На средбата од страна на колегите во СВР Охрид беше запознаен со тековните проблеми со кои се соочуваат во своето работење, во насока на борбата против криминалот на ова подрачје, како и одржувањето на јавниот ред и мир, при што заеднички беше констатирано дека безбедносната состојба на подрачјето на СВР Охрид е стабилна.
Најголем предизвик со кој се соочуваат полициските службеници се тешките кражби, разбојништвата и сообраќајните несреќи.
Во фокусот на средбата беа парламентарните избори, нивната организација и мерките и активностите кои се преземаат, а се насочени кон гарантирање на нивната безбедност.
Од страна на министерот Чулев беше побарано доследна примена на принципот на законитост во насока на обезбедување фер и демократски избори.