеста најверојатно била донесена во земјата од увезена стока.

„Мерките кои се во сила од минатата недела во однос на транспортот, движењето и колењето на животните ќе бидат продолжени за уште една недела и мислам дека ова ќе биде навистина важен чекор, бидејќи транспортот на животните е тој што претставува најголем ризик за ширење на болеста“, рече Костас Цијарас, министер за земјоделство.

Шоу биз

Фото: Северина во костим за капење, обожавателите го пофалија нејзиниот изглед

Северина (52) не престанува да објавува фотографии од одморот. Сега таа позираше на брод во сребрен костим за капење.

Во описот таа го стави текстот на песната на Ѓорѓе Балашевиќ : "Život je more, pučina crna / po kojoj tonu mnogi što brode... / Nije mi srce plašljiva srna, / ja se ne bojim velike vode..."

Следбениците има само пофални зборови за нејзините фотографии. „Вистинска бомба од жена“, „Убава жена во секоја верзија“, „Совршена“, „До кога ќе бидеш вака жешка“, „Убава си“, се само дел од коментарите.

Автомобилизам

Видео: „McLaren P1“ направен од „Lego“ коцки

Сигурни сме дека никогаш досега не сте виделе вакво нешто.

„McLaren“ и „Lego“ се здружија за да создадат целосно функционален „McLaren P1“ направен целосно од „Lego“ коцки.

Овој уникатен модел е составен од точно 342.817 елементи на „Lego Technic“, а на него работеле 23 луѓе.

Примерокот има целосно функционален електричен погон и контролен систем, а беше тестиран на патеката Силверстоун.

Зад воланот беше Ландо Норис, кој вози за Формула 1 тимот на „McLaren“, но неговото време на круг не е објавено.

Извор: Б92

Свет

Осуда од Г7 за испраќањето ирански балистички ракети во Русија

Министрите за надворешни работи на земјите од Г7 „најостро“ го осудија испраќањето ирански балистички ракети во Русија.

- Иран мора веднаш и целосно да ја прекине својата поддршка за нелегалната и неоправдана војна на Русија против Украина и да го запре таквиот трансфер на балистички ракети, беспилотни летала и слични технологии, се наведува во заедничката изјава на министрите за надворешни работи на Канада, Франција, Германија и Италија. Јапонија, Велика Британија и САД.

Според Г7 оружјето со кое Техеран ја снабдува Москва „претставува директна закана за украинскиот народ, како и за европската и меѓународната безбедност“.

Претходно оваа недела, американскиот државен секретар Ентони Блинкен изјави дека Русија добила балистички ракети од Иран и дека најверојатно ќе ги употреби во рок од неколку недели, а САД, Германија, Велика Британија и Франција воведоа нови санкции за Техеран.

Москва и Техеран ги отфрлија обвинувањата на западните сојузници./МИА

притисни ентер