Чудесните својства на кората од банана

Најчесто, кога јадете банана, кората ја фрлите во ѓубре. Се надеваме дека после овој текст нема да го повторите тоа бидејќи има десетина прекрасни начини да ја искористите.

Кората од банана можете да ја користите во кујната за чистење или за нега на лицето и телото, пишува Bright Side.

АКНИ

Кора од банана содржи витамини Ц и Е, калиум, цинк, железо и манган. Овие хранливи материи ја смируваат воспалената кожа и појавата на акните. Освен тоа, кората од банана содржи лутеин и каротеноиди, соединенија растворливи во масти кои помагаат во борбата против воспалението и акните.

Сè што треба да направите е да ја втриете внатрешноста од кората од банана на проблематичните места и да ја оставите да делува пет до 10 минути. Потоа исплакнете со вода. Оваа постапка можете да ја повторувате два пати на ден, додека не се смири воспалението.

БРЧКИ

Брчките на лицето се појавуваат кога кожата ја губи еластичноста и цврстината. Антиоксидансите и витаминот Ц во бананите можат да помогнат да се намалат брчките што ги носат годините.

Најдобро е да ја втриете внатрешноста од кората во кожата после миење и да ја оставите да отстои најмалку 30 минути или цела ноќ. Повторувајте ја оваа постапка три пати неделно.

ПОЛИРАЊЕ СРЕБРО

Кога среброто ќе почне да потемнува, обидете се да го вратите неговиот сјај со кора од банана. Внатрешноста на кората содржи супстанции како калиум, кои помагаат при чистење на металните предмети.

Еве како да направите паста за полирање на сребро: кората од банана ставете ја во блендер, додајте половина шолја вода и мешајте додека не добиете паста со која добро ќе го истриете среброто.

ОТСТРАНУВАЊЕ НА ТУЃО ТЕЛО ОД КОЖАТА

Кората од банана е богата со ензими кои имаат способност да привлечат парчиња стакло или дрво кои се вовлекле под кожата.

Доколку се најдете во таква ситуација, ставете ја внатрешноста на кората на погоденото место и оставете да отстои 15 минути. Потоа отстранете ја кората без триење и нежно отстранете го туѓото тело од кожата.

КОМПОСТИРАЊЕ

Доколку правите компост, добро ќе ви дојде кората од банана која содржи многу калциум, магнезиум, сулфур, фосфат, калиум и натриум. Сите овие супстанции се добри за вашите билки. Ако не правите компост, исечете ја кората на помали парчиња и закопајте ја покрај коренот на растението, а потоа наводнете го.

БЕЛЕЊЕ ЗАБИ

Кората на зрелата банана е многу богата со калиум, кој може да помогне во намалувањето на жолтите дамки кои се појавуваат како резултат на консумирање одредени напитоци како кафе и чај и одредени видови храна како боровинки и малини.

Откако ќе ги измиете забите, доброистријте ги со внатрешноста на кората, а по две минути исплакнете ги. Постапката повторувате ја секојдневно.

ЛУЗНИ

Кората од банана има способност да ја намали иритацијата на кожата како што се оток, црвенило и лузни. Таа содржат одредени масни киселини кои се наоѓаат во лосионите кои ја намалуваат видливоста на лузните.

Внатрешноста на кората од банана треба да се стави на болното место и да се остави да отстои преку ноќ. Постапката треба да се повторува секој ден додека црвенилото не се смири.

ТРЕТМАН НА МИГРЕНА И ГЛАВОБОЛКИ

Кората треба да се стави во замрзнувач еден час, а потоа да се нанесе на челото и тилот. Треба да се чува додека не се загреае, а потоа постапката да се повторува додека главоболката не исчезне.

ОМЕКНУВАЊЕ НА МЕСО

За стекот да биде влажен и мек, додајте малку зрела кора од банана во садот за печење. Ова го одржува месото сочно бидејќи кората од банана го спречува испарувањето.

ЧЕШАЊЕ

Кората од банана е одличен домашен лек за чешање на кожата. Таа содржи хистамин, хранливи материи како магнезиум, витамин Ц и Е.

Ако ве чеша кожата поради каснување од комарец или поради допирање на отровен бршлен, нанесете кора од банана на зафатеното место и оставете да делува петнаесет минути. Отстранете ја и повторно нанесете нова кора доколку сè уште чувствувате чешање.

