Човек влезе во соба преполна со отровни змии и им пружи раце- 42 милиони прегледи (ВИДЕО) - Канал 5

Живот

Човек влезе во соба преполна со отровни змии и им пружи раце- 42 милиони прегледи (ВИДЕО)

Видео објавено на Инстаграм пред четири дена, се заканува да ги сруши сите рекорди на гледаност.

Човек влезе во соба преполна со отровни змии и им пружи раце- 42 милиони прегледи (ВИДЕО)

На видеото се гледа човек затворен во соба со змии, но „придружник“ не му се две или три змии, туку собата во која престојува е полна со змии.

Видеото прикажува мала соба полна со змии кои изгледаат страшно. Во меѓувреме во собата влегува маж со повредена нога, потпрен на стап. Потоа седнува, а змиите почнуваат да му приоѓаат.

Ова видео беше споделено на Инстаграм од сметка наречена ali_gholami5752, пред 2 дена: повеќе од 42 милиони луѓе го гледале досега! Храброста и вештината на овој човек им се допадна на илјадници луѓе.

Медиумите неодамна објавија дека кралска кобра каснала ловец на змии во Сагар во државата Мадја Прадеш, Индија. Кобрата починала додека младиот човек бил на лекување каде целосно закрепнал. Овој необичен и зачудувачки случај на преживување од каснувањето на една од најсмртоносните змии на нашата планета има и мистично објаснување.

Околу 14 дена по инцидентот, дојава за инцидентот била примена во полициска станица, а полицајците контактирале со ловецот на змии за да им даде изјава. Тогаш било откриено нешто необично.

Една индиска поговорка вели дека ако некој биде каснат од црна змија, отровот делува толку брзо што жртвата нема да може да побара вода, но откако фаќачот бил каснат од смртоносната змија, таа била жртвата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Црн биланс во Памплона: 13 тешко повредени на третиот ден на трката со бикови (ВИДЕО)

Тринаесет лица се сериозно повредени денеска, на третиот ден од трката со бикови на фестивалот Сан Фермин во шпанскиот град Памплона, соопштија организаторите.

Црн биланс во Памплона: 13 тешко повредени на третиот ден на трката со бикови (ВИДЕО)

Дваесет и деветгодишен Американец беше прободен во левото рамо со рог, додека другите се здобија со модринки, посекотини и скршени коски додека трчаа низ тесните улици на градот во северна Шпанија. Еден маж (23) доживеа потрес на мозокот.

Сите повредени се мажи на возраст меѓу 18 и 68 години, соопштија организаторите. Повеќето од нив се пренесени во болница на лекување.

YouTube video

Фестивалот трае до следниот вторник

Фестивалот Сан Фермин, кој се одржува во чест на светецот-заштитник на Памплона, започна во понеделник и продолжува до следниот вторник.

Секое утро, шест борбени бикови, од кои некои тежат повеќе од 600 килограми, се тераат низ тесни улички заедно со питоми волови пред попладневните борби.

Трката долга 825 метри привлекува десетици илјади гледачи секоја година. Од 1924 година, шеснаесет лица починале, главно по прободување. Последната жртва е регистрирана во 2009 година.

YouTube video

Групите за заштита на животните редовно организираат протести против фестивалот стар еден век, кој датира од 1591 година, но станува сè поконтроверзен во Шпанија.

Тагови: бикови Памплона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Легендарниот голман Гиљермо Очоа на уникатен начин го одбележа крајот на својата репрезентативна кариера

Шест пара ракавици што висат од пречката ги симболизираат шесте турнири на кои настапи мексиканскиот голман, кој стана икона на Светското првенство.

Легендарниот голман Гиљермо Очоа на уникатен начин го одбележа крајот на својата репрезентативна кариера

По елиминацијата на Мексико од Светското првенство, славниот голман Гиљермо Очоа се прости од стадионот „Ацтека“ – а воедно и од Светското првенство воопшто – на необичен и креативен начин.

Тој остана сам на теренот. Малкумина ја знаеја причината, но глетката што следеше ги трогна фудбалските навивачи ширум светот.

Од пречката висат шест пара голмански ракавици, симболизирајќи ги шесте светски првенства на кои Очоа ги бранеше боите на Мексико – 2006, 2010, 2014, 2018, 2022 и 2026 година.

Тоа беше емотивен потсетник за неверојатната меѓународна кариера на голманот кој стана синоним за врвни одбрани на најголемата фудбалска сцена.

„Не си заминуваш, ти си вечен“ – ова е една од пораките што се шират заедно со фотографиите од овој посебен момент. Со текот на годините, Очоа стана многу повеќе од обичен голман: за генерации мексикански навивачи, тој е симбол на борбеност, гордост и незаборавни моменти на Светското првенство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грчки воен авион Ф-16 принудно слета на Закинтос и се запали (ВИДЕО)

Грчки воен авион F-16C извршил итно слетување на меѓународниот аеродром на Закинтос и се запалил, објавија локалните медиуми.

Грчки воен авион Ф-16 принудно слета на Закинтос и се запали (ВИДЕО)

Авионот бил борбен авион на Грчките воздухопловни сили кој полетал од воздухопловната база Араксос во близина на Патра.

Според првичните извештаи, пилотот морал да изврши итно слетување поради пожар во авионот по полетувањето.

Пожарот е изгаснат, пилотот е добро

Локалните медиуми објавија дека пилотот е добро. Пожарот оттогаш е изгаснат, а снимките објавени на социјалните мрежи покажуваат пожарникари како ги гаснат пламените што го зафатиле авионот на аеродромот.

Грчките медиуми објавија дека пилотот веднаш го известил Националниот центар за воздушни операции, Тактичката воздушна команда и базата Араксос од која полетал. Му било наложено итно слетување на аеродромот на Закинтос.

Аеродромските служби биле ставени во состојба на висока готовност поради инцидентот, а сите летови биле привремено откажани.

Причината за пожарот се утврдува

Според грчките извештаи, пожарот избувнал по принудното слетување, а причината за слетувањето е техничка грешка. Дел од извештајот споменува можност за проблем со опремата за слетување, но официјална потврда за причината сè уште не е објавена.

Авионот припаѓа на 116-то борбено крило на грчките воздухопловни сили. Се очекува истрага за причината за инцидентот откако ќе се изгасне пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер