Викторија Бекам (48) е позната по своите строги навики во исхраната до кои се придржува без приговор. Нејзиниот начин на исхрана честопати е тема на дискусија дури и меѓу нејзините пријатели.
И додека едни тврдат дека е прилично пребирлива кога е во прашање храната, други велат дека никогаш не ја виделе да јаде иако ја познаваат со децении.
За разлика од Викторија, која, според сведочењето на нејзините пријатели, е опседната со здравата исхрана и витката линија, нејзиниот сопруг Дејвид обожава храна и добро вино. Кога ќе му се пријаде нешто домашно, тој оди на вечера кај својата мајка, а таа му приготвува пржени компири и месо.
За разлика од Викторија, која практично не влегува во кујната, тој обожава да готви, па јасно е дека нивниот син Бруклин талентот за приготвување храна го наследил од татка си.
Судејќи по фотографиите што ги објавува на Инстаграм, Дејвид сака добро месо, знае добро да испече мисирка и е експерт за палачинки, кои често ги приготвува за својата ќерка Харпер.
Зборувајќи за исхраната на својата сопруга, тој во една прилика откри дека таа со децении се храни на ист начин, и тоа риба на скара и зеленчук приготвен на пареа. Секој ден пие кокосова вода или чај од нане, а за годишнината знае да изеде и парче веганска торта од лубеница.
Откривајќи го своето мени, Викторија изјави дека е прилично екстремна во сè што прави, без разлика дали во прашање е исхраната или вежбањето.
- Јадам многу здрави масти, риба, авокадо, јаткасти плодови. Повремено пијам, но често имам периоди од пет-шест месеци кога не вкусувам ни капка алкохол затоа што сакам да си го прочистам организмот – изјавила таа.
Како што изјавила, дневно јаде по три до четири авокада и секогаш со себе носи шише кокосова вода или чај од нане.
-Јас сум им кошмар на повеќето готвачи и ресторани. Не јадам ништо пржено или зготвено на путер или масло, не јадам црвено месо или млечни производи - додала Пош.
Викторија Бекам е толку дисциплинирана што не се опушта ни за својот роденден, тогаш јаде парче торта од лубеница украсена со јагоди и боровинки.
Денот го започнува со топла вода со три лажици јаболков оцет, а потоа пие чаша вода со лимон и многу кафе. Свесна е дека луѓето често ја исмејуваат поради начинот на исхрана, но таа не се откажува од својата рутина што ја следи со децении.
И познатиот готвач Гордон Ремзи, кој имал можност да готви оброк за Викторија, изјави дека строго се придржува до исхраната.
- Се сеќавам дека во времето кога беше бремена со својата ќерка Харпер и ме замоли да ѝ направам салата со чадена пастрмка и едноставен прелив - рекол тој.
Менито на Викторија Бекам:
- вода со три лажици јаболков оцет, топла вода со лимон и кафе за појадок
- риба на скара
- зеленчук на пареа
- авокадо
- јаткасти плодови
- многу кокосова вода
- чај од нане