Градски паркинг со санкции за 122 непрописно паркирани возила на зелени јавни површини

Во текот на изминатата недела (18.05 - 25.05.2022 година) со специјалните возила пајак се отстранети вкупно 122 возила од јавните површини, информираат од ЈП Градски паркинг. 

Непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Јавното претпријатие „Градски паркинг" апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата. Плаќањето за паркинг услугата може да се изврши преку СМС порака или со греб картичка.

Претседателката на ЕБОР, Одил Рено-Басо во посета на Македонија

Рено-Басо ќе учествува и на Скопскиот економски и финансиски форум, каде ќе има обраќање и ќе зборува за одржливиот раст и транзицијата на ниски вредности на јаглероден диоксид.

Претседателката на Европска банка за обнова и развој (ЕБОР) Одил Рено-Басо во вторникот, 31 мај, првпат ќе престојува во посета на нашата држава, при што ќе оствари средби со премиерот, министерот за финансии, банки од приватниот сектор и инвеститори.

Рено-Басо ќе учествува и на Скопскиот економски и финансиски форум, каде ќе има обраќање и ќе зборува за одржливиот раст и транзицијата на ниски вредности на јаглероден диоксид.

Како што најавија од ЕБОР, таа ќе потпише нов кредитен договор со Стопанска банка под новата ЕБОР програма насловена „Одржливо поттикнување на МСП" во износ од ЕУР 4 милиони, кредитна линија која ќе ги поддржува малите и средни претпријатија (МСП).

-ЕБОР е главниот инвеститор во Македонија, која е важна дестинација за инвеститорите, за нас, но и за целиот регион на Западен Балкан, соопшти Одил Рено-Басо.

Таа додава дека со нетрпение ги очекува дискусиите за нивните следни проекти со властите, вклучувајќи го и натамошно подобрување на транспортот и развој на приватниот сектор.

-ЕБОР стои до Македонија во напорите на земјата да ја подобри енергетската безбедност и да направи декарбонизација на економијата, два предизвика кои се мошне важни во моменталниот геополитички и економски контекст, посочува Одил Рено-Басо.

Претседателката на ЕБОР доаѓа во посета на земјата еден месец после посетата на потпретседателот за политика и партнерство на ЕБОР Марк Боуман, кој исто така беше во Скопје.

Дел од инвестициските проекти во земјата, кои се разгледуваат за поддршка, се изградбата на делот на интерконекцијата на гас меѓу Македонија и Грција, делот од автопатот меѓу Скопје и косовската граница, подобрување на менаџментот со цврст отпад во земјата, како и поголем број на кредитни линии за локалните банки за подобрување на енергетската ефикасност, кои ќе бидат понатаму пласирани на МСП. Кредитите на ЕБОР ќе имаат и грант компонента обезбедена од донаторите од ЕУ, Обединетите Нации, Швајцарија, Шведска, САД, Норвешка, Луксембург и други донатори.

-Енергетската ефикасност е област каде ЕБОР и донаторите работат да и помогнат на Македонија во транзицијата на земјата кон ниски вредности на јаглероден диоксид. Банката веќе има направено поголем број инвестиции во електричната мрежа и новите енергетски извори, правејќи ја земјата енергетски побезбедна и помалку зависна од увоз на гориво, се наведува во соопштението на ЕБОР.

ЕБОР е главен институционален инвеститор во Македонија. До денес има инвестирано над ЕУР 2,2 милијарди, во 161 проект во земјата.

Реконструирана пешачката патека на улица „Љубљанска" во Карпош

Со асфалтирањето на третиот дел од пешачката патека на улица „Љубљанска", на потегот од улицата „Разловечко востание" до булевар „Илинден", целосно е реконструирана пешачката патека, на вкупна површина од 1300 квадратни метри.

Како што информираат од прес-службата на Град Скопје, на овој потег, исто така ќе бидат поставени заштитни столпчиња, со цел зголемување на безбедноста за пешаците и спречување на непрописно паркирање возила на пешачката патека.

Посочуваат дека досега се поставени 94 заштитни столпчиња на реконструираната пешачка патека на улицата Љубљанска, на потегот од од булеварот „Партизански одреди" до улицата „Разловечко востание".

– Реконструкцијата на пешачката патека продолжува од другата страна на улицата „Љубљанска", во насока од булеварот „Илинден" до „Сити Мол", на површина од 1000 квадратни метри. Со обновувањето на пешачката патека се олеснува движењето на пешаците на овој потег и се зголемува безбедноста за учесниците во сообраќајот, соопштуваат од Град Скопје.

притисни ентер