Чучуљ: Борбата против корупцијата не е натпревар меѓу институциите, тоа е заеднички фронт во создавање подобро општество - Канал 5

Чучуљ: Борбата против корупцијата не е натпревар меѓу институциите, тоа е заеднички фронт во создавање подобро општество

-Целта е преку овие механизми да ја засилиме довербата во институциите, да го зајакнеме нивниот капацитет, да го штитат јавниот интерес и да придонесеме за подобро и побрзо приближување на Македонија кон европското семејство, рече првиот човек.

Чучуљ: Борбата против корупцијата не е натпревар меѓу институциите, тоа е заеднички фронт во создавање подобро општество

Граѓаните денес со право очекуваат резултати, очекуваат декларативната волја за борба против корупцијата, да ја видат во пракса. Борбата против корупцијата не е натпревар меѓу институциите, тоа е заеднички фронт во создавање подобро општество за сите, порача денеска претседателот на Државната комисија за спречување на корупцијата, Адем Чучуљ на настанот посветен на 9 декември - Меѓународниот ден за борба против корупцијата.

Во своето обраќање новоизбраниот претседател на ДКСК истакна дека голема е честа да се биде на чело на оваа институција, но, нагласи дека уште поголема е одговорноста што таа ја носи со себе, особено во време кога очекувањата на јавноста се високи, а потребата од интегритет и системски промени е неопходна и итна.

Тој во својот говор се осврна на клучните активности на ДКСК во престојниот период во насока на изградба на поефикасен систем за превенција на корупцијата - изготвување на нова национална стратегија за превенција на корупцијата 2026-2030 година, промовирање на интегритетот и подигање на јавната свест за лобирањето.

-Целта е преку овие механизми да ја засилиме довербата во институциите, да го зајакнеме нивниот капацитет, да го штитат јавниот интерес и да придонесеме за подобро и побрзо приближување на Македонија кон европското семејство, рече првиот човек на ДКСК.

Изготвувањето на новата Национална стратегија е во завршна фаза и како што посочи тој нивната визија е таа да не биде само декларација, туку алатка за реални промени.

-Затоа таа ќе биде концизна и фокусирана на секторски на состојбите најранливи на корупцијата, со јасни и остварливи мерки и активности.

За успехот на Националната стратегија е потребен ангажман од целото општество, Собранието, Владата, локалната самоуправа, правосудството граѓанскиот сектор, медиумите, рече Чучуљ.

Во однос на интегритетот нагласи дека особено значајно, ако не и најважно е воспоставување на систем за одговорна отчетност, спроведување на мерките и активностите кои ќе бидат утврдени.

-Интегритетот е поим кој се почесто го слушаме, кој не е административна процедура, тоа е морален капитал, тој е темел на доброто управување и стратешки и одржлив одговор на ризиците од корупцијата. Коку е посилен интегритетот толку е помала корупцијата, рече Чучуљ и додаде дека ДКСК веќе неколку години го промовира системот на интегритет и го поддржува работењето на лицата за интегритетот во институциите.

Како особен предизвик посочи дека ќе претставува прилагодување имплементација на системот интегритет во институциите на правосудството, за што со поддршка на нашите партнери, додаде, ќе вложиме максимални напори во периодот што следи.

Во однос на лобирањето истакна дека современите демократски системи не ја исклучуваат комуникацијата меѓу институциите, граѓаните и приватниот систем, но кога таа комуникација се одвива надвор од институционални рамки, станува извор на ризици.

-Затоа целта на ДКСК во наредниот период е да ја подигне свеста на лобирањето односно лобирањето мора да биде регулирано. Контактите со носителите на јавни функции треба да бидат транспарентни. Јавноста мора да знае кога кога, кој и во чие име влијае врз донесување на одлуките. Целта е се стави крај на културата на неформални центри на моќ и да се изгради систем во кој влијанието е легитимно. Во наредниот период со поддршка на меѓународните фактори ќе преземеме активности за подигање на јавната свест за лобирањето преку инклузивен процес со сите релевантни чинители, додаде првиот антикорупционер.

Претседателот на Собранието Африм Гаши истакна дека корупцијата не е само законски прекршок, туку длабока општествена рана што го допира животот на секој граѓанин, ги разнишува темелите на демократијата и го забавува економскиот потенцијал.

-Таа е невидливата рака што им ги краде правата и надежите на луѓето. За жал, овој порок е и главната причина зошто нашите најсветли умови ја гледаат својата иднина надвор од земјата. И ова повеќе не е само начин на гледање на реалноста, туку факт потврден во секој меѓународен извештај и во секоја домашна анкета. Иако се претпоставува дека политиката треба да го подобри животот и да ја гради иднината, трагично е кога една земја ќе дојде до точка каде што за многу граѓани зборот „политика“ се поврзува со зборот „корупција“. Ова е индикатор дека веќе не се соочуваме само со институционален проблем, туку со длабока рана во општествената култура, менталитет кој е вкоренет години наназад преку злоупотреби и разочарувања. Соочени со ваквата реалност, не е доволна само да реагираме, туку пред се, неопходно е сите заедно да размислиме, отворено да го признаеме предизвикот и храбро да дејствуваме, рече Гаши.

Тој додаде дека Национална стратегија за спречување на корупцијата 2026–2030 претставува неопходна пресвртница и одразува нова визија за тоа како треба да функционира државата, визија изградена врз сериозна анализа на ризик, врз европските практики, како и врз обемни консултации со институции, експерти, меѓународни партнери и граѓанското општество.

-Додека Стратегијата се наоѓа во својата најинтензивна фаза на подготовка, сакам посебно да ја истакнам работата на Државната комисија за спречување на корупцијата и да ја реафирмирам целосната поддршка на Собранието за овој процес. Убеден сум дека ниту една стратегија, колку и да е добра, не може да даде резултати без одговорно, активно и независно Собрание во вршењето на своите функции. Собранието е камен-темелник на владеењето на правото и институцијата каде што се поставуваат стандардите за јавен интегритет. Преку законодавната функција, ги затвораме можностите за злоупотреба; преку надзорната функција, ја држиме извршната власт одговорна; а преку претставничката функција, ние сме гласот на граѓаните кои бараат, очекуваат и заслужуваат правда и чесност, додаде Гаши.

Во овој дух, продолжи тој, од денот кога ја презедов одговорноста да ја водам оваа институција, поставив јасни приоритети за нов стандард на транспарентност, зајакнување на одговорноста, унапредување на институционалната етика и отворање на Собранието кон општеството.

-Започнавме неколку нови процеси на дигитализација и ги консолидиравме механизмите што го прават Собранието пример за интегритет, бидејќи само институција што одржува највисок морален и правен стандард може да го бара истото од другите и навистина да придонесе за праведна и некорумпирана држава. Затоа, кога станува збор за Собранието, сакам да бидам прецизен и јасен: Собранието не е набљудувач на оваа битка, туку компасот што ја насочува државата по патот на интегритетот, додаде Гаши.

Претседателот на Собранието нагласи дека борбата против корупцијата не се води сама по себе и не се ограничува само на закони и стратегии. Таа, како што посочи, бара култура на интегритет, личен пример, политичка одговорност и општествена свесност, таа се спречува и се надминува тогаш кога ја одбиваме рамнодушноста.

-Говорот го започнав со опишување на состојбата и последиците до кои нè доведе корупцијата, а сакам да го завршам со уверувањето дека корупцијата процветува таму каде што молкот е норма и каде што се предаваме пред овој озлогласен феномен и пред слоевитиот стар менталитет. Еден афоризам нè потсетува дека „Корупцијата е како снежна лавина: откако ќе почне да се тркала, може само да расте.“ Но, таму каде што општеството се издигнува, каде институциите преземаат одговорност и каде граѓанинот одбива да ја прифати неправдата како судбина, тоа е точката кога лавината почнува да се топи, заклучи Гаши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шефот на британските воздухопловни сили: Ова може да биде последниот борбен авион со пилот

Следниот британски борбен авион би можел да биде последниот во чија пилотска кабина ќе има пилот, изјави ер-маршалот сер Харв Смит, висок командант во Кралските воздухопловни сили (РАФ), во интервју за „Телеграф“. 

Шефот на британските воздухопловни сили: Ова може да биде последниот борбен авион со пилот

Смит смета дека борбените авиони без екипаж, потпомогнати од вештачка интелигенција, целосно ќе ја трансформираат воената авијација – промена што тој ја спореди со преминот од авиони со пропелери кон авиони со млазен погон.

Се очекува новиот борбен авион да биде подготвен до 2035 година.

Британија развива борбен авион од шестата генерација наречен „Темпест“ (Tempest), кој ќе вклучува „стелт“ технологија. Тој се развива како дел од меѓународна иницијатива позната како „Глобална програма за борбена авијација“ (GCAP).

Во проектот, вреден повеќе милијарди фунти, се вклучени британската компанија „BAE Systems“, италијанската „Leonardo“ и јапонската фирма „Japan Aircraft Industrial Enhancement Company“. Планот е новото летало да влезе во оперативна употреба до 2035 година.

„Леталото од програмата GCAP би можело да биде последното борбено летало со екипаж што некогаш ќе го изградиме – не затоа што луѓето ќе станат помалку важни, туку напротив“, изјави Смит за „Телеграф“.

Смит објасни дека британското Кралско воено воздухопловство (RAF) во иднина ќе ги комбинира постојните борбени авиони со автономни системи – односно, со летала способни самостојно да извршуваат одредени задачи.

„Доколку се користат правилно, вештачката интелигенција и машините ќе ги преземат најопасните задачи наместо луѓето; сепак, технологијата мора да го подобри човечкото расудување, а не да ја замени човечката одговорност“, рече Смит.

Британското Кралско воено воздухопловство моментално управува со борбените авиони „Еурофајтер тајфун FGR4“ (Eurofighter Typhoon FGR4) и „Ф-35Б лајтнинг“ (F-35B Lightning). Вториот модел го користи и Кралската морнарица, бидејќи е способен да полетува и слетува на носачи на авиони.

Смит најави дека првите беспилотни борбени летала ќе почнат да летаат низ британскиот воздушен простор уште следната година. Ова ќе го означи почетокот на нова фаза во развојот на воената авијација, во која луѓето сè повеќе ќе управуваат со леталата од далечина.

„Беспилотните борбени летала ќе почнат да летаат во британскиот воздушен простор следната година. Ова е истовремено возбудливо и неопходно“, изјави првиот човек на британското Кралско воено воздухопловство.

Велика Британија веќе го користи беспилотното летало „Протектор“ - долго приближно 11 метри - дизајнирано и за извидување и за вооружени операции.

Се управува од RAF Waddington, база лоцирана во англискиот округ Линколншир. „Протектор“ може да остане во воздух приближно 40 часа и е способен да носи ракети „Бримстоун“ и прецизно водени бомби „Пејввеј“.

За разлика од целосно автономните системи, ова летало е контролирано од оператори на земја.

САД веќе тестираат борбени беспилотни летала заедно со борбени авиони.

Минатиот месец, воздухопловните сили на САД спроведоа тест што демонстрираше како би можела да изгледа таквата соработка.

Борбен авион „Ф-22 Раптор“, пилотиран од човек, полета од воздухопловната база „Едвардс“ во Калифорнија. За време на тестот, пилотот на „Ф-22“ дал тактички инструкции на беспилотното летало „ЈФК-44А Фјури“ што летало во близина. Дронот потоа независно ги толкувал овие команди, ги избирал своите маневри и извршувал симулирани борбени задачи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ким Кардашијан во провокативно издание го поддржа своето момче Луис Хамилтон

Американската старлета Ким Кардашијан уште еднаш ја искористи можноста да ги покаже своите бујни облини на еден настан, привлекувајќи ги погледите на љубопитните набљудувачи. 

Ким Кардашијан во провокативно издание го поддржа своето момче Луис Хамилтон

Вчерашната трка во Формула 1 за Големата награда на Лас Вегас собра бројни ѕвезди од светот на шоу-бизнисот.

Присутни беа неколку познати убавици, кои го збогатија настанот со своите внимателно одбрани модни комбинации.

Меѓу истакнатите дами беше и Ким Кардашијан, ѕвездата од реалните шоуа дојде да му даде поддршка на своето момче седумкратниот свтески шампион во Ф1, Луис Хамилтон.

За оваа прилика Ким одбрала две различни модни комбинации.

Најпрво заблеска во црна кожна комбинација која ги истакна нејзините бујни облини и бујни гради, а потоа се пресоблече во посветла – но подеднакво впечатлива – облека.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Џенифер Лоренс открива кој колега се бакнува најдобро, на листата Бредли Купер,Тимоти Шаламе..

Холивудската ѕвезда, убавата актерка Џенифер Лоренс  ги рангирала колегите со кои снимала романтични сцени, според тоа кој од нив се бакнува најдобро. 

Џенифер Лоренс открива кој колега се бакнува најдобро, на листата Бредли Купер,Тимоти Шаламе..

Првото место му припадна на Џош Хачерсон иако во конкуренција биле и Лијам Хемсворт, Бредли Купер....

Американската актерка Џенифер Лоренс откри кој од нејзините холивудски колеги најдобро се бакнува, а нејзиниот редослед привлече големо внимание во јавноста.

За време на гостувањето во емисијата „Watch What Happens Live“ кај Енди Коен, актерката доби задача да ги рангира колегите со кои снимала романтични сцени. На листата се најдоа Лијам Хемсворт, Бредли Купер, Џош Хачерсон, Крис Прат и Тимоти Шаламе.

Лоренс му го додели првото место на Џош Хачерсон, со кого глумеше во филмскиот серијал „Игри на гладта“. „Џош е најдобар, а потоа, па, Хемсворт, Купер, Шаламе, Прат“, изјави актерката.

Интересно е тоа што Хачерсон беше присутен во студиото додека Лоренс го споделуваше своето мислење.

Актерката зборуваше и за снимањето романтични сцени, нагласувајќи дека, во реалноста, таквите искуства немаат многу врска со романтиката.

Присуството на голема филмска екипа, камери и напорниот работен ден создаваат атмосфера која е далеку од интимна. За неа е особено непријатно кога треба да снима сцени со бакнување со колеги кои ѝ се блиски пријатели, како што е Хачерсон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер